دوعایێن بژارە
نڤێسەر:
كومه دوعايێت بژاره
كومكرن وبه‌رهه‌ڤكرن
د: ئيسماعيل سگێرى
بسم الله الرجمن الرحيم
پێشگۆتن
هه‌مى په‌سن و سوپاسى بۆ خوداى و سلاڤ و سه‌له‌وات ل سه‌ر پێشاهى و خۆشتڤى و رۆناهييا چاڤان و مه‌هده‌رچييێ مه بن موحه‌ممه‌دى سلاڤێت حودێ ل سه‌ربن و هۆگرێت وى و هه‌ركه‌سێ باش رێكا وان بگريت هه‌تا رۆژا دويماهيێ.
پشتى ڤێ:
ئه‌ڤه چه‌ند دوعايێت ژێگرتى و بژاره‌نه، ژ قورئانا پيروز و حه‌ديسا پێغه‌مبه‌رێ خوشتڤىسلاڤێت حودێ ل سه‌ربن يێت هاتينه وه‌رگرتن، و ژ به‌رهه‌مێ ره‌مه‌زانانه، و ژ وان دوعايانه يێت مه ل ڕۆژا دويماهێكێ ژ ره‌مه‌زانێ د به‌رنامێ پسيار و به‌رسڤدا دگوتن، كێر هه‌مى هه‌لكه‌فتنان دهێن، و مروڤ دشێت پێگريێ پێ بكه‌ت و هه‌مى ده‌م و جهـ و هه‌لكه‌فتاندا بخوينيت، و مه ره‌وشت و ئادابێت دوعايێ و ئه‌گه‌رێت نه‌قه‌بويلكرنا دوعايێ پێشاهيێ ئيناينه، دا به‌رچاڤ بێنه وه‌رگرتن د دوعاكرنێدا، نێزيكى ره‌وشتانبى و دويرێ ئه‌گه‌رێت نه‌قه‌بويلكرنێبى، هه‌ژييه بێژين ده‌مێ مه د دويماهيكا ره‌مه‌زانا سالا 1428 ێدا خاندين مه ژ ڤان دابو گوهدارێت خۆ يێت هێژا پشتى ئه‌ڤ دوعايه مه ل به‌ر گوهێت وان ئێخستين ئه‌م ل به‌ر چاڤ و ده‌ستێت وان بدانين و ها ئه‌ڤه ئه‌م ل به‌ر ژڤانا خۆ هاتين هيڤيا من ئه‌وه خودێ ڤى كارى سپه‌هى بۆ خۆ وه‌رگريت و جهێ مفايێ خانده‌ڤانان بن.
رێز و ره‌وشتێت دوعايێ:
هنده رێز و ره‌وشتێت پێدڤىنه مرۆڤ به‌رچاڤ وه‌رگريت، و پێشى دوعايا خۆ بێخيت، دا دوعايا مرۆڤى پتر نێزيكى قه‌بويل بوونێ ببيت، و يێت ژ هه‌مىيان فه‌رتر ئه‌ڤه‌نه:
خۆدويركرن ژ خوران و ڤه‌خوارن و جلكێ حه‌رام، و ب راستى هه‌ر كه‌سێ بكه‌ڤيته د حه‌راميدا نه دوعايێت وى قه‌بويل دبن، و نه ئه‌وێت بۆ دهێنه‌كرن، پێغه‌مبه‌ر (سلاڤێت حودێ ل سه‌ربن) دبێژيت: (زه‌لامێ هه‌ى يێ وه‌غه‌ر درێژه و يێ سه‌ر قژه‌ڤژ و تۆزكىيه، ده‌ستێ خۆ بۆ عه‌سمانى بلند دكه‌ت و دبێژيت: يا خودێ، يا خودێ و خوارنا وى يا حه‌رامه و كه‌دا وى يا حه‌رامه، و ب حه‌رامى يێ رابووى، ڤێجا ما چاوا دێ ژێ هێته قه‌بويلكرن .؟!
حه‌مد و په‌سنا خودێ بێته‌كرن، و سلاڤ و سه‌له‌وات ل سه‌ر پێغه‌مبه‌رى (سلاڤێت حودێ ل سه‌ربن) بێنه‌دان، پاشى دوعا بێته‌كرن، پێغه‌مبه‌رێ خۆشتڤى (سلاڤێت حودێ ل سه‌ربن) ل مزگه‌فتێڤه يێ روينشتى بوو، زه‌لامه‌ك ب ژۆر كه‌ڤت و نڤێژ كر و گۆت: يا خودێ ل گونه‌هێت من ببۆره و دلۆڤانىيێ ب من ببه‌ن ئينا پێغه‌مبه‌رى (سلاڤێت حودێ ل سه‌ربن) گۆتێ: (هه‌ى نڤێژكه‌ر، ته له‌زكر، ئه‌گه‌ر ته نڤێژ كر و تو روينشتى، حه‌مدا خودێ بكه، وه‌كى ئه‌و هه‌ژى، و سلاڤ و سه‌له‌وتان بده سه‌ر من، پاشى دوعا ژ خودێ بكه) .
به‌رێ خۆ بده قيبلێ و دوعا بكه، چونكى ئه‌و جهه يێ هه‌مى موسلمان د په‌رستنا خۆدا به‌رێ خۆ دده‌نێ، و چونكى پێغه‌مبه‌رێ (سلاڤێت حودێ ل سه‌ربن) باراپتر د دوعايێت خۆدا به‌رێ خۆ ددا قيبلێ.
ده‌ست بلندكرن هه‌تا دگه‌هنه راستا ملان، و ئه‌ڤه سيه جاران يا ژ پێغه‌مبه‌رى هاتىيه ڤه‌گوهازتن، ژ به‌ر هندێ سونه‌ته د هه‌مى دوعاياندا ده‌ست بێنه بلندكرن ئه‌و نه‌بن ئه‌وێت ژێ هاتىيه‌ڤه‌گوهازتن كو نابيت و نه‌يا دورسته ده‌ست تێدا بێنه بلندكرن، وه‌كى دوعايێت د نڤێژێدا دئێنه‌كرن، وه‌كى دى هه‌مى دوعايێت دى سونه‌ته ده‌ست بێنه بلندكرن هه‌وه‌ركى قه‌سته‌لانى ڤێ د كتێبا (ارشاد الساري، شرح صحيح البخاري)دا دبێژيت.
دوعا ب ترس و شكاندن بێنه‌كرن، چونكى ئه‌وێ دوعا ژێ دئێته‌كرن، خودانێ ئه‌رد و ئه‌سمانانه، و هندى د ناڤبه‌را واندا هه‌ى، و خودايێ مه‌زن ب ڤى ره‌نگى فه‌رمانا مه دكه‌ت: ادْعُوا رَبَّكُمْ تَضرُّعاً خوشكاندى دوعا ژ خودايێ خۆ بكه‌ن.
دوعا ژ خودێ بكه‌ن ب باش ناڤێت وى يێت پاك و پاقژ، ئه‌وێت هه‌ر جارا داخوازى پێ هاته‌كرن، خودێ بده‌ته مرۆڤى، و دوعا پێ هاته‌كرن بێته قه‌بويلكرن، خودايێ مه‌زن ئه‌مر دكه‌ت: وَلِلَّهِ الْأَسْمَاءُ الْحُسْنَى فَادْعُوهُ بِهَا خودێ باش ناڤێت هه‌ين دوعا ژ وى پێ بكه‌ن.
كاره‌كێ قه‌نج و باش پێش دوعايێ بێته ئێخستن، چ خێر و سه‌ده‌قه بيت، يان هه‌ر تشته‌كێ دى يێ خودێ پێ خۆش بيت.
هندى ته پێچێبيت بلا ئه‌و دوعا بن، ئه‌وێت ژ پێغه‌مبه‌رى (سلاڤێت حودێ ل سه‌ربن) هاتينه ڤه‌گوهازتن يان ئه‌و دوعايێت د قورئانێدا هاتين، چونكى هه‌روه‌كى ئيمامێ غه‌زالى (خودێ ژێ رازى بيت) دبێژيت: نه هه‌ر كه‌سێ هه‌بيت دزانيت جوان دوعا بكه‌ت، دبيت هنده دوعايێت نه‌يێت دورست بكه‌ت، و زێده‌گاڤىيان بكه‌ت ژ به‌ر هندێ ئه‌گه‌ر ئه‌و دوعا بن ئه‌وێت ژ پێغه‌مبه‌رى هاتينه ڤه‌گوهازتن چێتره.
گونه‌هێت خۆ ل سه‌ر خۆ ئاشكه‌را بكه‌ت و ديار كه‌ت، كو ئه‌و يێ گونه‌هكاره، و هه‌ر ژ به‌ر هندێ يوونس پێغه‌مبه‌رى ب ڤى ره‌نگى د زكێ نه‌هنگيدا گازى خودايێ خۆ كر فَنَادَى فِي الظلُمَاتِ أَنْ لا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظالِمِينَ (الأنبياء/87) د تاريستانێدا هه‌واركر يا خودێ ب راستى ژ بلى ته چو په‌رستى نين پاكى و پاقژى ژ هه‌مى كێماسىيان هه‌ر بۆ ته‌يه، ب راستى [ ئه‌ز هێژاى ڤێ جزايى مه ] من سته‌مكارى ل خۆ كر. و هه‌ر ژ به‌ر هندێ ژى ئه‌ڤ دوعايه ژ دوعايێت زێده مه‌زنه و ب قه‌در دئێته زانين. و ئه‌و دوعايا مرۆڤ گونه‌هێت خۆ ل سه‌ر خۆ ئاشكه‌را دكه‌ت و ئعتيرافێ دكه‌ت، پێغه‌مبه‌ر (سلاڤێت حودێ ل سه‌ربن) ب (سيد الاستغفار) ددانيت و دبێژيت: سه‌ردارا دوعايا گونه‌ه ژێبرنێ ئه‌ڤه‌يه: به‌نده بێژيت: (يا خودێ تو خودانێ منى، ژ به‌لى ته من چو خودان نينن، ته ئه‌ز يێ چێكريم و ئه‌ز به‌نده‌يێ ته‌مه، و ئه‌ز يێ ل سه‌ر وێ سۆز و په‌يمانا ته ژ مه وه‌رگرتى، هندى ئه‌ز بشێم، ئه‌ز خۆ ب ته دپارێزم ژ خرابىيا من كرى، و ئه‌ز كه‌ره‌مێت ته ل سه‌ر خۆ ئاشكه‌را دكه‌م و ئه‌ز ئعتيرافێ ب گونه‌هێت خۆ ژى دكه‌م، ڤێجا گونه‌هێت من ژێببه، ب راستى كه‌س گونه‌هان ژێ نابه‌ت تونه‌بى). پاشى پێغه‌مبه‌رى گۆت: هه‌ر كه‌سێ ڤێ دوعايێ ب باوه‌رىيه‌كا موكوم رۆژێ بێژيت و پاشى د رۆژا خۆدا بمريت به‌رى ئێڤار لێ ببيت، ئه‌و خه‌لكێ به‌حه‌شتێ يه، و هه‌ر كه‌سێ ڤێ دوعايێ ب باوه‌رىيه‌كا موكوم شه‌ڤێ بێژيت، و پاشى بمريت به‌رى رۆژ لێ ببيت، ئه‌و خه‌لكێ به‌حه‌شتێ يه .
دوعا بۆ خۆ بكه‌ت پاشى بۆ وى بكه‌ت بێ بۆ بڤێت.
و هه‌كه ئيمام بيت دڤێت دوعايا بۆ خۆ ب تنێ نه‌كه‌ت، نه‌خاسمه د وان دوعاياندا ئه‌وێت ئه‌و ده‌نگێ خۆ پێ بلند دكه‌ت.
ئێكدلكرن د دوعايێدا هه‌روه‌كى پێغه‌مبه‌ر (سلاڤێت حودێ ل سه‌ربن) دبێژيت: (كه‌س ژ هه‌وه نه‌بێژيت يا خودێ گونه‌هێت من ژێببه هه‌كه ته بڤێت، و دلۆڤانىيێ ب من ببه، هه‌كه ته بڤێت و رزقێ من بكه، هه‌كه ته بڤێت، و بلا دوعا خۆ بكه‌ته ئێك، خودێ وێ دكه‌ت يا وى بڤێت و كه‌س نينه خورتىيێ ل خودێ بكه‌ت) .
دل يێ ئاماده بيت و يێ بێ ئاگه‌ه نه‌بيت، و دلێ ئاگه‌ه ژ خۆنه و يێ غافل، خودێ دوعا ژێ قه‌بويل ناكه‌ت.
دوعا چه‌ند جارى و ب لاڤ لاڤ بێته‌كرن. پێغه‌مبه‌ر (سلاڤێت حودێ ل سه‌ربن) هه‌ر جار دوعا كربا دوباره دكر، ديسا پێغه‌مبه‌ر (سلاڤێت حودێ ل سه‌ربن) دبێژيت: خودێ حه‌ز ژ وان دكه‌ت ئه‌وێت لاڤ لاڤێ دكه‌ن و ميننه ب دوعايێڤه .
دلۆڤانىيا خودێ ب ره‌ته‌نگ نه‌كه‌ت، و ئه‌و ب خۆ يار به‌رفه‌رهه. پێغه‌مبه‌رى (سلاڤێت حودێ ل سه‌ربن) گول كۆچه‌ره‌عه‌ره‌به‌كێ بوو دگۆت: يا خودێ دلۆڤانىيێ ب من و موحه‌ممه‌دى ببه و دلۆڤانىيێ ب كه‌سێ دى د گه‌ل مه نه‌به.
ئينا پێغه‌مبه‌رى (سلاڤێت حودێ ل سه‌ربن) گۆتێ: ته تشته‌كێ به‌رفره‌ه به‌رته‌نگ كر .
دوماهيكا دوعايێ (آمين) بێته گۆتن، ئانكوو هه‌ى خودێ دوعا من قه‌بويل بكه، پێغه‌مبه‌ر (سلاڤێت حودێ ل سه‌ربن) گول زه‌لامه‌كێ بوو دوعا دكرن، پێغه‌مبه‌رى گۆت: دوعايێت وى قه‌بويل بوون هه‌كه‌ى ب (آمين) دويماهيك بينيت .
پشتى دويماهيك دهێت ده‌ستێت خۆ ب سه‌ر و چاڤێت خۆدا بينيته خوارێ.
له‌زێ نه‌كه‌ت و بێژيت: من دوعاكرن و نه‌هاتنه قه‌بويلكرن، و مه‌خسه‌د ژ له‌زيكرنێ نه ئه‌وه : مرۆڤ بێژيت يا خودێ بۆ من له‌زێ ل فلان تشتى بكه، به‌لێ له‌زكرن ئه‌ڤه‌يه بێژيت : من دوعاكرن و نه‌هاتنه قه‌بويلكرن، و پێغه‌مبه‌ر (سلاڤێت حودێ ل سه‌ربن) دبێژيت: (خودێ به‌رده‌وام دێ دوعايا به‌نده‌يى قه‌بويل كه‌ت هندى ئه‌و له‌زێ نه‌كه‌ت) و له‌ز ژى ئه‌وه يا مه گۆتى.
دوعا بۆ هه‌ر تشته‌كێ ئه‌و هه‌وجه بكه‌ت، چ د بچويك بن يان د مه‌زن بن، و يێت هوير و گر، و نه‌بێژيت : ئه‌ڤ هه‌وجه‌يىيه يا بچويكه، و به‌رناكه‌ڤيت دوعا بۆ بكه‌م، و گه‌له‌ك مرۆڤ يێت هه‌ين ژ ڤێ چه‌ندێ يێت بێ ئاگه‌هن، دوعا چ هه‌روجه‌يىيا ناكه‌ن، نه‌خۆشىيه‌كا مه‌زن نه‌بيت ب سه‌رى بهێت، و ئه‌ڤه يا خه‌له‌ته پێدڤىيه مرۆڤێ موسلمان بۆ تشتێ هوير و گر، دوعا ژ خودێ بكه‌ت، چونكى هه‌كه خودێ بۆ مه ب ساناهى نه‌كه‌ت و حه‌زكرنا وى د گه‌ل نه‌بيت، ئه‌م نه‌شێين فره‌كا ئاڤێ ژى ڤه‌خۆين يان پارىيه‌كێ نانى بخۆين.
پێغه‌مبه‌ر (سلاڤێت حودێ ل سه‌ربن) دبێژيت: دوعا هه‌مى تشتان ژ خودێ بكه‌ن هه‌تا بۆ به‌نكێ شمكا خۆ ژى، و هه‌كه خودێ ساناهى نه‌كه‌ت ساناهى نابيت .
ده‌نگ زێده نه‌هێته بلندكرن د دوعايێدا.
لێ بگه‌ريت دوعايێت خۆ بێخيته د جهێت پيرۆزدا، ئه‌و جهێت خودێ پيرۆز كرين و دوعا پتر تێدا دهێنه قه‌بويلكرن ئه‌وژى ئه‌ڤ جهه‌نه:
1ـ ل مالێت خودێ، نه‌خاسمه ل هه‌ر سێ مزگه‌فتێت پيرۆز كه‌عبه‌يێ و مزگه‌فتا پێغه‌مبه‌رى و مزگه‌فتا قودسێ.
2ـ ل ته‌وافێ، نه‌خاسمه د ناڤبه‌را كوژىيێ يه‌مانى و به‌رێ ره‌شدا.
3ـ ل ده‌ڤ جهێ ئيبراهيم پێغه‌مبه‌ر (سلاڤ ل سه‌ر بن) ل مزگه‌فتا كه‌عبه‌يێ.
4ـ ل سه‌ر ئاڤا زمزم.
5ـ ل سه‌فا و مه‌روايێ.
6ـ ل عه‌ره‌فێ.
7ـ ل موزده‌ليفێ.
8ـ ل مينايێ و د گه‌ل ره‌جما شه‌يتانى و هه‌ر سێ رۆژان.
لێ بگه‌ريت دوعايێت خۆ بێخيته د وه‌ختێت پيرۆزدا، ئه‌و وه‌ختێت دوعا چێتر تێدا دهێنه قه‌بويلكرن، و مه‌خسه‌د نه‌ئه‌وه دوعا د هنده وه‌ختاندا دهێنه قه‌بويلكرن و هنده‌كاندا نه، ئه‌م نه‌شێين بێژين.. به‌لێ ئه‌م دشێين بێژين هنده وه‌خت ژ هنده‌كان پيرۆزترن و پتر جهێ هندێنه مرۆڤ دوعا تێدا بكه‌ت و هيڤى هه‌بن دێ هێنه قه‌بويلكرن.
