ئێك: دياركرنا ئێسلامێ كو بيروباوه‌ن، و شه‌ريعه‌ت وياسانه، و په‌رستن و سه‌رگوهى و سه‌ره‌ده‌ريه، و هزروبير و ره‌وشت و ره‌فتارن.
دوو: دوينێ خودێ كو ئيسلامه وه‌كى خودێ و پێغه‌مبه‌رێ وى ڤيايى به‌رچاڤدكه‌ت بێ توندى و سستى، و ناڤنجيه دناڤبه‌را سستى و تونديێدا.
سێ: ئاشكراكرنا رويێ دورست يێ ئيسلامێ، كۆ يێ ب ساناهيه و خودێ ساناهاتي و ته‌نگاڤي بومه ددينيدا نه‌ڤيايه، هه‌ر وه‌كى ئه‌مردكه‌ت و دبيێژيت : (يُرِيدُ اللَّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ) خودێ دڤێت ل سه‌ر هه‌وه ساناهى بكه‌ت، و نه‌ڤێت ل سه‌ر هه‌وه گران بكه‌ت وب زه‌حمه‌ت بێخيت، و دبێژيت: (وَمَا جَعَلَ عَلَيْكمْ فِى الدِّينِ مِنْ حَرَجٍ) و خودێ چو به‌رته‌نگى و گرانى يا زێده‌ى شيانا هه‌وه نه‌كرييه د دينيدا، دينێ هه‌وه يێ به‌رفره‌هكرى، و هه‌روه‌كى دڤه‌گێرا بوخاريدا هاتى (إِنَّ الدِّينَ يُسْرٌ، ولنْ يشادَّ الدِّينُ إلاَّ غَلَبه فسدِّدُوا وقَارِبُوا وَأَبْشِرُوا) دين يێ ب ساناهييه و كه‌س نينه توند و تيژييێ د دينيدا بكه‌ت و خۆ ب سه‌ر دينى بێخيت و هه‌كه دين ب سه‌ر وێ نه‌كه‌ڤيت، دورستيخواز بن بێ كێمكرن و بێ زێده‌كرن و خۆ راگرن و بمينن و د كار و بارێت خۆدا ناڤنجيخواز بن و هه‌كه هوين نه‌شيان كارى ب ره‌نگێ پێدڤى بكه‌ن دوير نه‌كه‌ڤن و نێزيكى كارى بن، و بلا دلێ هه‌وه ب خێرا كارى خۆش بيت، و دا بگه‌هنه خێرێ.
چوار: دياركرنا رويێ ته‌ڤگر يێ ئيسلامێ و كێرهاتي بۆ هه‌مى جهـ و ده‌مان.
پێنج: موكومكرن و به‌لاڤكرنا تێگه‌هشتنا ناڤنجيخواز دناڤبه‌را خه‌لكى و دامه‌زراندناندا، دا پێكڤه بشين رولێ خۆ يێ شاراستانى و ل سه‌ر هه‌مى ئاستان رابن.
شه‌ش: گه‌هاندن و نياساندنا نامه‌يا مرۆڤايه‌تيێ يا ئيسلامێ وه‌كى خۆ بێ زێده‌يى و كێمى.
حه‌فت: ئاشكراكرنا بهايێت بلند يێت ئيسلامێ د هه‌مى بواراندا، نه‌خاسمه دبوارێ ژنان و مرۆڤاندا.
هه‌شت: به‌رسينگرتنا هزرێت دژيار و هه‌رفته و خه‌له‌ت و له‌نگ و خورابخواز و خرابكه‌ر.
نه‌هـ: پێشكێشكرنا چاره‌سه‌ريا دورست ب ديتنه‌كا ناڤنجيخواز ئارمنجخواز (مقاصدي) بۆ گرفتێت هه‌ڤچه‌رخ.
ده‌هـ: به‌رسنگرتن و چاره‌سه‌ريا ديارده‌يێت زێده‌گاڤى و توندوتيژيێ ب رێكا نه‌رمخوازى و دياره‌كرنا رويێ دورست يێ ئيسلامێ.
يازده‌هـ: پشتڤانيكرنا ژنا موسلمان دئاڤاكرنا جڤاكيدا.
دوازده‌هـ: به‌رسڤدانا پسيارێت خه‌لكى دهه‌مى بواراندا، نه‌خاسمه يێت هه‌ڤچه‌رخ و تێدا گوهشى.
سێزده‌هـ: بانگخوازيێ دكه‌ت بۆ لێبورين و په‌يڤين و دانوستاندن و قه‌بيلكرنا ئێك و دوو دبازنێ مرۆڤايه‌تيێدا.
چارده‌هـ: بانگخوازيێ دكه‌ت بۆ تێكگه‌هشتنا ياسايا ژێك جودابوون و ئيختيلافێ و قه‌بويلكرنا ئێك و دوو ل سه‌ر بنياتێ نابيت ئه‌م دفقهي و بوچوناندا ببينه ئێك دانه.
پازده‌هـ: بوچونا دڤى مالپه‌ريدا دهێته به‌لاڤگرن نابێژيت راستي دمندا يا هاتيه كومكرن، و راستى به‌س ئه‌زم و ب تنێ، و هه‌ر تشتێ نه ل گه‌ل من يێ خه‌له‌ته، و نه يێ دورسته، به‌لكى ئاخفتنا زانايان بۆ مالپه‌رى شه‌نگسته و ترازيه ئه‌وا دبێژيت: بوچونا من يا راسته و دبيت يا خه‌له‌ت بيت، و بوچونا غه‌يرى من يا خه‌له‌ته و دبيت يا دورست بيت.
شازده‌هـ: ئه‌ڤ مالپه‌ره يێ ڤه‌كريه و هه‌مى شيره‌تان د كراسێ دلسوزيێدا وه‌ردگريت و رێزێ ل هه‌مى بوچونان دگريت.
هه‌ڤده‌هـ: دبێژته مالپه‌ر و ئاراسته‌يێت جودا جودادا وه‌رن تشتێ ئه‌م ل سه‌ر ئێك و نه‌جودا هه‌ڤكاريا ئێك و دوو تێدا بكه‌ين، و يێت ئه‌م ل سه‌رێك جودا عوزرێ بده‌ينه ئێك و دوو و ڤێكرا نه‌چين.
هه‌ژده‌هـ: مالپه‌ر پيرۆزيا پيرۆزى دده‌ته ده‌قێت پيرۆز ژ قورئان و حه‌ديسێ ودناڤبه‌را تێگه‌هشتن و ديتنا مرۆڤان و ده‌قان تێكه‌ل ناكه‌ت.
نوزده‌هـ: به‌لگه و ده‌ليل ژ قورئان و حه‌ديسا دورست سه‌ركێشيا مالپه‌رى دكه‌ن و دويف دچيت.
بيست: رێزگرتنا هه‌ژى و لايق دده‌ته زانا و پێشيێت موسلمانان، نه‌خاسمه هه‌رچوار سه‌ر مه‌زهه‌بان، ئيمام ئه‌بو حه‌نيفه، و ئيمام مالك، و ئيمام ئه‌حمه‌د، و ئيمامێ شافعى، خودێ ژ هه‌ميان رازى بيت، ديسا رێزه‌كا تايبه‌ت دده‌ته هه‌مي زانايێت خۆ يێت سه‌رده‌م يێت چوينه به‌ردلوڤانيا خودێ و راستى ل گه‌ل خودايێ خۆ گۆتين و يێت هێشتا دبه‌ندێدا ماين.
