ئه‌رێ كی پتر حه‌ژ مالێ میراتگرێ خۆ ژ یێ خۆ دكه‌ت؟ئه‌رێ كی پتر پارێزیێ ژ مالێ میراتگرێ خۆ ژ یێ دكه‌ت؟ ئه‌رێ هوین پتر حه‌ژ مالێ خۆ یان یێ میراتگرێ خۆ دكه‌ن؟.
نڤێسەر:
دكتور: اسماعیل علی سگێری
خویشكان برایان ئه‌و پسیارێت مه كرین ژ فه‌رموده‌كا پێغه‌مبه‌ری سلاڤێت خودێ ل سه‌ربن هاتینه وه‌رگرتن، د ڤه‌گێرا بوخاریدا عه‌بدوللایێ كورێ مه‌سعودی خودێ ژێ رازی بیت دبێژیت پێغه‌مبه‌ری سلاڤێت خودێ ل سه‌ربن گۆت: ( أَيُّكُمْ مَالُ وَارِثِهِ أَحَبُّ إِليه مِن مَالهِ ؟ قالُوا: يا رَسولَ اللَّه. ما مِنَّا أَحَدٌ إِلاَّ مَالُهُ أَحَبُّ إِليه. قال: فَإِنَ مَالَه ما قَدَّمَ وَمَالَ وَارِثهِ ما أَخَّرَ ) پێغەمبەرێ خودێ سلاڤێت خودێ ل سه‌ربن گۆت: کێ ژ ھەوە مالێ میراتگرێ وی ژ یێ وی خۆشتڤیترە؟ گۆتن: یا پێغەمبەرێ خودێ کەس ژ مە نینە ھەکە مالێ وی ژ یێ میراتگرێ وی خۆشتڤیتر نەبیت گۆت: ب راستی مالێ وی ئەوە یێ ددەت، و پێشی خۆ دئێخیت، و مالێ میراتگرێ وی ئەوە یێ پاش خۆ دھێلیت. و هه‌ر دڤێ رامانێدا پێغه‌مبه‌ر سلاڤێت خودێ ل سه‌ربن د ڤه‌گێرا موسلمیدا دبێژیت: (يَقُولُ ابنُ آدَم: مَالي، مَالي، وَهَل لَكَ يَا ابن آدمَ مِنْ مالِكَ إِلاَّ مَا أَكَلت فَأَفْنيْتَ، أو لبِستَ فَأَبْلَيْتَ، أَوْ تَصَدَّقْتَ فَأَمْضيْتَ) مرۆڤ دبێژیت: مالێ من، مالێ من، و ما تە ھەی مرۆڤ، ژ مالێ خۆ چ ھەیە؟!! ئەو نەبیت یێ تە خواری و نەھێلای، یان یێ تە کریە بەر خۆ و تە کەڤن کری، یان یێ تە کریە خێر تە بۆ خۆ بۆ رۆژا قیامەتێ ھێلایی، و دڤه‌گێرا صه‌حیحا ئبن حه‌بانیدا دبێژیت: (أَيُّكُمْ مَالُهُ أَحَبُّ إِلَيْهِ مِنْ مَالِ وَارِثِهِ قَالُوا يَا رَسُولَ اللَّهِ مَا مِنَّا أَحَدٌ إِلا مَالُهُ أَحَبُّ إِلَيْهِ مِنْ مَالِ وَارِثِهِ قَالَ اعْلَمُوا مَا تَقُولُونَ قَالُوا مَا نَعْلَمُ إِلا ذَاكَ يَا رَسُولَ اللَّهِ قَالَ مَا مِنْكُمْ رَجُلٌ إِلا مَالُ وَارِثِهِ أَحَبُّ إِلَيْهِ مِنْ مَالِهِ قَالُوا كَيْفَ يَا رَسُولَ اللَّهِ قَالَ إِنَّمَا مَالُ أَحَدِكُمْ مَا قَدَّمَ وَمَالُ وَارِثِهِ مَا أَخَّرَ) پێغەمبەرێ خودێ سلاڤێت خودێ ل سه‌ربن دبێژیت: کێ ژ ھەوە مالێ میراتگرێ وی ژ یێ وی خۆشتڤیترە؟ گۆتن: یا پێغەمبەرێ خودێ کەس ژ مە نینە ھەکە مالێ وی ژ یێ میراتگرێ وی خۆشتڤیتر نەبیت، ئینا پێغەمبەرێ خودێ سلاڤێت خودێ ل سه‌ربن گۆت: بزانن هوین چ دبێژن، گۆتن: ئه‌م ڤێ پێڤه‌تر نزانین هه‌ی پێغەمبەرێ خودێ، ئینا گۆت: ژ هه‌وه نینە ھەکە مالێ میراتگرێ وی خۆشتڤیتر نەبیت ژ یێ وی!! گۆتن: ئه‌و چاوایه هه‌ی پێغه‌مبه‌رێ خودێ؟!! گۆت: ب راستی مالێ ئێك ژ هه‌وه به‌س ئەوە یێ ددەت، و پێشی خۆ دئێخیت، و مالێ میراتگرێ هه‌وه ئەوە یێ پاش خۆ دھێلیت.