1ـ وه‌ختێ سوجده‌يێ، چونكى سوجده خوسپارتنه و خۆچه‌ماندنه بۆ خودێ و پارچه‌يه‌كه ژ نڤێژێ، و نڤێژ ژى خۆشتڤيترين عيباده‌ته بۆ خودێ، و هه‌ر ژ به‌ر هندێ ژى پێغه‌مبه‌رێ خۆشتڤى (سلاڤێت حودێ ل سه‌ربن) دبێژيت: (جهێ پتر هه‌مىيان به‌نده تێدا نێزيكى خودێ وه‌ختێ ئه‌و د سه‌جده‌يێدا، ڤێجا گه‌له‌ك دوعايان تێدا بكه‌ن) .
2ـ د ناڤبه‌را بانگى و قامه‌تێدا، چونكى ئه‌ڤه وه‌خته‌كه به‌نده‌يێت موسلمان ب ده‌ست نڤێژێڤه مژويل دبن، دا خۆ كاركه‌ن و ل به‌ر ده‌ستێت خودێ براوه‌ستن، ژ به‌ر هندێ ئه‌ڤ وه‌خته هه‌ژيتره دوعا تێدا بێنه قه‌بويلكرن.پێغه‌مبه‌ر (سلاڤێت حودێ ل سه‌ربن) دبێژيت: (دوعا ناهێته زڤرين د ناڤبه‌را بانگ و قامه‌تێدا).
3ـ پشتى نڤێژا عه‌يشا هه‌تا سپێده دهێت.د ڤى وه‌ختيدا سه‌عه‌ته‌ك و ده‌مه‌كێ هه‌ى هه‌كه دوعا مرۆڤێ موسلمان كه‌ڤته تێدا، پێغه‌مبه‌ر (سلاڤێت حودێ ل سه‌ربن) دبێژيت: (د شه‌ڤێدا ده‌مه‌كێ هه‌ى، نينه دوعايا مرۆڤه‌كێ موسلمان بكه‌ڤيته تێدا تشته‌كێ بخوازيت ژ خێرا دنيايێ و ئاخره‌تێ هه‌كه خودێ نه‌ده‌تێ و ئه‌ڤه يا د هه‌مى شه‌ڤاندا هه‌ى) .
4ـ نيڤا شه‌ڤێ و سێكا وێ يا دويماهيكێ: پێغه‌مبه‌ر (سلاڤێت حودێ ل سه‌ربن) دبێژيت: (ده‌رگه‌هێت عه‌سمانى نيڤا شه‌ڤێ ڤه‌دبن و گازيكه‌ره‌ك گازى دكه‌ت: كى هه‌يه دوعا بكه‌ت ژێ بێنه قه‌بويلكرن، كى هه‌يه داخوازه‌كێ بكه‌ت بۆ بێته ب جهئينان، كى هه‌يه د به‌رته‌نگىيه‌كێدا ل سه‌ر بێته راكرن) .
5ـ به‌رى نڤێژا نيڤرۆ ب ده‌مه‌كێ كێم. پێغه‌مبه‌ر (سلاڤێت حودێ ل سه‌ربن) دبێژيت: (چوار ركعه‌تێت به‌رى نڤێژا نيڤرۆ ده‌رگه‌هێت عه‌سمانى بۆ ڤه‌دبن).
6ـ شه‌ڤا خوتبه و رۆژا خوتبه و وه‌ختێ خوتبێ: رۆژا خوتبه رۆژه‌كا زێده پيرۆزه و سه‌عه‌ت و ده‌قيقه‌يێت وێ ژى يێت پيرۆزن، و رۆژا خوتبه ب قه‌در و بهايێ خۆڤه ب سه‌ر هه‌مى رۆژێت دى دكه‌ڤيت، و گه‌له‌ك حه‌ديس ب ڤێ چه‌ندێ يێت هاتين و هه‌مى ديار دكه‌ن كو رۆژا خوتبێ پيرۆزترين رۆژه و هنده تايبه‌تمه‌ندىيێت تێدا د رۆژێت ديدا نينن، و گه‌له‌ك زانايان ئه‌ڤ تايبه‌تمه‌ندىيه يێت دكتێبێت خۆدا ئينايين و زانايێ ناڤدار (ابن القيم) يێت گه‌هاندينه بيست و چه‌نده‌كا و زانايێ مه‌زن (مجد الدين اللغوي) د كتێبا خۆدا (سفر السعاده) ئه‌ڤ تايبه‌تمه‌ندىيه يێت ئينايين و زانايێ ناڤدار (سيوطي) د كتێبا (في نور اللمعة) يێت كۆمكرين و گه‌هاندينه سه‌د تايبه‌تمه‌ندىيان. پێغه‌مبه‌ر (سلاڤێت حودێ ل سه‌ربن) دبێژيت: (قه‌درترين رۆژێت هه‌وه رۆژا خوتبه‌يه، د وێ رۆژێدا ئاده‌م يێ هاتىيه چێكرن، و د وێ رۆژێدا روحا وى يا هاتىيه كێشان، و رۆژا قيامه‌تێ ژێ دێ د وێ رۆژێدا بيت، ڤێجا زێده سه‌له‌واتان تێدا بده‌نه سه‌ر من) .
ديسا پێغه‌مبه‌ر (سلاڤێت حودێ ل سه‌ربن) دبێژيت: (وه‌خته‌ك يێت د روژا ئه‌ينيدا هه‌ى، نينه به‌نده‌يه‌كێ موسلمان بكه‌ڤيته تێدا، و ئه‌و ژ پياڤه بيت نڤێژێ بكه‌ت، و دوعا ژ خودێ بكه‌ت، هه‌كه خودێ تشتێ داخوازكرى نه‌ده‌تێ) .
7ـ وه‌ختێ قورئان دئێته ختمكرن ژ به‌ر گۆتنا پێغه‌مبه‌رى (سلاڤێت حودێ ل سه‌ربن) دبێژيت: (پشتى خه‌تما قورئانێ دوعايه‌كا قه‌بويلكرى يا هه‌ى) .
8ـ پشتى نڤێژێت فه‌رز، پسيار ژ پێغه‌مبه‌رى هاته‌كرن هه‌ى پێغه‌مبه‌رێ خودێ.... كيژ دوعا چێتر دهێته قه‌بويلكرن؟ ئينا گۆت: د نيڤا شه‌ڤێدا و پشتى نڤێژێت فه‌رز .
9ـ هه‌يڤا ره‌مه‌زانا پيرۆز و هه‌ر رۆژه‌كا موسلمان تێدا يێ ب رۆژى بيت. پێغه‌مبه‌رى (سلاڤێت حودێ ل سه‌ربن) دبێژيت: (سێ كه‌سان خودێ دوعايا وان ناڤه‌گێريت، پێشه‌وايێ عادل، و رۆژێگر هه‌تا فتارێ دكه‌ت، و دوعايا سته‌ملێكرى) .
10ـ شه‌ڤا (ليله القدر) ژ به‌ر ئه‌مرێ خودێ لَيْلَه الْقَدْڕ خَيْرٌ مِنْ أَلْفِ شَهْرٍ شه‌ڤا ب رێز و رويمه‌ت و ب قه‌در چێتر و بقه‌درتره ژ هزار هه‌يڤان.
11ـ و هه‌ر وه‌ختێ تو خۆ ببينى دلێ ته يێ نه‌رمه، وترسا خودێ يا تێدا و دوعايێت ژ دل دێ ده‌ركه‌ڤن.
ئه‌گه‌رێت نه‌قه‌بويلكرنا دوعايێ:
دبيت هنده‌ك دێ دوعا كه‌ن، و چو ل شوينێ نابينن، ڤێجا ژ به‌ر هندێ دوعايان دهێلن و دوعا ناكه‌ن و دێ بێژن: يا ژ خۆيه دوعايێت من قه‌بويل نابن، ڤێجا ما دێ بۆچى خۆ ب دوعايانڤه وه‌ستينم.
بۆ ڤى مرۆڤى ئه‌وێ دوعا دكه‌ت و دوعايێت وى قه‌بويل نه‌بن دبێژين:
ئێك: دڤێت تو بزانى دوعا نينه قه‌بويل نه‌بيت، به‌لێ قه‌بويلكرنا دوعا ب سێ ره‌نگانه.
يا ئێكێ: كا ته چ دوعا كرىيه هه‌ر ئه‌و دێ بۆ ته ب جه ئێت، و ئه‌و دێ بۆ ته چێ بيت، و هنگى دڤێت تو شوكرا خودێ بكه‌ى كو دوعايا ته قه‌بويلكرى.
يا دووێ ئه‌و داخوازا ته كرى و هه‌وجه‌ىيا ته بلندكرى، خودێ دێ شوينا وێ هه‌وجه‌ىيێ يا ته بلندكرى، بۆ ته هه‌وجه‌ييه‌كا دى قه‌تينيت كو ئه‌و هه‌وجه‌ى بۆ ته ژ وێ چێتره، يا ته داخوازكرى و ڤياى، چونكى خودێ چێتر خێرا ته دزانيت وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ ێعْلَمُ وَأَنْتُمْ لا تَعْلَمُونَ (البقره/216). دبيت هه‌وه تشته‌ك نه‌ڤێت و ئه‌و ب خۆ يا باش بيت بۆ هه‌وه، و دبيت هوين حه‌ژ تشته‌كێ بكه‌ن، و ئه‌و ب خۆ خرابى بيت بۆ هه‌وه و خودێ دزانيت [ كا خێرا هه‌وه د چ دايه ] و هوين نوزانن.
ره‌نگێ سىيێ ئه‌ڤه‌يه: بۆ ته دهێليت بۆ رۆژا قيامه‌تێ و دكه‌ته ته‌رازىيا ته‌دا و ته‌رازىيا ته يا خێرا پێ گران دكه‌ت.
و راستىيا ڤێ چه‌ندێ حه‌ديسا پێغه‌مبه‌رێ خۆشتڤى (محمد) (سلاڤێت حودێ ل سه‌ربن) ديار دكه‌ت، وه‌ختێ دبێژيت: (نينه موسلمانه‌ك دوعايه‌كێ ژ خودايێ مه‌زن بكه‌ت گونه‌ه و برينا مروڤانيێ تێدا نه‌بيت، هه‌كه خودێ ئێك ژ سێ تشتان به‌رانبه‌ر نه‌ده‌تێ : يان دێ له‌زێ ل دوعايا وى كه‌ت وه‌كى وى خوازتى ده‌تێ، يان دێ بۆ هێليت بۆ رۆژا قيامه‌تێ، يان دێ پێ نه‌خۆشىيه‌كا وه‌كى وێ ژێ ده‌ته پاش ـ ئينا سه‌حابىيان گۆت ـ پا ئه‌م دێ گه‌له‌ك دوعايان كه‌ين؟ ئينا پێغه‌مبه‌رى (سلاڤێت حودێ ل سه‌ربن) گۆت: خودێ دێ پتر ده‌ته هه‌وه .
ڤێجا ژ به‌ر هندێ دڤێت چو جاران مرۆڤ دوعا نه‌هێليت، چونكى دوعا نينه به‌لاش بچيت يان ژى ره‌نگه‌كێ ژ ره‌نگێت بۆرى نه‌قه‌بويل بيت.
يا دووێ: باشه‌كى دبێژيت: ئه‌و تشتێ مرۆڤ دخازيت و دوعا بۆ دكه‌ت خێرا مرۆڤى تێدايه، خودێ چێتر دزانيت كا خێرا مرۆڤى د چ دايه، و هه‌ر ژ به‌ر هندێ ژى خودێ ئه‌مر دكه‌ت وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ ێعْلَمُ وَأَنْتُمْ لا تَعْلَمُونَ . و ئه‌ڤ چه‌نده چه‌ند جاران بۆ هه‌مىيان چێبوويه، مه‌دا داخوازا تشته‌كێ كرىيه و ئه‌م هه‌مى دلێ خۆ د گه‌ل بووينه، پاشى ئه‌م په‌شێمان بووينه. ڤێجا ژ به‌ر هندێ دبيت گه‌له‌ك تشتان ئه‌م دێ خوازين و دوعا بۆ كه‌ين و ئه‌م نوزانين كا پاشه‌رۆژێ ئه‌و تشت د خێرا مه‌دايه ئان نه؟ و خودێ چێتر دزانيت و خێرا ته دڤێت بۆ ته ب جه نائينيت، ژ به‌ر هندێ دڤێت كا خودێ چ بۆ ته ڤيايه و نڤيسايه دڤێت تو يێ پێ رازى بى، و دڤێت نموونه‌يا نه‌ساخى د گه‌ل دوختۆرى به‌رچاڤێ مه هه‌مىيان بيت. نه‌ساخ دێ هنده ره‌نگێت ده‌رمانى ژ دوختۆرى خوازيت، به‌لێ دوختۆر دێ وى ده‌رمانى ده‌تێ يێ د خێرا ويدا، نه ئه‌و ده‌رمانێت وى خوازتين چونكى دوختۆر چێتر وى دزانيت كا چ بۆ وى يێ باشه و چ نه.
و هه‌رهۆسا وه‌ختێ تو دوعايێ دكه‌ى خودێ چێتر ته دزانيت كا ئه‌و تشتێ ته خوازتى د خێرا ته‌دايه ئان نه و دێ وێ كه‌ت يا ئه‌و دزانيت نه‌يا تو دخوازى.
يا سىيێ: وه‌ختێ دوعا ته قه‌بويل نه‌بيت دڤێت تو به‌راهيكێ به‌رێ خۆ بده‌يه خۆ، و ل خۆ بزڤرى كا بۆچى دوعايێت ته قه‌بويل نابن، ئه‌رێ چ كێماسى د ته‌دا هه‌يه؟ و كا ئه‌و چ تشته ل ده‌ڤ ته رێكا قه‌بويلكرنێدا دراوه‌ستيت، چونكى خودايێ مه‌زن ئه‌مر دكه‌ت: وَمَا أَصابَكَ مِنْ سَيِّئَه فَمِنْ نَفْسِكَ (النساء/79) ئانكوو چ نه‌خۆشىيا بگه‌هيته ته هه‌ر ژ ته ب خۆيه، ڤێجا ژ به‌ر هندێ هويرك و ل سه‌ر خۆ به‌رێ خۆ بده خۆ، و ل خۆ بزڤره و به‌رێ خۆ بده گونه‌هێت خۆ و بزانه ئێك ژ سزايێت گونه‌هێ يێت دنيايێ به‌رى يێت ئاخره‌تێ ئه‌ڤه‌يه : دكه‌ڤيته به‌ر دوعايێ و ناهێليت قه‌بويل ببيت. چونكى دبيت دوعايا ته ژ له‌شه‌كێ گونه‌هكار بلند بيت يان ژ له‌شه‌كێ ب حه‌رامى مه‌زن بووى، ڤێجا چاوا دێ قه‌بويل بيت؟!
پێغه‌مبه‌ر (سلاڤێت حودێ ل سه‌ربن) دبێژيت: (چ تشت قه‌ده‌رێ ناده‌ته پاش دوعا نه‌بيت و چ ژى درێژ ناكه‌ت باشى نه‌بيت و ب راستى مرۆڤ ژ رزقێ خۆ دبيت ژ به‌ر وێ گونه‌ها وى كرى) .
يا چارێ: به‌رێ خۆ بده خوارن و ڤه‌خوارنا خۆ كا حه‌رام تێكه‌لى نه‌بوويه، چونكى يێ بڤێت دوعايێت وى قه‌بويل ببن، دڤێت باشى يێ هشيار بيت، و ب چو ره‌نگان تێكه‌لى حه‌رامى نه‌بيت، و چو هێجه‌تا بۆ خۆ نه‌گريت بێژيت: سويكا ئه‌ڤرۆ و شۆلێ ئه‌ڤرۆ يێ وه‌لێهاتى، هه‌كه مرۆڤ ده‌رگه‌هێت حه‌رامى نه‌قوتيت مرۆڤ ناژيت. ب راستى ئه‌ڤه ژ بانگ و ئاوازێت شه‌يتانىنه، خوارنا حه‌رامى عيباده‌تێ مرۆڤى پويچ دكه‌ت و دوعايێت مرۆڤى ژى. پێغه‌مبه‌ر (سلاڤێت حودێ ل سه‌ربن) دبێژيت: (پشتى سه‌عدێ كورێ ئه‌بى وه‌قاسى گۆتىيێ بۆ من دوعا بكه ئه‌ز ژ وان بم يێت خودێ دوعايێت وى قه‌بويل دكه‌ت، ئينا پێغه‌مبه‌رى (سلاڤێت حودێ ل سه‌ربن) گۆت: (هه‌ى سه‌عد خوارنا خۆ حه‌لال كه دێ ژ وان بى يێت دوعايێت وان قه‌بويل دبن، ئه‌ز ب وى كه‌مه يێ جانێ موحه‌ممه‌دى د ده‌ستێ ويدا زه‌لامێ هه‌ى پارىيه‌كى ب تنێ ژ حه‌رامى دهاڤێژيته د زكێ خۆدا چل رۆژان ژێ ناهێته قه‌بويلكرن، و هه‌ر به‌نده‌يه‌كێ گۆشتێ وى ب حه‌رامى و ب سه‌له‌فێ (ريبايێ) راببيت ئاگر هه‌ژى وىيه) .
باش به‌رێ خۆ بدێ هه‌ى خودان باوه‌ر، كا حنێرا پارىيه‌كێ ب تنێ ژ حه‌رامى چه‌نده؟! ناهێليت عيباده‌ت و دوعايێت مرۆڤى د چل رۆژاندا بلند ببن و بێنه قه‌بويلكرن، پا تو چ دبێژى بۆ وى يێ د ناڤ حه‌راميدا خه‌ندقى؟!!
و چو شك تێدا دوعا قه‌بويلى كه‌ره‌مه‌كا زێده‌يا مه‌زنه، هه‌چىيێ ژێ زرباربوو و ژێ بێ پشك و باربوو، ب راستى ئه‌و ژ خێر و كه‌ره‌مه‌كا مه‌زن بێ باربوو، چونكى دوعا ده‌ڤ خودێ زێده يا ب قه‌دره، و به‌سه تو بزانى پێغه‌مبه‌ر (سلاڤێت حودێ ل سه‌ربن) دبێژيت: (قه‌درترين عيباده‌ت ده‌ڤ خودێ دوعايه) . و چونكى دوعا به‌لا و نه‌خۆشىيێت مه‌زن يێت هاتين و نه‌هاتين ژ مرۆڤى دده‌ته پاشى.
