كورته ژيان نامه
ناڤ: ئيسماعيل على تاها سگێرى
دايكبوون : گوندێ سگێرێ ل ده‌ڤه‌را ئامێديێ سالا 1966
خاندن : هه‌مي قوناغێت خاندنێ ل خاندنگه‌هێت دينى خاندنيه: سه‌ره‌تايا دينى ل دهوكێ ده‌رچويه، پاشى ل دووا ناوه‌نديا خاندنێت ئيسلامى ل دهوكێ، پاشى كوليجا شه‌ريعه‌تێ و خاندنێت ئيسلامى ل زانكويا به‌غدا، پاشى ماسته‌ر ب بسپووريا فقهێ به‌رامبه‌ركرى (موقارن) ل كوليجا فقهـ و ئسولێ ل زانكويا ئسلامى ل به‌غدا، پاشى دكتوراه ب بسپووريا فقهێ به‌رامبه‌ركرى (موقارن) ل كوليجا فقه و ئسولێ ل زانكويا عيراقى يێ ل به‌غدا وه‌رگرتيه و هه‌رسێ قوناغێت دويماهيێ به‌كالوريوس و ماجستێر و دكتورا ناياب و ئيمتياز ئينايه وبه‌كالوريوسێ يى دويێ بوو ل سه‌ر ئاستێ عيراقێ ل سه‌ر كوليچا خۆ وماجستێر و دكتورايێ يێ ئيكێ بوو .
ـ 27/2/1991 وه‌ك مامۆستا ل خاندنگه‌ها دووا ناوه‌نديا خاندنێت ئيسلامى ل دهوكێ هاتيه دامه‌زراندن، و ته‌فسير و حه‌ديس و عه‌قيده و فقه و زانينێت قورئانێ گوتينه.
ـ ئێك ژ دامه‌زينه‌رێت سه‌ركييه يێ كوليچا شه‌ريعه‌تى و خاندنێت ئيسلامى ل دهوكێ سالا 1992 و دو سالان وانا حه‌ديسێ تێدا دايه، و رێبه‌رێ چالاكى و كاروبارێت قوتابيان بو هه‌تا سالا 1996.
ـ قورئانا پيروز هه‌مى ب ئه‌زمانێ كوردى راڤه‌كريه و دازده سالان پێڤه مايه و هه‌تا نوكه پێنج جاران هاتيه چاپكرن.
ـ ئێك ژ دامه‌زينه‌رێت گوڤارا راسته‌رێ بوو يا ئێكه‌تيا زانايێت ئايينێ ئيسلامێ تايێ دهوكێ.
ـ هه‌ر ژ سالا 1984 وه‌ره گوتار بۆ گۆڤار و روژنامێت عيراقێ نڤيسينه.
ـ راوێژكارێ چه‌ند گۆڤارانه ئه‌وێت وه‌قفا سوننى ده‌ردئێخيت ژ وان گۆڤارا په‌ياما ئيسلامێ.
ـ گه‌له‌ك به‌رنامێت ره‌نگا و ره‌نگ د راديو و ته‌له‌فزيوناندا پێشكێشكرينه.
ـ گه‌له‌ك ده‌رس و گوتر يێت هه‌ين و ب ده‌نگ و ره‌نگ هاتينه توماركرن د بوارێ هشياريا ئيسلاميدا.
ـ به‌رنامێ پسيار و به‌رسف ل راديويا يه‌كگرتوى ئيسلامى كوردستان ل دهوكێ پێشكێشكريه و هه‌ر ژ سه‌رێ دامه‌زراندنا وێ ل سالا 1994.
ـ بريكارێ سه‌روكێ وه‌قفا سونني ل عيراقێ رێكه‌فتا 28/2/ 2004 هاتيه دامه‌زراندن هه‌تا ڤێ گاڤێ ژى به‌رده‌وامه ل سه‌ر ڤى كارى.
ـ ئه‌ندامێ كوربه‌ندا جيهانييه يا ناڤنجيخوازيێ.
چه‌ند به‌رهه‌م ب زه‌مانێ كوردى وعه‌ره‌بى هه‌نه و يێت چاپكرينه:
بەرهەمێن ب زمانێ عه‌ره‌بی
- احكام النكاح عند ابن العربي ناما ماسته‌رێيه
- اختيارات ابن العربي المالكي في فرق الطلاق دراسة فقهيهة قانونية مقارنة ناما دكتوراێيه.
- بحوث وفتاوى حول الموسيقا والغناء.
- مرشد الحاج والمعتمر.
- مختصر احكام الجنازه.
- هبه المرءة دراسة فقهية مقارنة.
- افعال العبادات بين البدعه والاختلاف الفقهي.
بەرهەمێن ب زمانێ كوردى
- ته‌فسيرا ژيان يا قورئانا پيروز.
- راڤه‌كرنا جوزيعه‌مايێ.
- نيشانێت دلێ پاقژ.
- پێتڤيا بانگهه‌لدێريێ و گه‌هاندنا ئيسلامێ.
- دوعا چه‌ك و ده‌رمانه.
- رابه‌رێ حه‌جێ.
- بۆ ژنێ ب تنێ.
- زكرێ سپێده وئێڤاران.
- چاوا دێ نڤێژێ كه‌ى.
- شێست پسيار ل دور روژيێ.
- به‌رسڤێت شه‌رعى سێ به‌رگه.
- ئيسلام و سياسه‌ت.
- كه‌لها موسلماني ژ زكر و دوعايان.
- كومه دوعايێت بژاره.