ڤێجا هه‌ر كه‌سێ بیژیت ئه‌ز پتر حه‌ژ مالی خۆ دكه‌م بلا بزانیت مالی وی ئه‌وه یێ د ساخله‌می و دژیانا خۆدا دده‌ت و دكه‌ته خێر و پێشیا خۆ فرێدكه‌ت و بزانیت راسته كه‌س مالێ خۆ ل گه‌ل خۆ نا به‌ته د گورێ خودا به‌لێ دشێت پێشیا خۆ فرێكه‌ت، و ئه‌ڤ فه‌رموده ئاشكرا دكه‌ن مالێ مرۆڤی نه ئه‌وه یێ پاشخو دهێلیت ئه‌و یێ میراتگرێت وینه، ڤێجا یێ ب ژێر و تێگه‌هشتی ئه‌وه یێ مفای ژ مالێ خۆ بكه‌ت و دژیانا خۆدا بێخیته د رێكێت خێریدا، دا قیامه‌تێ مفای ژێ وه‌رگریت شینا ئه‌و پاشخۆ بهێلیت و نه‌زانیت كا میراتخورێت وی دێ باشیێ پێ كه‌ن یان خرابیێ، و خودایێ مه‌زن دبێژیت:: (وَأَنفِقُواْ مِن مَّا رَزَقْنَاكُمْ مِّن قَبْلِ أَن يَأْتِي أَحَدَكُمُ الْمَوْتُ فَيَقُولُ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ وَلَن يُؤَخِّرَ اللَّهُ نَفْساً إِذَا جَآءَ أَجَلُهَآ وَاللَّهُ خَبِيرٌ بِمَا تَعْمَلُونَ) و ژ ڕزقێ مە دایییە ھەوە بمەزێخن و بدەن، بەری مرنا ئێک ژ ھەوە بێت و بێژیت: خودێوۆ بلا تە مرنا من پیچەکێ ب پاش ئێخستبایە، دا من خێر کربانە و ئەز ژ قەنجیکاران بامە. و چوجا خودێ مرنا کەسێ گیرۆ ناکەت و ب پاش نائێخیت، ئەگەر وەختێ مرنا وی ھات، و چ یا ھوین بکەن خودێ پێ ئاگەھە.
دڤی ژیدا و ئه‌ز نێزیكی پێنجی و پێنج سالان دچم من گه‌له‌ك كه‌س دڤێ دوهوكێدا دیتن گه‌له‌ك ب مالیڤه د گرێدایی و شه‌ڤ و رۆژ دكرنه ئێك و خزمه‌تا ئاخره‌تا خۆ ب مالێ نه‌دكرن و مالێ خۆ چ پێشیا خۆ نه فرێكر دگه‌ل كو خودێ كه‌ره‌مه‌كا باش ل گه‌ل كربوو و هه‌می پاش خۆ هێلا و میراتگرێت وی ته‌را و به‌راكر و بۆ خۆ ژی نه‌هێلان و من دیت مالێ بابێ خۆ هه‌می پویچكری و پاشی بویه كرێدار د مولكیدا یێ به‌ری هنگی یێ وی، ئه‌ڤێ هوسا چ مفا ژ وی مالی كر، و من دیت یێ خودای زێده كه‌ره‌م ل گه‌ل كری ب هه‌می ره‌نگێت مالی هه‌كه ته بیرا وی ئینا با خێره‌كێ دا بێژیت: ئه‌م د ده‌ین و ته‌خسیریێ ناكه‌ین، به‌لێ ل دویف وێ دانا خودێ دایێ ئه‌و خێر نه دكرن، یێ هوسا راسته ڤێ گاڤێ های ژ خۆ نینه، به‌لێ په‌شیمانیا ئێكێ پشتێ مرنێ وی دگریت دێ بێژیت: (رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ) خودێوۆ بلا تە مرنا من پیچەکێ ب پاش ئێخستبایە، دا من خێر کربانە، به‌لێ ژ نویكا فایده ناكه‌ت تۆ یێ ب ژیر بووی و تۆ یێ ساخ بووی و تو یێ ل سه‌ر خۆ بووی و ته دزانی خودایێ مه‌زن فه‌رمانا من و ته دكه‌ت ئه‌م ب كه‌ره‌ما خودێ دایه مه زه‌نگینی بیت یان هه‌ر تشته‌كێ دی بیت ئه‌م بێخینه د خزمه‌تا ئاخره‌تا خۆدا و ئاخره‌تێ ژێ بخوازین دبێژیت:(وابتغ فيما آتاك الله الدار الآخرة) و ب وی تشتێ خودێ دایییە تە، ئاخرەتێ بخوازە، به‌لێ مخابن ته وه‌نه‌دكر ڤێجا خوزیكێت وی یێ مالێ خۆ د ژیانا خۆدا ب مه‌زێخیت و پێشیا خۆ فرێكه‌ت و نه‌بێژیت ئه‌ز ته‌خسیریێ ناكه‌م ما تو بۆ كێ دده‌ی هه‌تا تو وه‌بێژی، ژ عومه‌رێ خه‌تتابی خودێ ژێ رازی بیت هاتیه ڤه‌گوهازتن ره‌ژه‌كێ ل به‌ر گۆرستانێرا بوری گۆت: گه‌لی خه‌لكێ گۆرستانێ سلاڤێت خودێ ل سه‌ر هه‌وه بن، ده‌نگ و باسێت مه ژنێت هه‌وه شیكرن و خانیێت هه‌وه هاتنه ئاكنجیكرن و مالێ هه‌وه هاته لێكڤه‌كرن، به‌لێ چ ده‌نگ و باس ل ده‌ف هه‌وه هه‌نه؟ گازیه‌ك هات گۆت: ده‌نگ و باسێت ل ده‌ف مه یا مه كری مه دیت و یا مه مه‌زخاندی مه مفا ژێ دیت و یا مه هێلای ئه‌م ژێ خوساره‌ت بوین.
خودێ مه خوساره‌ت نه‌كه‌ت و مالی ب كه‌ته خزمه‌تكارێ مه و مه نه‌كه‌ته خزمه‌تكارێ مالی.