و ل سه‌ر ڤێ پێغه‌مبه‌رێ خۆشتڤى ئه‌مر دكه‌ت: (زه‌لامێ هه‌ى يێ وه‌غه‌ردرێژه و سه‌ر قژه‌ڤژه و تۆزكىيه، ده‌ستێت خۆ بلند دكه‌ته عه‌سمانى يا خودێ يا خودێ و خوارنا وى يا حه‌رامه و ڤه‌خوارنا وى يا حه‌رامه و جلكێ وى يێ حه‌رامه، و ب حه‌رامى يێ رابووى، ڤێجا ما چاوا دێ ژێ هێته قه‌بويلكرن) .
يا پێنجێ: به‌رێ خۆ بدێ گاڤا تو دوعايێ دكه‌ى كا دلێ ته يێ چاوايه؟ و كا ب راست و دورستى د گه‌ل خودێ يه؟ و ترسا خودێ ب دورستى تێدا هه‌يه ئان نه؟ و كا تو هه‌ست ب مه‌زناتىيا خودێ ب راست و دورستى دكه‌ى ئان نه؟ چونكى خودێ دوعا ژ دلێ بێ ئاگه‌ه و هاى ژ خۆنه، قه‌بويل ناكه‌ت، راسته دوعا ده‌رمانه‌كێ كاريگه‌ره و يێ ب هێزه، به‌لێ بێ ئاگه‌هىيا دلى هێزا وى لاواز دكه‌ت هه‌روه‌كى حه‌رامى هێزا دوعايێ له‌واز دكه‌ت. (عبدالله)يێ كورێ (امام احمد) ژ بايێ خۆ ڤه‌دگوهێزيت و دبێژيت: (نه‌خۆشى و به‌لايه‌ك گه‌هشته ئيسرائيلىيان، ئينا ده‌ركه‌ڤتنه‌كێ ده‌ركه‌ڤتن ـ دا پێكڤه بۆ خۆ دوعا بكه‌ن ـ خودێ وه‌حى بۆ پێغه‌مبه‌رێ وان هنارت كو بێژيته وان: هوين ب له‌شێت پيس (گونه‌هكار) ده‌ركه‌ڤتينه ده‌شتێ، و هوين هنده ده‌ستان بلندكه‌نه من، يێت هه‌وه خوين پێ رژتين، و هه‌وه خانىيێت خۆ پێ تژى حه‌رامى كرين، و پشتى كه‌ربا من ل سه‌ر هه‌وه زێده‌بووى، ژ نوى دبيته لاڤ لاڤا هه‌وه. چو بۆ هه‌وه ژ من زێده نابيت دويركه‌ڤتنا هه‌وه ژ من نه‌بيت.
پسيار ژ پيبراهيمێ كورێ ئه‌دهه‌مى هاته‌كرن: بۆچى ئه‌م دوعا دكه‌ين ژ مه ناهێنه قه‌بويلكرن؟ ئينا گۆت: چونكى هه‌وه خودێ نياسى و هه‌وه گوهدارىيا وى نه‌كر، و هه‌وه پێغه‌مبه‌ر نياسى و هوين دويڤ رێكا وى نه‌چۆن، و هه‌وه قورئان نياسى و هه‌وه كار پێ نه‌كر، و هه‌وه كه‌ره‌م و نيعمه‌تێت خودێ خوارن و هه‌وه شوكرا وى نه‌كر، و هه‌وه به‌حه‌شت زانى به‌لێ هه‌وه رێكا وێ نه‌گرت، و هه‌وه جه‌هنه‌م زانى و هوين ژێ نه‌ره‌ڤين، و هه‌وه شه‌يتان نياسى و هه‌وه شه‌رێ وى نه‌كر، و هوين د گه‌ل رێكه‌ڤتن، و هه‌وه مرن زانى و هه‌وه كارێ خۆ بۆ نه‌كر، و هه‌وه مرى ڤه‌شارتن و هه‌وه ده‌رس و چامه بۆ خۆ ژێ نه‌گرتن، و هه‌وه عه‌يب و كێماسىيێت خۆ هێلان و هوين ب كێم و كاسىيێت خه‌لكيڤه مژويل بوون.
يا شه‌شێ: به‌رێ خۆ بدێ كا تو د راستا فه‌رمانێت خودێدا يێ چاوانى ئه‌رێ تو به‌ر ئه‌مرێ خودێڤه يێ راوه‌ستيايى ئان نه؟ ئه‌رێ تو رێز و ته‌قديرێ دده‌يه ئه‌حكام و توخيبێت خودێ؟ ئان ژى ب كريار و گۆتنێت خۆ دديه سه‌ر ؟ و بزانه مه‌رجێ قه‌بويلكرنا دوعايێ ئه‌وه توژى به‌ر ئه‌مرێ خودێڤه يێ راوه‌ستيايى بى و نه‌ده‌يه سه‌ر فه‌رمان و ئه‌مرێت وى، چونكى ئايه‌تا قورئانا پيرۆز ڤێ چه‌ندێ باش ديار دكه‌ت وَإِذا سَأَلَكَ عِبَادِي عَنِّي فَإِنِّي قَريبٌ أُجِيبُ دَعْوَة الدَّاعِ إِذا دَعَانِ فَلْيسْتَجِيبُوا لِي وَلْيُؤمِنُوا بِي لَعَلَّهُمْ يرْشُدُونَ (البقره/186) موجاهد دبێژيت: ئانكوو بلا ئه‌و دويڤ ئه‌مرێ من بهێن وێ بكه‌ن ئه‌وا ئه‌ز ژێ دخوازم و فه‌رمانا وان پێ دكه‌م ژ گوهدارىيێ و باوه‌رى پێ ئينانێ.
يا حه‌فتێ: به‌رێ خۆ بدێ كا دوعايا ته چ ره‌نگه گونه‌ه تێدايه ئان نه؟ و كا ئه‌و دوعا تو دكه‌ى كا يا دورسته يان نه؟ يان كا تو ب دورستى دوعايێ دكه‌ى؟
پێغه‌مبه‌ر (سلاڤێت حودێ ل سه‌ربن) دبێژيت: به‌رده‌وام دوعايێت به‌نده‌يان دێ هێنه قه‌بويلكرن هندى دوعا ب گونه‌هێ و خرابيێ وبرينا مرۆڤانيێ نه‌هێته‌كرن . و گونه‌ه هه‌ر تشته‌كێ خه‌له‌ت و نه‌دورست و خودێ ژێ نه‌رازى دگريت، ڤێجا كا به‌رێ خۆ بدێ كا دوعا ته ژ ڤى ره‌نگىيه ئان نه؟ و برينا مروڤانيێ هه‌مى مافێن مرۆڤان دكه‌ڤنه به‌ر، ئه‌رێ ئه‌ڤ دوعايا تو دكه‌ى ڤى ره‌نگى نينه؟ چونكى ئه‌گه‌ر ب ڤى ره‌نگى بيت دوعا ته گونه‌ه تێدا بيت، يان مافخوارنا ئێكێ تێدا بيت، خودێ ژ ته قه‌بويل ناكه‌ت.
يا هه‌شتێ: ديسا نابيت له‌ز ل قه‌بويلكرنا دوعايێ بێته‌كرن. پێغه‌مبه‌ر (سلاڤێت حودێ ل سه‌ربن) دبێژيت: (دوعايا هه‌وه دێ هێته قه‌بويلكرن هندى هوين له‌زێ لێ نه‌كه‌ن.. ئينا گۆتن: هه‌ى پێغه‌مبه‌رێ خودێ له‌زلێكرن چاوايه؟ ئينا گۆت: دێ بێژيت: من دوعا كرن و من دوعا كرن و من نه‌ديت دوعايێت من هاتنه قه‌بويلكرن، ڤێجا دێ وه‌ستيت و دوعا هێليت) .
ڤێجا ئه‌گه‌ر به‌نده‌يى گۆت: من دوعا كرن، به‌لێ بۆ من قه‌بويل نه‌بين : خلاس وى دوعايا خۆ پيچ كر، وب چو ره‌نگان دوعايا وى قه‌بويل نابيت، نه ئه‌و دوعايا كرى ژێ دهێته قه‌بويلكرن، و نه تشته‌كێ دى شوينێ چێدبيت، و نه خێر بۆ دهێنه نڤيسين، چونكى له‌زكرن و گۆتنا به‌نده‌يى ئه‌ڤ دوعايه قه‌بويل نه‌بوو، دوعايان ژ ڤان هه‌ر سێ ره‌نگێت قه‌بويلكرنێ دشۆت و رويت دكه‌ت، چونكى وه‌ختێ دبێژيت دوعايێت من قه‌بويل نه‌بوون ئه‌ڤه بێ هيڤىيه، و مرۆڤێت زێده گونه‌هكار و سته‌مكار پێڤه‌تر ژ ره‌حم و دلۆڤانىيا خودێ بێ هيڤى نابن، هه‌روه‌كى خودايێ مه‌زن ئه‌مر دكه‌ت: إِنَّهُ لا ييْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ (يوسف/87) ئانكوو ب راستى كه‌س ژ ره‌حما خودێ بێ هيڤى نابيت ئه‌وێت گاور و سته‌مكار نه‌بن.
ژ به‌ر هندێ دڤێت كه‌س بێ هيڤى نه‌بيت، و چو وى ژ دوعايان نه‌ده‌ته پاش. سوفيانێ سه‌ورى دبێژيت: بلا چ مرۆڤى ژ دوعايێ نه‌ده‌ته پاش، و بێ هيڤى نه‌كه‌ت، چونكى خودێ دوعايا خرابترين چێكرى قه‌بويل كر شه‌يتانى گۆت: يا خودێ من بهێله هه‌تا رۆژا قيامه‌تێ من نه‌مرينه، خودێ گۆتێ: تو يێ مۆله‌ت دايى.
و بلا به‌نده دوعايا خۆ نه‌بێژيت : ئه‌گه‌ر ته ڤيا فلان تشتى بده من يان ڤى دوعايێ ژ من قه‌بويل بكه. پێغه‌مبه‌ر (سلاڤێت حودێ ل سه‌ربن) دبێژيت: (ئه‌گه‌ر ئێكێ ژ هه‌وه دوعا كر بلا دوعا خۆ ڤه‌بريت و نه‌بێژيت يا خودێ ئه‌گه‌ر ته بڤێت بده من، چونكى ب راستى كه‌س نينه خۆرتىيێ ل خودێ بكه‌ت) و د ريوايه‌ته‌كا ديدا دبێژيت: (بلا نه‌بێژيت: يا خودێ گونه‌هێت من ژێببه ئه‌گه‌ر ته بڤێت يا خودێ دلۆڤانىيێ ب من ببه ئه‌گه‌ر ته بڤێت).
يا خودێ ته ئه‌م ژ ئاخێ يێت چێكرين، پاشى ته ئه‌م كرينه گه‌له‌ك مرۆڤ و ل سه‌ر ئه‌ردى] به‌لاڤكرين. يا خودێ ته ژ گيانێ مه بۆ مه هه‌ڤسه‌ر چێكرن، دا سه‌بر و هه‌دارا مه پێ بێت، و ل ده‌ڤ ڤه‌هه‌سن، و ته ڤيان و دلۆڤانى ئێخسته د ناڤبه‌را مه‌دا، ب ڕاستى ئه‌ڤ دان و چێكرنا هه‌ڤسه‌ران هۆسا، نيشانێت ئاشكه‌رانه ل سه‌ر مه‌زناتى و ده‌ستهه‌لاتدارىيا ته، به‌لێ بۆ وان ئه‌وێت هزرا خۆ تێدا دكه‌ن.
و ژ نيشانێت مه‌زناتى و ده‌ستهه‌لاتدارىيا ته، چێكرنا ئه‌رد و ئه‌سمانانه و جودايى و نه‌وه‌كهه‌ڤىيا ئه‌زمان و ڕه‌نگێت مه‌يه، ب ڕاستى ئه‌ڤه نيشانێت ئاشكه‌رانه ل سه‌ر مه‌زناتى و ده‌ستهه‌لاتدارىيا ته، بۆ مرۆڤێت زانا و تێگه‌هشتى، يا خودێ مه زانا و تێگه‌هشتى بكه.
يا خودێ و ژ نيشانێت مه‌زناتى و ده‌ستهه‌لاتدارىيا ته، نڤستنا مه‌يه د شه‌ڤ و ڕۆژاندا، و به‌رگه‌ڕيان و داخوازكرنا مه‌يه، ب شه‌ڤ و ڕۆژ، بۆ ڕزقێ ته دايه‌مه ، ب ڕاستى ئه‌ڤه نيشان و به‌لگه‌يێت ئاشكه‌رانه ل سه‌ر مه‌زاناتى و ده‌ستهه‌لاتدارىيا ته، بۆ وان ئه‌وێت گوهدارىيێ دكه‌ن، دا تێ بگه‌هن، يا خودێ مه گوهدارى خو بكه.
يا خودێ و ژ نيشانێت مه‌زناتى و ده‌ستهه‌لاتدارىيا ته، ئه‌وه برويسىيان بۆ ترسێ و ته‌مايىيا بارانێ نيشا مه دده‌ى، و بارانێ ژ ئه‌وران دباريني، و تو ڤى ئه‌ردى پشتى هشكبوونا وى، پێ ساخ و شين دكه‌ى، ب ڕاستى ئه‌ڤه نيشانێت ئاشكه‌رانه ل سه‌ر مه‌زناتى و ده‌ستهه‌لاتدارىيا ته بۆ وان ئه‌وێت ئه‌قلێ خۆ دده‌نه شۆلى و تێ دگه‌هن، يا خودێ مه ئاقلتيژبكه و ژ وان بدانه يێت ئاقلێ خۆ دده‌نه شولى.
يا خودێ و ژ نيشانێت مه‌زناتى و ده‌ستهه‌لاتدارىيا ته، ته ئه‌رد و ئه‌سمان بێ ستوين ب ئه‌مرێ خۆ ڕاوه‌ستاندينه . يا خودێ هندى د ئه‌رد و ئه‌سماناندا هه‌يين ژ ملياكه‌ت و مرۆڤ و ئه‌جنه‌يان يێت ته‌نه، و هه‌مى ل به‌ر فه‌رمانا ته‌نه. يا خودێ ته جارا ئێكێ ئه‌م يێت چێكرين و دايين، پاشى دێ مه پشتى مرنا مه ساخ كه‌يه‌ڤه، و زڤڕاندن و ساخكرنامه پشتێ مرنێ، بۆته ژ چێكرنا جارا ئێكێ ب ساناهيتره، يا خودێ په‌سن و سالۆخه‌تا ژ هه‌مىيان بلندتر د ئه‌رد و ئه‌سماناندا يا ته‌يه، و هه‌ر توى سه‌رده‌ست و كار بنه‌جه.
يا خودێ ئه‌م د بينين گه‌مى ژ كه‌ره‌م و دلۆڤانىيا ته د ده‌ريايێدا دئێن و دچين، دا تو نيشانێت ده‌ستهه‌لاتدارىيا خۆ نيشا مه بده‌ى، ب ڕاستى ئه‌ڤه چامه و نيشانن بۆ وان ئه‌وێت زێده بێنفره‌ه و زێده شوكوردار، يا خودێ مه بێنفره‌ه و شوكرداربكه. يا خودێ تو به‌رده‌وام نيشانێت شيانا خۆ نيشا مه دده‌ى، و ڕزقى بۆ مه ژ ئه‌سمانى دئينيته خوارێ، به‌لێ ژ بلى وان ئه‌وێت به‌رێ خۆ دايينه ته، كه‌سێ دى بۆ خۆ چام و ده‌رسان ژ ڤان نيشانان ناگرن، يا خودێ تو مه ژ وان بدانه ئه‌وێت به‌رده‌وام به‌رێ وان ل ته و به‌رێ خۆ دده‌نه ته.
يا خودێ ته شه‌ڤ و ڕۆژ، و ڕۆژ و هه‌يڤ يێت داين، يا خودێ هاريكاريا مه بكه ئه‌م سوجده‌يێ به‌س بۆ ته ب تنێ ببه‌ين چونكى ته ئه‌م يێت دايين و چێكرين.
يا خودێ ئه‌م ئه‌ردى هشك به‌ر چاڤێت خۆ دبينين، گاڤا تو بارانێ ل سه‌ر دبارينى گژ دبيت و دبزڤيت و پف و بلند دبيت، يا خودێ مه باوه‌ريكا موكمى هه‌ى كا چاوا تو ئه‌ردێ مرى زێندى دكه‌ى و ئه‌م پێش چاڤێت خۆ دبينين، هوسا دێ مه ومرىيان زێندى كه‌يه‌ڤه، ب ڕاستى تو ل سه‌ر كرنا هه‌مى تشتان يێ ده‌ستهه‌لاتدارى.
يا خودێ ژ نيشان و به‌لگه‌يێت مه‌زناتىيا ته چێكرنا ئه‌رد و ئه‌سمانانه و هندى خودان ڕوحێت ته تێدا به‌لاڤ كرين، تو ل سه‌ر كۆمكرنا وان ئه‌گه‌ر ته بڤێت يێ پێڤه‌هاتى، ياخودێ توى گه‌مىيێت وه‌كى چيايان د ده‌ريايێدا دئينى و دبه‌ى هه‌كه ته بڤێت دێ بايى ڕاوه‌ستينى، وهنگى گه‌مى دێ د ده‌ريايێدا ميننه ڕاوه‌ستيايى.
يا خودێ تو مه د مالبچويكاندا ب وى ئاوايى چێدكه‌ى، يێ ته دڤێت، يا خودێ چو په‌رستى يێت ڕاست و دورست و هه‌ژى په‌ررستنێ نينن تو نه‌بى وتوى يێ هه‌ر زال و كاربنه‌جهـ.
يا خودێ ته ئه‌م يێت ژ ته‌قنێ چێكرين، پاشى وه‌خته‌كێ نه‌ديار بۆ مرنا مه ته دانا،پاشى دێ مه ساخكه‌يه‌ڤه، يا خودێ وێ ڕۆژێ مه سه‌رفه‌رازكه.
يا خودێ هه‌ر ته ئه‌م يێت ژ ئێك كه‌س چێكرين، و هه‌ڤسه‌را مه ژى، ژێ چێكر، دا بێنامه پێ بێت و ل ده‌ڤ ڤه‌هه‌سيێن. يا خودێ ته ڕۆژ بۆ مه كرىيه چرا و هه‌يڤ كرىيه ڕۆناهى، و كريه قويناخ قويناخ دا ئه‌م هه‌ژمارا سالان و حسێبا خۆ بزانن، يا خودێ ژ قه‌ستا ته ئه‌ڤه چێ نه‌كرىيه، ئه‌گه‌ر بۆ هه‌قىيێ نه‌بيت دا ئه‌م هه‌قى و ڕاستى يێ پێ بزانين و ئه‌م پێ بگه‌هينه مه‌زناتىيا ته و ته بپه‌رێسين.
يا حودێ توى مه د هشكاتى و ئاڤێدا دگێڕينى وتوى شيانێ دده‌يه مه، ئه‌م ب پىيان و ده‌واران و گه‌مىيان و ئالاڤێت دى قويناخێت درێژ ببڕن. يا خودێ ته شه‌ڤ بۆ مه يا دايى، دا ئه‌م تێدا ڤه‌هه‌سين، و ته ڕۆژ بۆ مه يا ڕۆنكرى دا ئه‌م په‌رگارىيا خۆ تێدا بكه‌ن، و كاروبارێت خۆ تێدا ب سه‌روبه‌ر بكه‌ن.
يا خودێ هه‌ر توى برويسىيان بۆ ترسێ و ته‌مايىيا هاتنا بارانێ نيشا مه دده‌ى، و هه‌ر توى عه‌ورێت گرانێت بارانێ چێ دكه‌ى.
و هه‌ر توى ئاڤێ بۆ مه ژ عه‌وران دئينيه خوار، و ئه‌م ژێ ڤه‌دخۆن، و ژ هه‌ر ب وێ ئاڤێ شينكاتى و داروبار پێ شين دبن، و ئه‌م ته‌رشێت خۆ لێ دچه‌رينن.
يا خودێ ته ئه‌م يێت ژ ئاخێ چێكرين، پاشى ژ چپكه‌كێ، پاشى ژ خوينپاره‌يه‌كى، پاشى مه بچويك دده‌ى و پيچ پيچه مه مه‌زن دكه‌ى، دا ب دورستى تێ بگه‌هين و بالق ببين، پاشى دا پيروكال ببين، و هنده‌ك ژ مه به‌رى بالق ببن و به‌رى پير ببن دمرن، و دا بگه‌هنه ڕۆژه‌كا ده‌ستنيشانكرى، و دا ئه‌م بۆ خۆ عه‌قله‌كى بگرن.
يا خودێ توى ژين و مرنێ دده‌ى، و مه ساخ دكه‌ى و دمريني ، و ئه‌گه‌ر ته كاره‌ك ڤيا، به‌س دێ بێژى هه‌به دێ بيت.
يا خودێ هه‌ر تشتێ ژ ئه‌سمانى دئێته خوارێ: ژ باران و گژلۆك و به‌فر و برويسى و ملياكه‌ت و كتێبان و ... ، و هه‌ر تشتێ به‌ر ب ته‌ڤه بلند دبيت: ژ كريارێت باش و دوعايان و جانان و ملياكه‌تان و ته‌ير و ته‌والان و هه‌لمێ و ... هتد تو يێ ژێ ب ئاگه‌هه، و يا خودێ تو ب زانين و شيانا خۆ هه‌ر جهه‌كێ ئه‌م لێ بين تو يێ د گه‌لمه، و هه‌ر كار و كرياره‌كا ئه‌م دكه‌ين، تو يێ ژێ ب ئاگه‌هه و دبيني. يا خودێ مه بپارێزه و هاريكاريا مه بكه ئه‌م عه‌بدێت ته يێت ڕاست و دورست بين.
يا راگرێ ئه‌رد و ئه‌سمانان و يا يێ هه‌رده‌م ساخ و زيندى، ته ئه‌رد بۆ مه يێ به‌رده‌ست و ساناهىكرى، د ناڤدا بگه‌ڕين و ژ ڕزقێ ته دايىيه مه بخۆين، و زڤڕينا مه يا دويماهيكێ هه‌ر ب بال ته‌ڤه‌يه.
يا خودێ ته ئه‌م يێت دايين و ته گوهـ و چاڤ و عه‌قل يێت دايينه مه، گه‌ل وێ ژى، ئه‌م ڤان كه‌ره‌م و نيعمه‌تان كێم ب كار دئينن د باشى و تاعه‌تاندا وئه‌م كێم شوكرا ته ل سه‌ر ڤان نيعمه‌تا دكه‌ين، يا خودێ هاريكاريا مه بكه ئه‌م ڤان نيعمه‌تان دجهێ واندا ب كاربينين و شوكرا تو هه‌ژى ل سه‌ر بكه‌ين.
يا خودێ هه‌مى حه‌مدو په‌سن بۆ ته‌بن، تو عه‌رد و عه‌سمانان و تشتێ تێدا ڕۆندكه‌ى، توى راگر و ريبه‌رێ كاروبارێت عه‌رد و عه‌سمانان و تشتێ تێدايى، و هه‌مى حه‌مد و په‌سن بۆ ته‌بن، تو خودان و شاهێ عه‌رد و عه‌سمانان و تشتێ تێدايى، تو يێ حه‌قى و گوتنا ته يابێ شك و ڕاسته، و ژڤانا ته يا بێ شك و ڕاسته، و ڕاستيانا به‌رده‌ستێ ته يا بێ شك و ڕاسته، و به‌حه‌شت يا بێ شك و ڕاسته، و جهنه‌م يا بێ شك و ڕاسته، و رۆژا قيامه‌تێ يا بێ شك و ڕاسته، و پێغه‌مبه‌ر هه‌مێ د ڕاستن و موحه‌مه‌د سلاڤێت خودێ ل سه‌ربن يێ بێ شك و ڕاسته.
چو خودێ و په‌رستى يێت ڕاست و دورست نينن خودێ ب تنێ نه‌بيت، هه‌مى مولك و سه‌روه‌رى و په‌سن و حه‌مد بۆ وينه، و ئه‌و ل سه‌ر هه‌مى تشتان يێ خودان شيانه، و چو بزاڤ و شيان و چو هێز نينن ب خودێ نه‌بن، چو خودێ و په‌رستى يێت ڕاست و دورست نينن خودێ ب تنێ نه‌بيت، ئه‌م كه‌سێ ناپه‌رێسين ئه‌و ب تنێ نه‌بيت، نيعمه‌ت و كه‌رم ژ وينه و په‌سن و مه‌دحێت باش هه‌ژى وينه، چو خودێ و په‌رستى يێت ڕاست و دورست نينن خودێ ب تنێ نه‌بيت، ئه‌م په‌رستنا ژ دل بۆ وى دكه‌ين، بلا گاوران پێ نه‌خۆش ژى بيت.
چو په‌رستييێت دورستى و هه‌ژى نينن خودێ مه‌زن و نه‌رم و حه‌ليم نه‌بيت، پاك و پاقژى بۆ خودێ بيت، خودانێ عه‌رشێ مه‌زن ، پاك و پاقژى بۆ خودێ بيت، خودانێ هه‌ر حه‌فت ئه‌سمانان و خودانێ عه‌رشێ پيرۆز.
سبْحانَ اللَّهِ، پاك و پاقژى بۆ خودێ بيت ب هژمارا ل ئه‌سمانان چێكرين، و سبْحانَ اللَّهِ، پاك و پاقژى بۆ خودێ بيت ب هژمارا ل ئه‌ردى چێكرين، و سبْحانَ اللَّهِ، پاك و پاقژى بۆ خودێ بيت ب هژمارا د ناڤبه‌را هه‌ردووياندا چێكرين، وسبْحانَ اللَّهِ، پاك و پاقژى بۆ خودێ بيت ب هژمارا ئه‌و چێدكه‌ت، وَالحَمْدُ للَّهِ، و هه‌مى سوپاسى بۆ خودێ هند جاران، ولا إلَه إلاَّ اللَّه، و چو خودێ و په‌رستى يێت ڕاستو دورست نينن خودێ ب تنێ نه‌بيت هند جاران، وَاللَّه أكْبرُ، و خودێ يێ مه‌زنه هند جاران، ولا قُوَّه إِلاَّ باللَّه، چو بزاڤ و شيان و چو هێز نينن ب خودێ نه‌بن هند جاران.
چو په‌رستييێت دورستى و هه‌ژى نينن خودێ مه‌زن و نه‌رم و حه‌ليم نه‌بيت، چو په‌رستييێت دورستى و هه‌ژى نينن خودانێ عه‌رشێ مه‌زن نه‌بيت، چو په‌رستييێت دورستى و هه‌ژى نينن خودانێ ئه‌سمانان و خودانێ ئه‌ردى و خودانێ عه‌رشێ پيرۆز نه‌بيت.
ئه‌ز داخوازا گونه‌هـ ژێبرن و لێبۆرينێ ژ خودێ دخوازم ئه‌وێ چو په‌رستێت ڕاست و دورست نه ئه‌و نه‌بيت، ئه‌وه يێ هه‌ر و هه‌ر مايى و د هه‌مى كار و بارێت هه‌بوونێدا رێبه‌ر، و ته‌وبێ ژ وى دخوازم.
يا خودێ بۆ من ژێ ببه يا من ل پێشييا خۆ كرى، و يا من ب پاش خۆڤه هێلايى، و يا من ب به‌رزه‌ييڤه كرى و يا من ب ئاشكه‌رايى كرى، و يا من ژ توخويبان بۆراندى و يا تو پێ ژ من ب ئاگه‌هتر، تو به‌نده‌ى ب گوهداريێ پێش دئێخى و به‌نده‌ى ب گونه‌هێ پاش دئێخى، ب ڕاستى چو خودێ و په‌رستى يێت ڕاست و دورست نينن تو نه‌بى.
يا خودێ من راسته‌رێ بكه ل گه‌ل وان يێت ته راسته‌رێكرين، و من سلامه‌ت بكه ل گه‌ل وان يێت ته سلامه‌تكرين، و من بپارێزه ل گه‌ل وان يێت ته پارازتين، وبه‌ره‌كه‌تێ بۆ من بێخه وێ يا تو دده‌ى، و من ژ خرابيا وێ قه‌ده‌را تو دكه‌ى بپارێزه، ب ڕاستى قه‌ده‌ر و حوكمێ ته دڤێت تو دكه‌ى، وكه‌س حوكمى ل ته‌ناكه‌ت و حوكمێ ته كه‌س نا راوه‌ستينيت، ب ڕاستى ئه‌و ناشكێت يێ ته پشته‌ڤانيا وي كر، و ئه‌و عه‌زيز و ب هێز نا كه‌ڤيت يێ ته شكاند، يا خودێ به‌ره‌كه‌ت و خێريت ته زێده‌بين و مه‌زنياته بلندبو، و ل سه‌ر هه‌مى تشتان ئاشكرابو.
يا خودێ ئه‌ز خۆ ب ته دپارێزم ژ نه‌چارييێ و بێخيره‌تييێ و ژ ترسنۆكييێ، و ژ پيراتييێ و ژ قه‌لسييێ، و ئه‌ز خۆ ب ته دپارێزم ژ ئيزايا گۆڕى، و ژ به‌لايێت دنيايێ و ژ به‌لا و ئيزايا قه‌برى.
يا خودێ ئه‌ز خۆ ب ته دپارێزم ژ خرابيا زه‌نگينيێ و ژ خرابيا هه‌ژاريێ و ئه‌ز خۆ ب ته دپارێزم ژ خرابيا ده‌ججالى.
يا خودێ تو يێ به‌راهيكێى كه‌س به‌رى ته نينه، و تو دويماهيكى، وكه‌س پشتى ته نينه، ئه‌ز خۆ ب ته دپارێزم ژ خرابيا هه‌ر خودان روحه‌كێ سه‌رگوليا وى دده‌ستێ ته‌دا، و ئه‌ز خۆ ب ته دپارێزم ژ گونه‌هێ و ژ ده‌ينى.
يا خودێ دلێ من ژ گونه‌هان پاقژبكه، هه‌روه‌كى ته كراسێ سپێ ژ قرێژێ پاقژكرى، يا خودێ دناڤبه‌را من و گونه‌ها مندا دوير بێخه، هه‌روه‌كى ته مابه‌ينا ڕۆژ هه‌لات و ڕۆژ ئاڤايێ دويرئێخستى.
يا خودێ دلۆڤانيێ ب من ببه، و د گۆڕيدا من سلامه‌ت كه، و من ئازا بكه، و بارا من ل به‌حه‌شتێ خۆش و پيرۆز بكه، و بارا من ل به‌حه‌شتێ به‌رفره‌ه و دلخۆش بكه، و گونه‌هێت من ب ئاڤێ و به‌فرێ و ته‌رگێ بشۆ، و من ژ گونه‌هان پاقژ بكه هه‌روه‌كى ته جلكێ سپى ژ قڕێژێ پاقژ كرى، و من ببه به‌حه‌شتێ و من ژ ئيزايا گۆڕى و ژ ئيزايا ئاگرى بپارێزه.
يا خودێ ئه‌ز داخوازا باشترين دوعايێ ژ ته دكه‌م و باشترين سه‌ركه‌ڤتن و باشترين خێر، و من موكوم بكه، و ته‌رازوىيا من گران بكه، و باوه‌رىيا من موكوم و بنه‌جه بكه، و پله‌يێت من بلند بكه، و نڤێژێت من قه‌بوول بكه، و ژ گونه‌هێت من ببۆره و ئه‌ز داخوازا ده‌ره‌جه‌يێت بلند د به‌حشتێدا ژ ته دكه‌م.
يا خودێ ئه‌ز داخوازا ده‌رگه‌هێت خێرێ، سه‌رى و دويماهى يێ، ژ ته دكه‌م، يا ئاشكه‌را و يا نه‌ئاشكه‌را و ده‌رجێت بلند ژ به‌حه‌شتێ ئامين.
يا خودێ ئه‌ز داخوازێ ژ ته دكه‌م ناڤێ من بلند بكه‌ى و دلێ من پاقژ بكه‌ى، و ده‌همه‌ن و نامويسا من بپارێزى و گونه‌هێت من ژێ ببه‌ى.
يا خودێ ئه‌ز خۆ ب ته دپارێزم ژ ترسنۆكى و قه‌لسييێ، و ئه‌ز خۆ ب ته دپارێزم تو من زێده پير و بێچاره كه‌ى، و ئه‌ز خۆ ب ته دپارێزم ژ ئيمتحان و جه‌رباندنا دنيايێ، و ئه‌ز خۆ ب ته دپارێزم ژ ئيزايا گۆڕى. يا خودێ ئه‌ز خۆ ب ته دپارێزم ژ ئيزايا جه‌هنه‌مێ و ژ ئيزايا گۆڕى و ژ به‌لايا دنيايێ و مرنێ و ژ خرابيا به‌لا ده‌جالى.
يا خودێ من ژ ئاگرى رزگار بكه، و ئه‌ز داخوازا گونه‌هژێبرنێ ب شه‌ڤ و ڕۆژ، و جهێ خوش و باش ژ به‌حه‌شتێ ژ ته دكه‌م ئامين.
يا خودێ ئه‌ز ژ ته دخوازم تو بۆ من به‌ره‌كه‌تێ وخێرێ بێخيه نه‌فسا من و گوهێ من و چاڤێ من و روحا من و سنج و ئه‌خلاقێ من و له‌شێ من و كه‌س و كارێت من و ژيانا من و مرنا من، يا خودێ خێر و باشێت من قه‌بويل بكه، و ئه‌ز داخوازا ده‌ره‌جه‌يێت بلند د به‌حشتێدا ژ ته دكه‌م خودێ خودايێ منه ئه‌ز چ تشتان بۆ نا كه‌مه شريك.
يا خودێ ئه‌ز حه‌ژێكرنا ته و حه‌ژێكرنا وى يێ حه‌ژ ته بكه‌ت، و حه‌ژێكرنا هه‌مى كار و كريارێت من نێزيكى حه‌ژێكرنا ته بكه‌ت ژ ته دخوازم.
يا خودێ ئه‌ز داخوازا كرنا خێران و هێلانا خرابى يان و حه‌ژێكرنا قه‌له‌نده‌ران ژ ته دكه‌م، و ئه‌ز داخوازێ ژ ته دكه‌م تو گونه‌هێت من ژێ ببه‌ى و دلۆڤانى يێ ب من ببه‌ى، و ئه‌گه‌ر ته ڤيا به‌نده‌يێت خۆ بجه‌ڕبينى من نه سه‌رداچۆيى بكێشه ده‌ف خۆ.
يا خودێ من ڕاسته‌ڕێ بكه، و من ژ خرابى يا نه‌فسا من بپارێزه.
يا خودێ ئه‌ز داخوازێ ژ ته دكه‌م تو گوهێت من و چاڤێت من و ڕوحا من و له‌شێ من و ئه‌خلاقێ من و مالا من و مرنا من و ژيانا من پيرۆز بكه‌ى؛ و خێريێت من ژ من قه‌بوول بكه‌ى.
يا خودێ ئه‌ز خۆ ب ته د پارێزم ژ گرانىيا به‌لايێ و كه‌يڤخۆشىيا دژمنان.
يا خودێ گونه‌هێت من ژێ ببه، و دلۆڤانيێ ب من ببه، و من راسته‌ڕێ بكه، و من سلامه‌ت بكه، و ڕزقێ من بده.
يا خودێ ئه‌ز داخوازێ ژ ته دكه‌م و ئه‌ز شاده‌يێ د ده‌م كو ب ڕاستى چو په‌رستييێت ڕاست ودورست و هه‌ژى نينن تو نه‌بى، تو ئه‌وى يێ هه‌مى هه‌وجه‌ى ته، و وه‌جا هه‌مىيان دقه‌تينى، و هه‌وجه‌ى كه‌سێ نه، كه‌س ژێ نه‌بوويه، و ژ كه‌سێ نه‌بوويى، و چو هه‌ڤكويف ژى بۆ نه‌يى.
ئه‌ز خودێ ژ هه‌مى كێماسييان پاك و پاقژ دكه‌م و ب هاريكارييا وى، ب هه‌ژمارا چێكريێت وى و هندى ئه‌و رازى و هندى عه‌رشێ وى و هندى په‌يڤێت وى.
يا خودێ ئه‌ز خۆ ب ته د پارێزم ژ هه‌ژاريێ و كێم خێريێ و شكه‌ستنێ و ئه‌ز خۆ ب ته دپارێزم كو ئه‌ز سته‌مێ بكه‌م يان سته‌م ل من بێته كرن.
يا خودێ خودايێ مه و خودايێ هه‌مى تشتان، ئه‌ز شاهدم ب ڕاستى تو تنێ خودايى و چو شريك و هوگر بۆ ته نينن، يا خودێ خودايێ مه و خودايێ هه‌مى تشتان، ئه‌ز شاهدم ب ڕاستى موحه‌مه‌د به‌نده‌يێ ته‌يه و پێغه‌مبه‌رێ ته‌يه، يا خودێ خودايێ مه و خودايێ هه‌مى تشتان، ئه‌ز شاهدم ب ڕاستى به‌نده هه‌مى برايێت ئێكن، يا خودێ خودايێ مه و خودايێ هه‌مى تشتان، من و كه‌س و كارێت من دهه‌مى ده‌ماندا د دنيا و ئاخره‌تێدا بۆ خۆ دلسوز و موخلس بكه، يا خودانێ مه‌زناتيێ و كه‌ره‌مان گولێ ببه و قه‌بويل بكه.
يا خودێ ئه‌ز خۆ ب ته دپارێزم ژ نه‌مانا كه‌ره‌مێت ته و ژ نه‌مانا سلامه‌تييا ته، و ژ هاتنا ئيزايا ته يا ژ نشكه‌كێڤه دئێت، و ژ هه‌مى كه‌ربا ته.
يا خودێ ئه‌ز خۆ ب ته دپارێزم ژ ركمانا هه‌قيێ و ژ دووروياتيێ و ژ بێ ئه‌خلاقيێ. يا خودێ ئه‌ز خۆ ب ته دپارێزم ژ برسێ ب ڕاستى ئه‌و پيسه حاله و ئه‌ز خۆ ب ته دپارێزم ژ خيانه‌تێ ب ڕاستى ئه‌و پيسه خسله‌تا نه‌دياره.
يا خودێ ئه‌ز خۆ ب ته دپارێزم ژ هه‌ر زانينه‌كا مفايى نه‌ده‌ت، و ژ هه‌ر دله‌كێ نه‌ترسيت و نه‌فسه‌كا تێر نه‌بيت، و ژ هه‌ر دوعايه‌كا نه‌ئێته قه‌بويلكرن. و ئه‌ز خۆ ب ته دپارێزم ژ كه‌ڕاتى و لالى يێ و خلته‌يى يێ، و ژ هه‌مى ئێشێت پيس.
يا خودێ دينێ من بۆ من بهێله كو ژ ده‌ست من نه‌چيت، و خانى يێ من بۆ من به‌رفره‌ه بكه، و به‌ره‌كه‌تێ بێخه ڕزقێ من، يا خودێ ئه‌ز خۆ ب ته دپارێزم ژ دلڕه‌قى يێ و بێ ئاگه‌هى يێ، و ژ ره‌زيلى و بێچاره‌يى يێ و ژ هه‌ژارى يێ، و ئه‌ز خۆ ب ته دپارێزم ژ گاورى و ژ ڕێده‌ركه‌ڤتنێ، و ژ خۆمه‌زنكرن و ڕويمه‌تى يێ.
هه‌ى ئه‌وێ هه‌ر ساخ و ڕێبه‌رێ هه‌مى كاروباران، هه‌مى كاروبارێت من ڕاست و دروست بكه و چاڤهه‌لاندن و دانانه‌كێ ژى من نه‌هێله ب هيڤى يا منڤه.
يا خودێ ئه‌ز خۆ ب ته دپارێزم ژ به‌لا و رێكا مرۆڤى دبه‌ته جه‌هنه‌مێ و ژ ئيزايا جه‌هنه‌مێ و ژ خرابييا زه‌نگينى و هه‌ژارييێ (خرابيا زه‌نگينييێ به‌خيلى و به‌ترانى و چرويكى و دفن بلندييه و ...هتد و خرابييا هه‌ژارييێ بێزارى و بێ ئومێدى و نه‌رازيبوونه ب قه‌ده‌رێ و ...هتد).
هه‌ى ئه‌وێ دلان وه‌ردگێڕى، دلێ من ل سه‌ر دينێ خۆ موكوم بكه، و دلێ من ل سه‌ر گوهدارييا خۆ موكوم بكه.
يا خودێ من ژ گرانى و زێده‌ييا به‌لايێ و ژ نه‌خۆشى گه‌هشتنێ و ژ قه‌زا و قه‌ده‌را نه‌خۆش و ژ كه‌يف ل سه‌رهاتنا دژمنان بپارێزه.
يا خودێ من راسته‌ڕێ بكه، و من ناڤنجى و دورستى خوازێ نه‌زێده‌كه‌ر و نه‌كێمكه‌ر رابگره.
يا خودێ ئه‌ز داخوازا راسته‌ڕێيێ و ناڤنجى و دورستى خوازيێ، بێ زێده‌كه‌رن و كێمكه‌رنێ ژ ته دكه‌م.
يا خودێ گونه‌ها من ژ زانين و ژ نه‌زانين كرى و زێده‌گاڤييا من د كار و بارێ مندا و يا تو پێ ژ من ب ئاگه‌هتر، ژێ ببه، يا خودێ گونه‌هێت من ب رژد و ب تڕانه‌ڤه و خه‌له‌تيڤه و ژ قه‌ستا كرين ژێ ببه، و ئه‌ڤه هه‌مى يێت ده‌ف من.
يا خودێ بۆ من بغه‌فرينه و ژێ ببه يا من ل پێشييا خۆ كرى، و يا من ب پاش خۆڤه هێلايى، و يا من ب به‌رزه‌ييڤه كرى و يا من ب ئاشكه‌رايى كرى، و يا تو پێ ژ من ب ئاگه‌هتر، نێ يێ ئێكێ و يێ دويماهييێ هه‌ر تويى، و تو ل سه‌ر هه‌مى تشتان يێ ده‌ستهه‌لاتدار و خودان شيانى.
يا خودێ ئه‌ز خۆ ب ته دپارێزم ژ نه‌چارى يێ و بێخێرى يێ و ژ قه‌لسى و ترسنۆكى يێ، و ئه‌ز خۆ ب ته دپارێزم ژ ده‌يندارى و بنده‌ستى يێ، و ئه‌ز داخوازا باشى يا دنيايێ و ئاخره‌تێ ژ ته دكه‌م هه‌ى دلۆڤانێ ژ هه‌مى دلۆڤانان دلۆڤانتر.
يا خودێ ئه‌ز خۆ ب ته دپارێزم ژ سنج و ئه‌خلاق و كار و كريار و دلخوازيێت خراب. (ئه‌خلاقێت خراب وه‌كى: خۆ مه‌زنكرن و حه‌سويدى و خيانه‌ت و... و كريارێت خراب وه‌كى: زنايێ و دزيێ و دره‌وێ و سه‌له‌فێ و هه‌مى كريارێت حه‌رام، و دلخوازيێت خراب وه‌كى ئنيه‌تێت نه‌دورست و راو بۆچۆنێت خراب).
يا خودێ به‌رێ من بده خێرا من و من ژ خرابييا نه‌فسا من بپارێزه.
يا خودێ ئه‌ز حه‌ژێكرنا ته ژ ته دخوازم و حه‌ژێكرنا وى يێ حه‌ژ ته دكه‌ت، و وى كار و كريارێ من دگه‌هينيته حه‌ژێكرنا ته، يا خودێ حه‌ژێكرنا خۆ ژ نه‌فسا من و مالا من و ژ ئاڤا سار ل ده‌ف من خۆشتڤيتر لێ بكه.
يا خودێ ئه‌ز خۆ ب ته دپارێزم ژ خرابيا من كرى و ژ خرابيا من نه‌كرى. يا خودێ ئه‌ز خۆ ب ته دپارێزم ژ خرابيا گوهێت خۆ و ژ خرابيا چاڤێت خۆ و ژ خرابيا ئه‌زمانێ خۆ و ژ خرابيا دلێ خۆ و ژ خرابى و دژوارييا شه‌هوه‌تا خۆ. يا خودێ ئه‌ز خۆ ب ته دپارێزم ژ به‌له‌كييێ و ديناتييێ و خلته‌ييێ، و ژ هه‌مى ئێشێت پيس.
يا خودێ ئه‌ز خۆ ب ته دپارێزم ژ نه‌چارييێ و بێخيره‌تييێ و ژ قه‌لسييێ و ژ پيراتييێ و ژ ئيزايا گۆڕى، يا خودێ: خودێ ترسييێ نيشا نه‌فسا من بده و پاقژ بكه، تو ژ هه‌مييان چێترى پاقژ بكه‌ى، تو سه‌ميان و خودانێ وێ يى.
يا خودێ د دنيايێدا باشىيێ ب ڕزقێ من بكه، و ل ئاخره‌تێ به‌حه‌شتێ ب ڕزقێ من بكه، و مه ژ ئيزايا ئاگرى بپارێزه.
يا خودێ تو مه بكه ژ مرۆڤێت خۆ سپارتى يه ته وخۆ ته‌سليمى ته كرى، و دوينده‌ها مه ژى بكه مله‌ته‌كێ خۆ سپارتى يه ته، و تۆبه‌يا مه قه‌بوول بكه، و ب ڕاستى هه‌ر تويى تۆبه‌وه‌رگر و دلۆڤان.
يا خودێ بێنفره‌هى يێ ب سه‌ر مه‌دا دارێژه و مه قاهيم بكه، و پى يێت مه موكوم بكه و ڕاگره، و مه ب سه‌ر گاوران بێخه.
يا خودێ مه بهيست و مه گوهدارى كر، ل مه ببۆره يا خودێ جهێ مه هه‌ر تويى، و دويماهى يا مه ئه‌وه يا ل ده‌ف ته.
يا خودێ ل مه نه‌گره ئه‌گه‌ر مه ژ بير كر يان ئه‌م خه‌له‌ت بوويين.
يا خودێ باره‌كێ هند گران ل مه نه‌كه وه‌كى وى يێ ته ل يێت به‌رى مه كرى (كو جوهى بوون)؛ يا خودێ وى بارى ل مه نه‌كه يێ ئه‌م نه‌شێين ڕاكه‌ين (هلگرين)، و ل مه ببۆره و گونه‌هێت مه ژێ ببه، و دلۆڤانى يێ ب مه ببه، تو پشته‌ڤانێ مه‌يى، و مه ب سه‌ر كۆما گاوران بێخه.
يا خودێ ، ب ڕاستى مه باوه‌رى ئينايى يه، گونه‌هێت مه ژێ ببه، و مه ژ ئيزا و نه‌خۆشى يا دۆژه‌هێ بپارێزه.
يا خودێ تو ژ نك خۆ دوينده‌هه‌كا پاقژ بده من، ب ڕاستى تويى دوعا وه‌رگر.
يا خودێ مه باوه‌رى ب يێ ته ئينايى يه خوارێ ئينا، و ئه‌م ب دويڤ پێغه‌مبه‌رى كه‌ڤتين و مه ڕێكا وى گرت، ڤێجا تو مه دگه‌ل شاهدان بنڤيسه (شاهدێت باوه‌ريێ ب ته و كتێب و پێغه‌مبه‌رێت ته دئينن، و شاده‌يى يێ بۆ يه‌كتايى يا ته دده‌ن).
يا خودێ ل گونه‌هێت مه و ل زێده‌گاڤى يا مه ببۆره، و مه قاهيم بكه (پێ يێت مه موكوم بكه و ڕابگره)، و مه ب سه‌ر مله‌تێ گاورا بێخه.
يا خودێ ته ئه‌ڤ جيهانه ژ قه‌ستا چێ نه‌كريه، پاكى ژ هه‌مى كێماسى يان هه‌ر بۆ ته‌يه، و ئه‌م ته ژ كێماسى يان و ژ چێكرنا ژ قه‌ستا و پويچ پاقژ دكه‌ين، يا خودێ تو مه ژ ئاگرێ دوژه‌هێ بپارێزه.
يا خودێ ب ڕاستى كه‌سێ تو بكه‌يه د ئاگريدا، ته ڕسوا و شه‌رمزار كر، و سته‌مكاران چو پشته‌ڤان و هاريكار نينن.
يا خودێ ب ڕاستى مه گولێ بوو، بانگهلدێره‌ك بۆ باوه‌ريئينانێ، يێ گازى دكه‌ت باوه‌رى يێ ب خودێ و پێغه‌مبه‌رى بينن، ڤێجا مه باوه‌رى ئينا، يا خودێ ل مه ببۆره و دانگێ ل سه‌ر گونه‌هێت مه بگره (ئانكوو ژێ ببه)، و خه‌له‌تى و خرابى يێت مه ژێ ببه، و مه دگه‌ل قه‌نجيكاران بمرينه (ئانكوو مه ژى ژ وان حسێب بكه، و مه ب هه‌ڤالينى يا وان شايى بكه).
يا خودێ چ په‌يمانا ته ل سه‌ر زمانێ پێغه‌مبه‌ران دايى، بده مه.
يا خودێ مه ڕسوا و شه‌مزار نه‌كه ڕۆژا قيامه‌تێ، ب ڕاستى تو ژ سۆزا خۆ لێڤه‌نابى.
يا خودێ مه باوه‌رى ب ته ئينا، ڤێجا تو مه ژ شاهدان بنڤيسه، شاهدێت باوه‌ريێ ب ته و كتێب و پێغه‌مبه‌رێت ته دئينن، و شاده‌يى يێ بۆ يه‌كتايى يا ته دده‌ن.
يا خودێ ب ڕاستى مه خۆ هلپه‌سارته ته، و مه پشتا خۆ ب ته موكوم كر؛ يا خودێ تو مه ب ده‌ستێت گاور و سته‌مكاران جه‌ڕبه نه‌كه‌ى، و مه نه‌ئێخى يه د بن ئيزا و ئه‌زيه‌تا وانڤه، كو مه ژ دينێ مه ڤه‌كه‌ن.
يا خودێ هه‌ر كاروباره‌كێ هه‌بيت ب ڕه‌نگه‌كێ تو پێ ڕازى، من پێ بكه و من بكه د ناڤدا، و هه‌ر كاروباره‌كێ هه‌بيت ب ڕه‌نگێ تو پێ ڕازى من ژێ ده‌ربێخه، و تو ژ ده‌ف خۆ من ب هێز بێخه و هاريكارى يا من بكه.
يا خودێ تو دلۆڤانى يه‌كێ ژ ده‌ف خۆ ب مه ببه، ل ئاخره‌تێ ل مه ببۆره، و مه ئێمن بكه ژ نه‌ياران، و ڕزقى ل ڤێ دنيايێ بده مه، و كارێ مه ڕاست بكه و ب ساناهى بێخه.
يا خودێ ب ڕاستى ژبلى ته چو په‌رستى نينن، پاكى و پاقژى ژ هه‌مى كێماسى يان هه‌ر بۆ ته‌يه، و من سته‌مكارى ل خۆ كر.
يا خودێ تو مه نه‌ئێخه دگه‌ل سته‌مكاران.
يا خودێ ئه‌ز خۆ ب ته دپارێزم ژ پالدان و زخاندن و وه‌سواسا شه‌يتانان.
يا خودێ مه باوه‌رى ئينا، ڤێجا ل مه نه‌گره، و گونه‌هێت مه ژێ ببه و دلۆڤانى يێ ب مه ببه، و تو چێترين دلۆڤانى.
يا خودێ گونه‌هان ژێ ببه و دلۆڤانى يێ ب مه ببه و تو چێترين دلۆڤانى.
يا خودێ تو وان هه‌ڤسه‌ر و وێ دوينده‌هێ بده مه، ئه‌وێت چاڤ پێ ڕۆن ببن و دل پێ ڤه‌هه‌سن؛ و تو مه بۆ پارێزكاران بكه پێشى و جهێ چاڤلێكرنێ د باشى يێدا.
يا خودێ ده‌ستێ من بگره، ئه‌ز شوكرا ته بكه‌م ل سه‌ر وان كه‌ره‌مێت ته دگه‌ل من و ده‌يبابێت من كرين، و ئه‌ز وان كار و كاريارێت قه‌نج بكه‌م ئه‌وێت تو ژێ ڕازى، و ب دلۆڤانى يا خۆ من ژ به‌نده‌يێت خۆ يێت باش حسێب بكه.
يا خودێ دلۆڤانى و زانينا ته هه‌مى تشت ڤه‌گرتين، ڤێجا گونه‌هێت وان ئه‌وێت تۆبه‌كرين و ڕێكا ته گرتين ژێ ببه، و وان ژ ئاگرێ دۆژه‌هێ بپارێزه.
يا خودێ ده‌ستێ من بگره و هاريكارى يا من بكه، ئه‌ز شوكرا ته بكه‌م له سه‌ر كه‌ره‌مێت ته دگه‌ل من و ده‌يبابێت من كرين، و ده‌ستێ من بگره و هاريكارى يا من بكه ئه‌ز وێ باشى يێ بكه‌م يا تو پێ ڕازى، و دوينده‌ها من بكه دوينده‌هه‌كا باش، و من به‌رێ خۆ دا ته و ئه‌ز ل به‌ر ئه‌مرێ ته يێ ڕاوه‌ستياييمه.
يا خودێ گونه‌هێت مه و برايێت مه يێت به‌رى مه باوه‌رى ئينايين ژێ ببه، و نه‌ڤيانا وان ئه‌وێت باوه‌رى ئينايين نه‌ئێخه د دلێت مه‌دا، و مه د ڕاستا واندا زكڕه‌ش نه‌كه، يا خودێ تو ميهره‌بان و دلۆڤانى.
يا خودێ مه نه‌ئێخه به‌ر ئيزايا سته‌مكاران، و وان ل سه‌ر مه سه‌رده‌ست نه‌كه، كو ب ئيزايه‌كا ژ تاقه‌تا مه زێده مه بجه‌ڕبينى، و ئه‌و بێژن ئه‌گه‌ر ئه‌و يێت هه‌ق بانه، ئه‌و ب سه‌رێ وان نه‌دهات. يا خودێ تو گونه‌هێت مه ژێ ببه، نێ ب ڕاستى سه‌رده‌ست و كاربنه‌جه هه‌ر تويى.
يا خودێ ڕۆناهى يا مه بۆ مه تمام بكه و گونه‌هێت مه ژێ ببه، ب ڕاستى تو ل سه‌ر هه‌مى تشتان خودان شيانى.
يا خودێ تو گونه‌هێت من ژێ ببه، و يێت ده‌يبابێت من، و هه‌ر كه‌سه‌كێ بێته د مالا مندا ژ خودان باوه‌ران، چ ژن چ مێر... و ژ زيانێ و هيلاكێ پێڤه‌تر نه‌ده به‌ر زۆردار و گاوران.
يا خودێ ئه‌ز داخوازێ ژ ته دكه‌م، هه‌مى حه‌مد و په‌سن بۆ ته‌بن چو خودايێت ڕاستو دورست نينن تو نه‌بى، تو خودان كه‌ره‌مى، دائينه‌رێ ئه‌رد و ئه‌سمانان، يا خودان مه‌زناتى و خودان كه‌ره‌م، يا يێ هه‌ر ساخ و راگر، ئه‌ز داخوازا خوراگرتنێ ل سه‌ر كارى وموكوميێ ل سه‌ر ڕاسته‌ڕێ يێ ژ ته دكه‌م، و ئه‌ز داخوازا هاريكاريا ته دكه‌م ل سه‌ر شوكرا نيعمه‌تێت ته و باش په‌رستنا ته.
يا خودێ ئه‌ز داخوازا دله‌كێ پاقژ و ئه‌زمانه‌كێ ڕاست ژ ته دكه‌م ، و ئه‌ز داخوازا وێ خێرێ ژ ته دكه‌م يا تو دزانى، و ئه‌ز خۆ ب ته د پارێزم ژ وێ خرابى يێ يا تو دزانى، و ئه‌ز داخوازا گونه‌ه ژێبرنێ ژ ته دكه‌م ژ وێ يا تو دزانى، و هه‌ر تويى زانايێ غه‌يبێ.
يا خودێ ئه‌ز داخوازا گونه‌هژێبنێ ژ ته دكه‌م ژ وێ يا تو دزانى، با خودێ ب زانينا ته يا غه‌يبێ و نه‌ديار و ب شيانا ته ل سه‌ر چێكرنێ، من ساخ بهێله، هندى تو بزانى ژيان بۆ من ب خێرتره، و من بمرينه هه‌كه تو ب زانى مرن بۆ من خێرتره .
يا خودێ ئه‌ز داخواز ترسا ته ژ ته دكه‌م د نه‌په‌نى و به‌رچاڤاندا، و ئه‌ز داخوازا گوتنا ڕاست و هه‌ق د كراسێ ڕازيبوون و كه‌ربگرتنێدا ژ ته دكه‌م، و ئه‌ز داخوازا ناڤنجيخوازيێ دهه‌ژارى و زه‌نگينيێدا ژ ته‌كه‌م ، و ئه‌ز داخوازا كه‌ره‌مه‌كێ ژ ته‌دكه‌م خلاس نه‌بيت، و ئه‌ز داخوازا دوينده‌هه‌كا باش و نه هێته برين ژ ته‌دكه‌م ، وئه‌ز داخوازا ڕازيبونێ پشتى هه‌ر قه‌زايه‌كا تو دكه‌ى ژ ته دكه‌م ، و ئه‌ز داخوازا ژيانه‌كا خوش پشتى مرنێ ژ ته دكه‌م، وئه‌ز داخوازا خوشيا به‌رێخودانا ته و حه‌زژيكرن و خه‌ريبيا راوه‌ستانا به‌ر ده‌ستێت ته ژ ته دكه‌م، و ئه‌ز خۆ ب ته دپارێزم ژ زيانه‌كا زيانكه‌ر و به‌لاَيه‌كا سه‌ردابر.يا خودێ مه ب جوانيا باوه‌ريێ جوانبكه و مه بكه راسته‌ڕێكه‌رێت راسته‌ڕێكرى.
يا خودێ تۆبه‌يا من قه‌بوول بكه و گونه‌هێت من بشۆ و دوعايێت من قه‌بوول بكه، و ئه‌زمانێ من ڕابگره و دلێ من ڕۆن بكه، و ئه‌زمانێ من ڕاست بكه و كه‌رب و كينا سينگێ من ده‌ربێخه.
ئه‌ز ته ژ هه‌مى كێماسييان پاك و پاقژ دكه‌م يا خودێ و ب هاريكارييا ته، چو خودا و په‌رستيێت ڕاستو دورست نين تو نه‌بى، يا خودێ ئه‌ز خۆ ب ڕازيبوونا ته ژ كه‌ربا ته دپارێزم و ب لێبۆرينا ته ژ ئيزايا ته، و ب ته ژ ئيزاياته، ئه‌ز نه‌شێم وه‌كى تو هه‌ژى په‌سنا ته بكه‌م ب ڕاستى تو يێ وه‌سايى وه‌كى ته خۆ دايه نياسين و په‌سنا خۆ كرى.
يا خودێ ئه‌ز داخوازا ژيانه‌كا پاقژ و مرنه‌كا خۆبه‌رهه‌ڤكرن بۆ هاتيه‌كرن و زڤرينه‌كا نه‌يا فهێت ونه‌يا شه‌رمزار ژ ته دكه‌م.
يا خودێ ئه‌ز داخوازا ڕاسته‌ڕێيى و ته‌قوا و پارێزكارى و ده‌همه‌ن پاقژى و بێمنه‌تى و زه‌نگينى يێ و دويماهيكا باش د دنيا و ئاخره‌تێدا ژ ته دكه‌م. و ئه‌م خو ب ته دپارێزين ژ شك و دوو دليێ و دژاتيێ و رويمه‌تيێ و ناڤخوازيێ ددينێ ته‌دا بكه‌م.
يا خودێ تو دلێت مه پشتى ته ئه‌م د ڕاستا ئايه‌تێت خۆدا ڕاسته‌ڕێ كرين، خوار نه‌كه؛ و ژ كنارێ خۆڤه دلۆڤانى يه‌كێ ب سه‌ر مه‌دا داڕێژه، ب ڕاستى هه‌ر تويى يێ تێر كه‌ره‌م.
يا خودێ گونه‌هێت من ژێ ببه و خانى يێ من بۆ من به‌رفره‌ه بكه، و به‌ره‌كه‌تێ بۆ من بێخه وى ڕزقێ تو دده‌يه من.
يا خودێ خودێ ترسى يێ نيشا نه‌فسا من بده و پاقژ بكه، تو ژ هه‌مى يان چێترى پاقژ بكه‌ى، تو سه‌ميان و خودانێ وێ يى.
يا خودێ ئه‌ز خۆ ب ته دپارێزم ژ پيراتى يێ، يا خودێ به‌رێ من بده باشترين كار وكريار و سنجان، ب ڕاستى كه‌س به‌رێ مرۆڤى ناده‌ته كار و ڕه‌وشتێ باش تو نه‌بى، و يا خودێ كار و ئه‌خلاقێ خراب ژ من بده پاش، ب ڕاستى كه‌س نينه وان ژ من بده‌ته پاش تو نه‌بى.
يا خودێ ئه‌ز خۆ ب ته دپارێزم ژ هه‌ر كاره‌كێ من شه‌رمزاركه‌ت و ئه‌ز خۆ ب ته دپارێزم ژ هه‌ر هه‌ڤاله‌كێ من بێشينيت و ئه‌ز خۆ ب ته دپارێزم ژ هه‌ر هيڤى و ئومێده‌كا من مژيلكه‌ت و ئه‌ز خۆ ب ته دپارێزم ژ هه‌رهه‌ژاريه‌كا من ژبيرڤه‌كه‌ت و ئه‌ز خۆ ب ته دپارێزم ژ هه‌رزه‌نگينيه‌كا من سه‌رداببه‌ت.
هه‌ى ئه‌وێ هه‌ر ساخ و ڕێبه‌رێ هه‌مى كاروباران، هه‌مى كاروبارێت من ڕاستو دروست بكه و چاڤهه‌لاندن و دانانه‌كێ ژى، من نه‌هێله ب هيڤى يا منڤه.
يا خودێ ئه‌ز داخوازێ ژ ته دكه‌م تو چێترين كار و كريارێت من بێخى يه دويماهى يا كار و كريارێت من، و چێترين ژى يێ من بێخى يه دويماهى يا ژى يێ من، و چێترين ڕۆژێت من بكه‌يه ئه‌و ڕۆژا ئه‌ز ل به‌ر ده‌ستێت ته ڕادوه‌ستم.
يا خودێ ئه‌ز داخوازا لێبورين و سلامه‌تى يێ بۆ دينێ خۆ و دنيايا خۆ و مالدارى يا خۆ ژ ته دكه‌م. يا خودێ من د له‌ش و چاڤ و گوهێت مندا سلامه‌ت بكه.
يا خودێ د دنيايێدا باشىيێ ب ڕزقێ من بكه، و ل ئاخره‌تێ به‌حه‌شتێ ب ڕزقێ من بكه، و مه ژ ئيزايا ئاگرى بپارێزه.
يا خودێ خه‌له‌تيێت من و گونه‌هێت من هه‌ميان ژێببه، يا خودێ هه‌ژاريا من چاره‌سه‌ربكه و من زه‌نگين بكه و به‌رێ من بده كاروكريار و توره و سنجێت باش، كه‌س به‌رێ مرۆڤى ناده‌ته سنجێت باش، و مروڤى ژ سنجێت خراب نا ده‌ته پاش تو نه‌بى، يا خودێ ئه‌ز داخوازا ڕزقه‌كێ حه‌لال وزانينه‌كا ب مفا وكاره‌كێ قه‌بويلكرى ژ ته دكه‌م.
يا خودێ ئه‌ز خۆ ب ته دپارێزم ژ برسێ ب ڕاستى ئه‌و پيسه حاله و ئه‌ز خۆ ب ته دپارێزم ژ خيانه‌تێ ب ڕاستى ئه‌و پيسه خسله‌تا نه‌دياره.
يا خودێ گونه‌هێت من هه‌ميان ژێ ببه: يێت بچويك و مه‌زن و يێت ئێكێ و دويماهيكێ و يێت ئاشكرا و به‌رزه.
يا خودێ ئه‌ز داخوازا هه‌مى خێر و باشى يان ژ ته دكه‌م، يا دوير و يا نێزيك يا ئه‌ز دزانم و يا ئه‌ز نه‌زانم؛ و ئه‌ز خۆ ب ته دپارێزم ژ هه‌مى خرابى يێ، يا دوير و يا نێزيك، يا ئه‌ز دزانم و يا ئه‌ز نه‌زانم. و ئه‌ز داخوازا وێ خێرێ ژ ته دكه‌م يا به‌نده‌يێ ته و پێغه‌مبه‌رێ ته (محمد) (سلاڤێت حودێ ل سه‌ربن) ژ ته خواستى تو ژێ بپارێزى.
يا خودێ ئه‌ز ب ناڤێ ته يێ مه‌زن، ئه‌وێ هه‌كه تو پێ هاتيه گازيكرن ته به‌رسڤدا، و هه‌كه پێ ژ ته هاته خوازتن، ته دا، ئه‌ز ژ ته دخوازم تو دلۆڤانى يه‌كێ ژ ده‌ف خۆ بده‌يه من دلێ من پێ دروست بكه‌ى، و كاروبارێت من پێ بگه‌هينى يه ئێك و پێ پرت و به‌لاڤان ل من كۆم بكه‌ى، و پێ كێماسى يێت من يێت نه‌ديار، دروست بكه‌ى، و كار و كريارێت من يێت ئاشكه‌را پێ قه‌بوول بكه‌ى، و ڕوى يێ من پێ سپى بكه‌ى، و من پێ پاقژ بكه‌ى، و من پێ سه‌رفه‌راز بكه‌ى و پێ به‌لايان ژ من بده‌يه پاش، و من پێ بپارێزى ژ هه‌مى خرابى يان.
يا خودێ باوه‌ريه‌كا ڕاستو دورست و باوه‌ريه‌كا موكوم وبێگومانا گاورى پشتى وێ نه‌يى بده من ، و دلۆڤانيه‌كێ د دنيا و ئاخره‌تێدا پێ ب گه‌همه بلنديا قه‌درێ ته ، يا خودێ ئه‌ز داخوازا سه‌ركه‌فتنێ ده‌مێ به‌رامبه‌ر ته دراوه‌ستين ژ ته دكه‌م، و ئه‌ز داخوازا دلۆڤانيا ته د قه‌دارا ته‌دا دكه‌م و ژيانا دلخۆشان ل ئاخره‌تێ، و قه‌درێ شه‌هيدان و هه‌ڤالينى و جيرانى يا پێغه‌مبه‌ران و سه‌ركه‌ڤتنا ل سه‌ر دژمنان.
يا خودێ من هه‌وجه‌ييا خو گه‌هانده ته و هه‌كه هزرا من بێزارببيت يا باشتر ب هه‌لبژێريت و كار و په‌رستنا من يا له‌وازبيت و هند نه‌بيت من بگه‌هينيته ياباش و ئه‌ز هه‌وجه‌ى دلۆڤانيا ته ببم ئه‌ز ژ ته دخوازم، يا ئه‌وێ هه‌وجوييان دقه‌تينى، و يا ئه‌وێ دلان ده‌رماندكه‌ى، كا چاوا تو ده‌ريايان ژيكڤه‌دكه‌ى و ژێك دده‌يه پاش و ناهێلى تێكه‌ل ببن، هوسا من ژ ئيزايا ئاگرى و نفرينا نه‌مانێ و ژ ئيزا گۆران بده‌پاش.
يا خودێ يا هزرا من بۆ بێزار ببيت و كار و په‌رستنا من بۆ له‌وازبيت و هند نه‌بيت من بگه‌هينيتێ و خوزيا من نه گه‌هشتبيتێ ژ وێ خێرا ته، ژڤان پێ دايه ئێك ژ به‌نده‌يێت خۆ يان ئه‌و خێرا تو ب ده‌يه ئێك ژ چێكريێت خۆ ئه‌ز ژ ته دخوازم و ئه‌ز داخوازا دلۆڤانيا ته دكه‌م يا خودانێ هه‌مى جيهانانان.
يا خودێ، مه بكه راسته‌ڕێكه‌رێت راسته‌ڕێكرى، نه يێت سه‌رداچويى و نه يێت سه‌ردابه‌ر، شه‌ركه‌ر بۆ دوژمنێت خۆ و ئاشتيخواز بۆ پشته‌ڤان و هاريكارێت دينێ خۆ ب حه‌ژێكرنا ته حه‌ژخه‌لكى بكه‌ين، و ژبه‌ر دوژمنيا ته دوژمنيا وى بكه‌ين يێ دژاتيا ته بكه‌ت ژ چێكريێت ته.
يا خودێ ئه‌ڤه دوعايه و قه‌بويلكرن ژته‌يه، يا خودێ ئه‌ڤه‌يه شيانا من و ب هيڤيا ته‌ينه، و پشت ب ته‌ڤه دهێته راستكرن، و چو بزاڤ و شيان و چو هێز نينن ب خودێ نه‌بن.
يا خودێ يا خودانێ دينێ موكم و فه‌رمانا دورست ئه‌ز داخوازا ئێمناتيێ ڕۆژا قيامه‌تێ و به‌حه‌شتێ ڕۆژا هه‌رمانێ دگه‌ل نێزيكێت ته و شاهدان ئه‌وێت شاده‌يى يێ بۆ يه‌كتايى يا ته دده‌ن ژ ته دكه‌م ، يێت داچه‌ميايى و سوجده‌بر و نڤێژكه‌ر و په‌يمانان ب جهدئينن، ب ڕاستى تو يێ دلۆڤان و حه‌ژێكه‌رى بۆ قه‌نجيكاران، و ب ڕاستى تو وێ دكه‌ى يا ته بڤێت. پاك وپاقژى ژ هه‌مى كێماسيان بۆ وى يێ ب هێز و شيانێ تابه‌تمه‌ند و يێ پێ سه‌رده‌ست ل سه‌ر هه‌مى خودان هێزان و پێ حوكمداريێ دكه‌ت، پاك و پاقژى ژ هه‌مى كێماسيان بۆ وى يێ بۆ كه‌سێ نه دورست بۆ وى نه‌بيت، پاك و پاقژى ژ هه‌مى كێماسيان بۆ خودانێ هێزێ و جوانيێ ، پاك و پاقژى ژ هه‌مى كێماسيان بۆ خودانێ شيان و كه‌ره‌مێ بيت، پاك و پاقژى ژ هه‌مى كێماسيان بۆ وى يێ زانينا هه‌مى تشتان هوير و گران دگريت و چو ل به‌ر به‌رزه‌نه‌بيت.
يا خودێ ڕۆناهيه‌كا مه‌زن بێخه د دلێ مندا، و ڕۆناهيه‌كا مه‌زن بێخه د گولێبونا مندا، و ڕۆناهيه‌كا مه‌زن بێخه د ديتنا مندا، و ڕۆناهيه‌كا مه‌زن بێخه د برچێ مندا، و ڕۆناهيه‌كا مه‌زن بێخه د پيستێ مندا، و ڕۆناهيه‌كا مه‌زن بێخه د گۆشتێ مندا، و ڕۆناهيه‌كا مه‌زن بێخه د دهه‌ستيكێت مندا، و ڕۆناهيه‌كا مه‌زن بێخه پێشيا من، و ڕۆناهيه‌كا مه‌زن بێخه پشت من، و ڕۆناهيه‌كا مه‌زن بێخه ره‌خێ من يێ راستێ، و ڕۆناهيه‌كا مه‌زن بێخه ره‌خێ من يێ چه‌پێ، و ڕۆناهيه‌كا مه‌زن بێخه هنداف من، و ڕۆناهيه‌كا مه‌زن بێخه بن من، يا خودێ ڕۆناهيێ ل من زێده‌كه و ڕۆناهيێ ل من مه‌زنكه و ڕۆناهيێ بده من.
يا خودێ تو پادشاه و مه‌لكى ب ڕاستى ژبلى ته چو په‌رستى نينن تو نه‌بى تو خودايێ منى و ئه‌ز به‌نده‌يێ ته‌مه ومن سته‌ما ل خۆ كرى و ئه‌ز ئعتيرافێ (دانپێدانێ) ب گونه‌هێت خۆ دكه‌م، ڤێجا گونه‌هێت من هه‌ميان ژێ ببه، ب راستى كه‌س گونه‌هان ژێ نابه‌ت تو نه‌بى.
له‌بێ دويف له‌بێ و هاريكاريا ته دويف هاريكاريا ته ل سه‌ر گۆهداريێ و خێر هه‌مى يا د ده‌ستێت ته‌دا، و خرابى بۆ ته ناهێته لێدان و هاريكاريا من ژ ته‌يه و ئه‌ز ژ ته‌مه، ب ڕاستى زڤرين و ره‌ڤين ژ ته نينه هه‌ر بۆ ده‌ف ته نه‌بيت، به‌ره‌كه‌ت و خێريت ته زێده‌بين و مه‌زنياته بلندبو، و ل سه‌ر هه‌مى تشتان ئاشكرابو، و ئه‌ز داخوازا گونه‌ه ژێبرنێ ژ ته دكه‌م و ته‌وبه دكه‌مه ته.
ياخودێ من خۆ سپارته ته و من خۆ ته‌سليمى فه‌رمانا ته كر، و من به‌رێ دلێ خۆ و ئاره‌سته‌يا خۆ دا ته (يان مه‌خسه‌دا من ب په‌رستنا من توى)، و من كار و بارێت خۆ ب هيڤييا ته‌ڤه هێلان، و من پشتا خۆ ب ته گه‌رم كر و ڕاستكر، د هيڤييێت دلۆڤانييا ته‌دا و ترسێت ئيزايا ته‌دا، ب ڕاستى زڤرين و ره‌ڤين ژ ته نينه هه‌ر بۆ ده‌ف ته نه‌بيت، من باوه‌رى ب وێ كتێبا ته ئينايه خوارێ و ب پێغه‌مبه‌رێ ته هنارتى ئينا. و من خودێ مه‌زن، مه‌زن دانا و هه‌مى سوپاسى بۆ خودێ سوپاسييه‌كا گه‌له‌ك، و سپێده و ئێڤاران پاك و پاقژى ژ كێماسييان بۆ خودێ بن.
ياخودێ مه ب راسته‌ڕێكرنێ راسته رێ بكه، و ب خودێ ترسىيێ مه جوان بكه، و گونه‌هێت مه د دنيا و ئاخره‌تێدا ژێ ببه، يا خودێ ئه‌ز ژ كه‌ره‌ماته و دانا ته ڕزقه‌كێ حه‌لال و ب به‌ره‌كه‌ت ژ ته دخوازم، يا خودێ ته ئه‌مرى ب دوعاكرنێ كرى، و قه‌بويلكرن ته ل سه‌ر خودانا، و تو ژ ژڤانا خۆ لێڤه‌نابى و په‌يمانا خۆ دره‌و ناده‌رێخى، ياخودێ هه‌ر خێرا تو حه‌ژێبكه‌ى ل به‌رمه شرين بكه، و بۆ مه ساناهى بكه، و هه‌ر تشتێ ته نه‌ڤيا ل به‌ر مه ره‌شكه و مه ژێ دويربێخه، و ئێسلامێ ژ مه نه‌ستينه پشتى ته دايه‌مه.
يا خودێ ب ڕاستى من گه‌له‌ك سته‌ما ل خۆ كرى و كه‌س گونه‌هان ژێ نابه‌ت تو نه‌بى، تو ژ ده‌ف خۆ و ژ كه‌ره‌ما خۆ بۆ من ژێ ببه، (هه‌كه چ من رێكێت گونه‌ه ژێبرنێ ژى نه‌گرتبن و هه‌ژى ژى نه‌بم) و دلۆڤانيێ ب من ببه ب ڕاستى تو يێ گونه‌ه ژێبه‌ر و دلۆڤانى.
يا خودێ ب ڕاستى ژبلى ته چو په‌رستى نينن، پاكى و پاقژى ژ هه‌مى كێماسى يان هه‌ر بۆ ته‌يه، و من سته‌مكارى ل خۆ كر.
خودايێ من تو خودايى ئه‌وێ چو خودێ و په‌رستى يێت ڕاستو دورست نه، تو نه‌بى، خودايێ من هاريكاريا من بكه و هاريكارىيێ ل سه‌ر من نه‌كه، و من سه‌ربێخه و كه‌سێ ب سه‌ر من نه ئێخه، و به‌رێ من بده وێ رێكا ئه‌ز پێ ب شێمه نه‌يارێ خۆ و به‌رێ وى نه‌ده وێ رێكا ئه‌و پێ ب شێته من، و به‌رێ من بده ڕێكا ڕاست و ڕێكا ڕاست بۆ من ب ساناهى بێخه، و من ب سه‌ر وى بێخه يێ سته‌م و ته‌عدايى ل من كرى، يا خودێ من بكه شكوردار بۆ خۆ، و زكركه‌ر بۆ خۆ، و زێده گوهدار بۆ خۆ، و خۆ شكه‌ستى بۆ خۆ، و دل ب ئێش ژ ترساندا و تۆبه‌كار بۆ خۆ،
يا خودێ من بكه زێده زكركه‌ر بۆ خۆ، و زێده شوكردار بۆ خۆ، و زێده گوهدار بۆ خۆ.
خودايێ من تۆبه‌يا من قه‌بوول بكه و گونه‌هێت من بشۆ و دوعايێت من قه‌بوول بكه، و من هجه‌ت و به‌لگه بنه‌جه بكه و ئه‌زمانێ من ڕابگره و دلێ من ڕۆن بكه، و ئه‌زمانێ من ڕاستبكه و كه‌رب و كينا سينگێ من ده‌ربێخه. يا خودێ ناڤدا و نهێنيا من ژ سه‌رڤه‌يا من باشتر لێكه، و سه‌رڤه‌يا من باشكه.
يا خودێ ئه‌ز داخوازا وى كێرهاتيا د ده‌يه خه‌لكى ژ ته دكه‌م، ژ مال و كه‌س و كار و عه‌يالێ نه‌يێ سه‌رداچوى و نه‌يێ سه‌ردابر. يا خودێ لێبورينا ته ژ گونه‌هێت من به‌رفره‌هتره، و دلۆڤانيا ته ده‌ف من ژ كارێ من ب هيڤيتره.
يا خودێ شه‌ره‌فا من بپارێزه و ترسا من ئێمن بكه و ده‌ينێ من ئه‌داكه، يا خودێ دويما هيكا من د هه‌مى كاروباراندا باش بكه، و من ژ شه‌رمزارى يا دنيايێ و ئيزايا ئاخره‌تێ بپارێزه. يا خودێ مه ڕۆژا قيامه‌تێ ره‌زيل نه‌كه، و ڕۆژا هه‌ڤديتنێ من شه‌رمزار نه‌كه.
يا خودێ من ب زانينێ زه‌نگين بكه، و من ب نه‌رم و حه‌ليميێ بخه‌ملينه، و ب خودێ ترسيێ من بقه‌دربێخه، و ب ساخله‌ميێ من جوان بكه.
يا خودێ ب هێز و شيانا خۆ من سلامه‌ت بكه، و من بكه د دلۆڤانيا خۆدا، و من ل سه‌ر گوهداريا خۆ بمرينه، و ب خێرێ كارێ من دويماك بينه و ب سه‌رده‌رك بكه، و بهايێ وێ بكه به‌حه‌شت.
يا خودێ هند ترسا خۆ ب ڕزقێ مه بكه، خۆ ژ نه‌گوهدارىيا ته بده‌ينه پاش، و هند گوهدارىيا خۆ ب ڕزقێ مه بكه مه بگه‌هينيته به‌حه‌شتا ته، و هند باوه‌رى يا ڕاست و دورست ب ڕزقێ مه بكه ئاتاڤ و نه‌خۆشى يێت دنيايێ ل سه‌ر مه سڤك بكه‌ت، و مه ب چاڤ و گوه و هێزێ خۆش بكه هندى تو مه بهێلىيه ساخ، و ڤان دوعايان و ڤان داخوازان بده وێرسێت مه، و مه ب سه‌ر وى بێخه يێ دژمناهىيا مه دكه‌ت، و دنيايێ نه‌كه مه‌زنترين خه‌ما مه و نه‌كه دويماهىيا زانينا مه, و نه‌خۆشىيا مه مه‌كه د دينێ مه‌دا و كه‌سێ ب گونه‌هێت نه ل سه‌ر مه زال نه‌كه، كو نه ژ ته بترسيت و نه ڕه‌حمێ و دلۆڤانى يێ ب مه ببه‌ت.
يا خودێ ئه‌ز داخوازا راسته‌رێكرنێ ژ ته دكه‌م دا كاروبارێت خۆ دورست كه‌م، و ئه‌ز خۆ ب ته دپارێزم ژ خرابيا نه‌فسا خۆ. يا خودێ ئه‌ز خۆ ب رويێ ته يێ پيروز و ب ناڤێ ته يێ مه‌زن ژ گاوريێ و هه‌ژاريێ د پارێزم.
يا خودێ من ب سه‌ر وێ بێخه يێ ته‌عدايى ل من كرى، و تولێت من ژ وى ڤه‌كه يێ سته‌م ل من كرى، و من دله‌شێ مندا ساخله‌م بكه و من ب چاڤ و گوهێ من خۆش بكه، و بۆ من سلامه‌ت بكه هه‌تا ئه‌ز دمرم.
يا خودايێ جبريل و ميكائيلى و خودايێ ئيسرافيلى، ئه‌ز خۆ ب ته دپارێزم ژ گه‌رميا ئاگرى و ژ ئيزايا گۆڕى.
يا خودێ گونه‌هێت مه ژێ ببه و دلۆڤانيێ ب مه ببه و ژ مه ڕازي به و ژ مه قه‌بويل بكه و مه ببه به‌حه‌شتێ و مه ژ جهنه‌مێ بپارێزه و هه‌مى كاروبارێت مه بۆ مه دورست بكه. يا خودێ ل گونه‌هێت من وخه‌له‌تيا من و قه‌ستا من ببوره.
يا خودێ ئه‌ز خۆ ب ته دپارێزم ژ كه‌راتى و لاليێ و ئه‌ز خۆ ب ته دپارێزم ژ گونه‌هێ و ده‌ينداريێ و ئه‌ز خۆ ب ته دپارێزم ژ خه‌مێ و ئه‌ز خۆ ب ته دپارێزم ژ مرنا زێده‌پيراتيێ و ئه‌ز خۆ ب ته دپارێزم ژ مرنا بن هه‌رفتنێ و ئه‌ز خۆ ب ته دپارێزم ژ برسێ ب راستى ئه‌و پيسه حاله و ئه‌ز خۆ ب ته دپارێزم ژ خيانه‌تێ ب راستى ئه‌و پيسه خسله‌تا نه‌دياره.
يا خودێ ئه‌ز خۆ ب ته دپارێزم ژ هه‌رفتنێ و ئه‌ز خۆ ب ته دپارێزم ژ كه‌فتنێ و ئه‌ز خۆ ب ته دپارێزم ژ خه‌مێ و ژ خه‌ندقاندنێ و ژ سوتنێ و ژ پيراتيێ، و ئه‌ز خۆ ب ته دپارێزم شه‌يتان ل به‌رمنێ من سه‌رداببه‌ت، و ئه‌ز خۆ ب ته دپارێزم ئه‌ز ره‌ڤى دريكا ته‌دا بمرم، و ئه‌ز خۆ ب ته دپارێزم پێڤه‌داى بمرم.
يا خودێ ئه‌ز ب رويێ ته يێ پيروز و ب فه‌رمانا ته يا مه‌زن ژ ته دخوازم تو من ژ ئاگرى و گاوريێ و هه‌ژاريێ بپارێزى.
يا خودێ ئه‌ز داخوازا زانينه‌كا ب مفا و كاره‌كێ قه‌بويلكرى ژ ته دكه‌م. يا خودێ مفاى ل من بكه ب وێ يا ته نيشا من داى، و وێ نيشا من بده يا مفاى ل من بكه‌ت.
يا خودێ ئه‌ز داخوازا باوه‌ريه‌كا به‌رده‌وام و راسته‌رێكرنه‌كا بنه‌جه و زانينه‌كا مفادار ژ ته دكه‌م.
يا خودێ ئه‌ز خۆ ب ته دپاريزم دخه‌مادا يان دكوڤانادا بمرم، و ئه‌ز خۆ ب ته دپارێزم خه‌ندقى بمرم.
يا خودێ يا ته دايه من ژ وێ يا تو حه‌ژێدكه‌ى بۆ من بكه هێز بۆ وى تشتێ ته بڤێت، و يا ته ژ من ڤه‌گرتى ژ وى تشتى ئه‌ز حه‌ژێدكه‌م بۆ من بكه رێكه‌ك ئه‌ز مژويلى وى تشتى بم يێ تو حه‌ژيدكه‌ى.
يا خودێ وێ بده من يا ئه‌ز حه‌ژێدكه‌م و خێر بكه، و تشتێ ئه‌ز حه‌ژێ نه‌كه‌م ژ من بده‌پاش، و گوهداريا خۆ ل به‌ر من شرين بكه، و نه‌گوهداريا خۆ ل به‌ر ره‌شكه.
يا خودێ سه‌رفه‌رازيا من بده بۆ تشتێ ته بڤێت و تو پێ ڕازى ژ گۆتن و كار و كريار و ئنيه‌تێ و راسته‌رێ يێ، ب ڕاستى تو ل سه‌ر هه‌مى تشتن خودان شيانى.
يا خودێ ژ كه‌ره‌ما خۆ ڕزقێ من بكه، و من ژ ڕزقێ خۆ بێبار نه‌كه، و بۆمه به‌ره‌كه‌تێ بێخه وى تشتێ تو ب ڕزقێ مه دكه‌ى، و زه‌نگينيا مه بێخه د دلێ مه‌دا، و دلێ مه بێخه سه‌ر ئه‌وا ل ده‌فته.
يا خودێ ئه‌ز داخوازا رێكێت دلۆڤانييا ته پێدڤى دكه‌ن و كار و بارێت دبنه ئه‌گه‌رێ لێبۆرينا ته و سلامه‌تييێ ژ هه‌ر گونه‌هه‌كا هه‌بيت، و زێده‌كرنێ ژ هه‌ر خێره‌كا هه‌بيت و گه‌هشتنا به‌حه‌شتێ و رزگاربوونێ ژ جه‌هنه‌مێ ژ ته دكه‌م.
يا خودێ ئه‌ز خۆ ب ته دپارێزم ژ نه‌مانا كه‌ره‌مێت ته و ژ نه‌مانا سلامه‌تى يا ته، و ژ هاتنا ئيزايا ته يا ژ نشكه‌كێڤه دئێت، و ژ هه‌مى كه‌ربا ته
خودێ به‌رێ من بده خێرا من و من ژ خرابييا نه‌فسا من بپارێزه.
يا خودێ حه‌ژێكرنا خۆ ده‌ف من ژ هه‌مى تشتان خۆشتڤيتر لێ بكه، و ترسا خۆ ده‌ف من ژ هه‌مى تشتان ب ترستر لێ بكه، و هه‌وجه‌يێت دنيايێ ژ من ڤه‌گره ب خه‌ربيا هه‌ڤديتنا ته و راوه‌ستيانا به‌رده‌ستێت ته، وهه‌كه ته چاڤێت خه‌لكێ دنيايێ ژ دنيايێ تێر و خوشكرن، چاڤێ من ژ په‌رستنا خۆ خوش بكه.
يا خودێ من ب ئيسلامێ رونشتى بپارێزه و من ب ئيسلامێ درێژكرى بپارێزه، و كه‌يفا نه چو دوژمنان و نه چو حه‌سيدان ب من نه‌ينه، و ئه‌ز خۆ ب ته دپارێزم ژ خرابيا تشتێ بن ده‌ستێ ته، و ئه‌ز داخوازيا وێ خێرێ دكه‌م يا د ده‌ستێ ته‌دا.
يا خودێ خه‌له‌تيا من و قه‌ستايا من و ترانا من و رژديا من ژێ ببه، و من ژ به‌ره‌كه‌تا تشتێ ته دايه من بێبار نه‌كه، و من نه ئێخه دگونه‌هێدا د وى تشتێدا يێ ته ئه‌ز ژێ بێباركريم
يا خودێ ئه‌ز داخوازا به‌حه‌شتێ ژ ته دكه‌م و هه‌ر تشتێ مرۆڤى نێزيكى به‌حه‌شتێ دكه‌ت ژ گۆتن و كرياران؛ و ئه‌ز خۆ ب ته دپارێزم ژ جه‌هنه‌مێ و هه‌ر تشتێ مرۆڤى نێزيكى وێ دكه‌ت ژ گۆتن و كرياران، و ئه‌ز داخوازێ ژ ته دكه‌م هه‌ر قه‌زايه‌كا ته بۆ من نڤيسى يا خێرێ بيت.
يا خودێ من ب حه‌لالێ خۆ ژ حه‌رامێ خۆ بێ منه‌ت بكه، و من ب كه‌ره‌ما خۆ ژ غه‌يرى خۆ بێ منه‌ت بكه.
يا خودێ ئه‌ز به‌نده‌يێ ته‌مه و كورێ به‌نه‌يێ ته‌مه و كورێ به‌نده‌يا ته‌مه ئه‌ز يێ د ده‌ستێ ته‌دا، و سه‌رگوليا من يا د ده‌ستێ ته‌دا، فه‌رمانا ته ل سه‌ر من يا چويى يه، و قه‌ده‌را ته د راستا مندا يا عادله، يا خودێ ئه‌ز ب هه‌مى ناڤێت ته، ئه‌وێت ته خۆ پێ ناڤكرى، داخوازێ ژ ته دكه‌م يان ئه‌و ناڤێت ته نيشا به‌نده‌يه‌كێ ژ به‌نده‌يێت خۆدايين، يان ئه‌وێت ته د كتێبه‌كێ ژ كتێبێت خۆدا ئينايينه خوار يان ئه‌وێت ته ل ده‌ف خۆ د علمێ غه‌يبێدا هێلايين و نيشا كه‌سێ نه‌دايين تو قورئانێ بكه‌يه بهارا دلێ من و ڕۆناهى يا چاڤێت من، و كول و كۆڤانێت من پێ ڤه‌ڕه‌ڤينى و نه‌هێلى.
يا خودێ تو خودانێ منى، ژ به‌لى ته من چو خودان نينن، ته ئه‌ز يێ چێكريم و ئه‌ز به‌نده‌يێ ته‌مه، و ئه‌ز يێ ل سه‌ر وێ سۆز و په‌يمانا ته ژ مه وه‌رگرتى، هندى ئه‌ز بشێم، ئه‌ز خۆ ب ته دپارێزم ژ خرابييا من كرى، و ئه‌ز كه‌ره‌مێت ته ل سه‌ر خۆ ئاشكه‌را دكه‌م و ئه‌ز ئعتيرافێ و دانپێدانێ ب گونه‌هێت خۆ ژى دكه‌م، ڤێجا گونه‌هێت من ژێ ببه، ب ڕاستى كه‌س گونه‌هان ژێ نابه‌ت تو نه‌بى.
يا خودێ ئه‌ز داخوازا هه‌مى خێر و باشى يان ژ ته دكه‌م، يا دوير و يا نێزيك يا ئه‌ز دزانم و يا ئه‌ز نه‌زانم؛ و ئه‌ز خۆ ب ته دپارێزم ژ هه‌مى خرابى يێ، يا دوير و يا نێزيك، يا ئه‌ز دزانم و يا ئه‌ز نه‌زانم. و ئه‌ز داخوازا وێ خێرێ ژ ته دكه‌م يا به‌نده‌يێ ته و پێغه‌مبه‌رێ ته (محمد) (سلاڤێت حودێ ل سه‌ربن) ژ ته خواستى تو ژێ بپارێزى.
يا خودێ من ژ وان بدانه يێت هه‌كه كاره‌كێ باشكر ژ دل بۆ ته بكه‌ن، و هه‌كه خرابى كر داخوزا گونه‌هژێبرنێ كرن، يا خودێ خيرا مه و باشيا مه زێده‌كه و كێمنه‌كه، و مه ب رويمه‌ت بێخه و مه نه‌شكێنه، و خێرێ ب ده‌مه و ژ مه نه ڤه‌گره، و مه بۆ دلۆڤانيا خۆ هه‌لبژێره و كه‌سێ ل سه‌ر مه نه هه‌لبژێره وى ب رويمه‌ت بێخێ و مه بشكێنێ، و مه ب قه‌ده‌را خو و ب تشتێ ته بۆ مه نڤيسى ڕازي بكه و ژ مه ڕازى به.
يا خودێ ئه‌ز خۆ ب ته دپارێزم ژ هه‌ر زانينه‌كا مفايى نه‌ده‌ت، و ژ هه‌ر دله‌كێ نه‌ترسيت و نه‌فسه‌كا تێر نه‌بيت، و ژ هه‌ر دوعايه‌كا نه‌ئێته قه‌بوولكرن ئه‌ز خۆ ب ته، ژ ڤان هه‌رچاران دپارێزم.
ياخودێ من خۆ سپارته ته وخۆ ئێخسته بن فه‌رمانێت ته، و باوه‌رى ب دورستى ب ته ئينا، و من پشتا خۆ ب ته گه‌رم كر، و ئه‌ز ب گوهدارى و په‌رستنێ زڤريمه ته، و ب ته هه‌ڤركيا نه‌يار و نه‌حه‌زێت دينى دكه‌م، ياخودێ ئه‌ز خۆ ب هێز و قووه‌تا ته دپارێزم چو خودا و په‌رستى نينن تو نه‌بى تو من رێ به‌رزه بكه‌ى، تو هه‌ر يێ ساخى، و نه‌مرى، و ئه‌جنه و مرۆڤ دمرن، يا خودێ دينێ من بۆ من ڕاست و دروست بكه ئه‌وێ پاراستنا من تێدا، و دنيا من بۆ من خۆش بكه ئه‌وا ژيارا من تێدا، و ئاخره‌تا من باش بكه ئه‌وا ڤه‌گه‌ڕيانا من تێدا، و ژيانێ بۆ من بكه ئه‌گه‌رێ هندێ هه‌مى خێر ل من زێده ببن، و مرنێ بۆ من بكه ڕحه‌تى ژ هه‌مى خرابى يان.
يا خودێ ئه‌ز خۆ ب ته دپارێزم ژ ڕۆژا خراب و ژ شه‌ڤا خراب، و ژ هه‌ڤالێ خراب و ژ جيرانێ خراب دجهێ ئاكنجيبونێدا.
يا خودێ ده‌رگه‌هێت دلێ من بۆ زكر و بيرئينا خۆ ڤه‌كه، و گوهداريا خۆ و گوهداريا پێغه‌مبه‌رێ خۆ و كاركرن ب قورئانا خۆ ب ڕزقێ من بكه.
يا خودێ ئه‌ز داخوازا با وه‌ريه‌كێ ژ ته دكه‌م دگه‌ل دلێ من تێكه‌ل ببيت، و باوه‌ريكا راست و دورست و بێگومان، هه‌تا ئه‌ز بێگومان بزانم يا ته بۆ من نه نڤيسى نا گه‌هيته من، و من ب ژيارێ ئه‌و قه‌ده‌را ته بۆ من نڤيسى ڕازيكه.
يا خودێ دلۆڤانيێ ب من ببه ب ساناهيكرنا هه‌ر زحمه‌ته‌كا هه‌بيت، ب راستى سانهيكرنا هه‌ر هه‌ر زحمه‌ته‌كا هه‌بيت ده‌فته يا ب ساناهىيه، و ئه‌ز داخوازا ساناهيێ و هه‌ڤلێبورينێ د دنيا و ئاخره‌تێدا ژ ته‌دكه‌م. (ئه‌ز ل خه‌لكى ب بورم و خه‌لك ل من ببوريت و حه‌قێ كه‌سێ ل سه‌ر من نه مينيت د دنيا و ئاخره‌تێدا).
يا خودێ حه‌جه‌ك بيت رويمه‌تى و ناڤخوازى تێدا نه‌بيت، يا خودێ حه‌جه‌ك بيت رويمه‌تى و ناڤخوازى تێدا نه‌بيت، يا خودێ حه‌جه‌ك بيت رويمه‌تى و ناڤخوازى تێدا نه‌بيت.
يا خودێ گونه‌هێت حه‌جى ژێ ببه و يێ حه‌جى داخوازا گونه‌هژێبرنێ بۆ دكه‌ت.
يا خودێ من زێده شوكردار و زێده سه‌بركێش بكه و من دچاڤێ مندا بچيك بكه و دچاڤێ خه‌لكيدا مه‌زن بكه.
يا خودێ خودايێ جبريل و ميكائيل و ئيسرافيل موحه‌ممه‌دى ئه‌م خۆ ب ته دپارێزين ژ ئاگرى.
يا خودێ من قه‌له‌نده‌ر بهێله و من قه‌له‌نده‌ر بمرينه و من ل گه‌ل كوما قه‌له‌نده‌ران كوم بكه.
يا خودێ هه‌ر ئێكێ ب تشته‌كێ ژ كارێ موسلمانان رابيت، و ل سه‌ر وان گرانكه‌ت، تو ل سه‌ر وى گرانكه، و هه‌ر ئێكێ ب تشته‌كێ ژ كارێ موسلمانان رابيت، و ل سه‌ر وان سڤك بكه‌ت، تو ل سه‌ر وان و ل سه‌ر وى سڤك بكه.
يا خودێ هاريكاريا من ل سه‌ر گرانى و نه‌خۆشيا مرنێ و ل سه‌ر سه‌كه‌راتێت مرنێ بكه.
يا خودێ گونه‌هێت من ژێ ببه، و خانيێ من به‌رفره‌هبكه، و به‌ره‌كه‌تێ يێخه ڕزقێ من.
يا خودێ تو نه په‌رستىيه‌كێ مه خوازتبيت هه‌بيت، و نه خودايه‌كى مه چێكربيت، و نه مه به‌رى ته چو په‌رستى هه‌بون ئه‌م خو ب گه‌هينينێ، و كه‌سێ هاريكاريا ته ل سه‌ر چێكرنا مه نه‌كريه ئه‌م بۆ ته بكه‌ينه شريك، به‌ره‌كه‌ت و خێريت ته زێده‌بين و مه‌زنياته بلندبو.
يا خودێ ته چاوا چێكرنا من باشكريه وه‌سا تور و سنجێ من ژى باش بكه.
يا خودێ به‌رفره‌هترين ڕزقێ خۆ بۆ من بێخه ده‌مێ ژىيێ من مه‌زن دبيت و دوماهيك دهێت.
يا خودێ ئه‌ز داخوازا پاك و پاقژى و لێبورين و سلامه‌تيێ د دنيا خۆدا و د دينێ خۆدا و د مالاَ خۆدا و د مالێ خۆدا ژ ته دكه‌م. يا خودێ شه‌رمينگه‌ه و ناميسا من بپارێزه و ترسا من ئێمن بكه و من ژ به‌رسينگێ منڤه و ژ پشت منڤه و ژ چه‌پێ منڤه و ژ راستێ منڤه بپارێزه، و ئه‌ز خۆ ب ته دپارێزم من هاي ژ خۆ نه بن منڤه بێمه هيلاكبرن.
يا خودێ ئه‌ز ب ناڤێ ته يێ پاك و پاقژ و پيروز يێ خوشتڤيتر بۆ ته ئه‌وێ هه‌كه دوعا پێ ژ ته هاته‌كرن ته قه‌بويلكر و هه‌كه خوازتن پێ ژ ته هاته‌كرن ته دا و هه‌كه دلۆڤانى پێ ژ ته هاته خوازتن ته دلۆڤانى پێ دا و هه‌كه رزگاربون ژ به‌رته‌نگيان پێ ژ ته هاته خوازتن ته ژ به‌رته‌نگيێ ئينا ده‌ر ژ ته دخوازم.
يا خودێ خه‌مد و په‌سن بۆ ته‌بن هه‌روه‌كى ئه‌م دبێژين و باشتر ژ يا ئه‌م دبێژين، يا خودێ نڤێژا من و ڤه‌كوژتنا من و ژيانا من و مرنا من بۆ ته‌يه، و زڤرينا من بۆ ده‌ف ته‌يه، يا خودێ ئه‌ز خۆ ب ته دپارێزم ژ ئيزايا گۆڕى و وه‌سواسا دلى و پرت و به‌لاَڤيا كاروباران، يا خودێ ئه‌ز داخوازا تشتێ باش يێ هره‌با دئينيت ژ ته دكه‌م، و ئه‌ز خۆ ب ته دپارێزم ژ تشتێ خراب يێ هره‌با دئينيت.
يا خودێ ئه‌ز داخوازا سلامه‌تيێ و ده‌همه‌نپاقژيێ و ئه‌ميناتيێ و باش سنجىيێ و ڕازيبونا ب قه‌ده‌رێ ژ ته دكه‌م.
يا خودێ ئه‌ز داخوازا هاريكارى و ساناهيكرنێ بۆ تشتێ تو حه‌ژێدكه‌ى ژ كاروكرياران و ته‌وه‌كولا راست و دورست ل سه‌ر ته و هزرا باش ب ته ژ ته دكه‌م
يا خودێ وه‌ل من بكه ئه‌ز هند ژ ته ب ترسم هه‌روه‌كى ئه‌ز ته دبينم، و من ب ترسا خۆ دلخوش كه، و من ب نه‌گوهداريا خۆ، دلنه‌خوش نه كه، و يا باش ژ قه‌زايا خۆ بده من و به‌ره‌كه‌تێ بۆ من بێخێ، هه‌تا ئه‌ز نه حه‌ژ له‌زلێكرنا وێ ب كه‌م يا ته گيروكر و نه گيروكرنا وێ يا ته له‌زلێكر، و زه‌نگينيا من بێخه د دلێ مندا، و من ب گوهێ من و ب چاڤێ من خوش بكه، و بۆ من ساخله‌م بهێله هه‌تا دمرم و من ب سه‌ر وى بێخه يێ سته‌م ل من كرى، و تولێت من ژ وى نيشا چاڤێت من بده، و چاڤێت ب هندێ رون بكه.
يا خودێ دلێ من ژ دوورويياتيێ و كارێ من ژ رويمه‌تيێ و ئه‌زمانێ من ژ دره‌وێ و چاڤێ من ژ خيانه‌تێ پاقژ بكه، ب راستى تو خيانه‌تا چاڤان به‌رێخۆدانا ب دزى و نهێنيڤه و يا د دل ڤه‌دشێرن دزانى.
يا خودێ دوو چاڤێت روندك رێژ ب رزقێ من بكه، ب رێژتنا روندكان ژ ترسێت ته‌دا دلێ من پاقژبكه‌ن، به‌رى روندك ببنه خوين و ددان ببنه په‌ل.
يا خودێ ئه‌ز خۆ ب ته دپارێزم ژ هه‌ڤالێ فێلباز : چاڤێت وى من هه‌ڤال ببينن و دلێ وى به‌رمنڤه يێ راوه‌ستيايى بيت هه‌كه باشيه‌ك ديت ڤه‌شارت و هه‌كه خرابيه‌ك ديت به‌لاڤكر.
يا خودێ دناڤبه‌را مه‌دا خوش بكه، و دلێت مه بێخه به‌رێك، و به‌رێ مه بده رێكێت سلامه‌تى و رزگاريێ، و مه ژ تارياتيێت دنيايێ و گونه‌هێ رزگار بكه بۆ ڕۆناهيا ئاخره‌تێ و گوهداريێ، و مه ژ گونه‌هێت كه‌شه‌فرێت يێت ئاشكرا و يێت نه ئاشكرا دوير بێخه.
يا خودێ به‌ره‌كه‌تێ و خێرێ بۆ مه بێخه گوهێت مه و چاڤێت مه و دلێت مه و هه‌ڤژينێت مه و دوينده‌ها مه، و تۆبه‌يا مه قه‌بويل بكه، و ب ڕاستى تويى يێ هه‌ر تۆبه وه‌رگر و دلۆڤان، و مه بكه شوكردارێت نيعمه‌تێت خۆ و پێ په‌سن و مه‌دحێت ته بكه‌ين، و حه‌قێ وان بده‌ينێ و ل سه‌ر مه تمام بكه.
يا خودێ ئه‌ز داخوازا له‌زيلكرنا سلامه‌تيا ته و سه‌بركێشان ل سه‌ر ئيمتحانا ته و ده‌ركه‌فتن ژ دنيايێ بۆ دلۆڤانيا ته ژ ته دكه‌م.
ئه‌ز خۆ ب په‌يڤێت خودێ يێت تمام و بێ كێماسى ئه‌وێت زانينا چو باش و خرابان نه گه‌هنێ دپارێزم ژ خرابيا تشێ وى داى، و ژ حرابيا تشتێ ژ ئه‌سمانى دئێته خار و ژ خرابيا تشتێ بلند بيتێ، و ژ خرابيا تشتێ د ئه‌رديدا داى، و ژ خرابيا تشتێ ژێ ده‌ردكه‌ڤيت، و ژ خرابيا جه‌رباندن و ئيمتحانا شه‌ڤ و رۆژان، و ژ خرابيا هه‌ر رويدانه‌كا رويده‌ت ئه‌و رويدان نه‌بيت يا بخێرێ دهێت هه‌ى دلۆڤان.
يا خودێ هاريكاريا من ل سه‌ر زكرێ خۆ و شوكرا خۆ و باش په‌رستنا خۆ بكه.
يا خودێ تو ئازاكه‌رى و حه‌ز ئازاكرنێ دكه‌ى من ئازا بكه.
هه‌ى ئه‌وێ دل و چاڤان وه‌ردگێڕێ، دلێ من ل سه‌ر دينێ خۆ موكوم بكه، و دلێ من ل سه‌ر گوهدارى يا خۆ موكوم بكه. يا خودێ ل مه زێده‌كه و ل مه كێم نه‌كه، و مه ب قه‌دربێخه و مه نه‌شكێنه، و بده مه و ل مه ڤه‌نه‌گره و مه‌ژ چاكان هه‌لبژێره ل سور مه هه‌لنه‌بژێره.
خودێ وۆ دويماهى يا مه هه‌مى كاروباراندا باش بكه، و مه ژ شه‌رمزارى يا دنيايێ و ئيزايا ئاخره‌تێ بپارێزه. هه‌ى راگر و وه‌رگێرێ دلان دلێ من ل سه‌ر دينێ خۆ رابگره.
يا خودێ چێكه‌رێ ئه‌رد و ئه‌سمانان زانايێ نهێنى و به‌رچاڤان، خودان و سه‌روه‌رێ هه‌مى تشتان، ئه‌ز شاده‌يێ دده‌م چو خودايێت ڕاستو دورست و هه‌ژى نينن تو نه‌بى، ئه‌ز خۆ ب ته دپارێزم ژ خارابييا شه‌يتانى و تۆر و داڤكێت وى.
يا خودێ ئه‌ز داخوازا دله‌كێ ساخله‌م و بنه‌جه ژ ته دكه‌م باوه‌ريێ ب رۆژا قيامه‌تێ و راوه‌ستيانا به‌رده‌ستێت بينيت و ب قه‌ده‌را ته رازيبيت و ب داناته يێ قايلبيت، يا خودێ ئه‌ز داخوازا ساخله‌ميێ ل گه‌ل باوه‌ريێ ، و باه‌وريێ ل گه‌ل تور و سنج ياشيێ، و سه‌رفه‌رازيا سه‌ركه‌فتن دويفرا دهێت و دلۆڤانيه‌كێ ده‌ف ته و سلامه‌تيێ و لێبورينێ ده‌فته و ڕازيبونێ ژ ته دكه‌م.
يا خودێ ئه‌ز داخوازا وان ڕێكان ژ ته دكه‌م يێت ڕه‌حما ته پێڤه دئێت، و ئه‌ز داخوازا وان تشتان ژ ته دكه‌م يێت تو پێ خۆش و خێرا مه تێدا، نه‌هێلى هه‌كه نه‌ده‌يه مه.
يا خودێ ئه‌ز خۆ ب ته دپارێزم ژ خرابى يا كارێ من كرى و ژ خرابى يا كارێ هێژ من نه‌كرى، و ئه‌ز خۆ ب ته دپارێزم ژ خرابى يا من زانى و ژ خرابى يا هێژ من نه‌زانى.
يا خودێ سلامه‌تى يێ د له‌شێ مندا بده من، و سلامه‌تى يێ د چاڤێت مندا بده من، و سلامه‌تى يێ ژ گوهێت من بده من، يا خودێ ئه‌ز خۆ ب ته دپارێزم ژ گاورى و هه‌ژارى يێ و ئيزايا گۆڕى؛ هه‌ر خودان تويى، ژبلى ته چو خودێ و خودان نينن تو نه‌بى.
يا خودێ ئه‌ز داخوازا لێبورينێ و سلامه‌تى يێ بۆ دين و دنيايێ و مالدارى يا خۆ ژ ته دخوازم، يا خودێ كێماسى يێت من ڤه‌شێره و ترسا من ڕاكه و نه‌هێله، و من ژ هه‌مى ڕه‌خانڤه بپارێزه.
يا خودێ ته گول ئاخفتنا مه هه‌يه، و تو من و جهێ من دبينى، و په‌نى و نه‌په‌نى يا من دزانى، چو ل به‌ر ته به‌رزه نابيت؛ و ئه‌ز ئه‌ڤ به‌نده‌يێ هه‌ژار و ب لافلاف و ب ترس و يێ ئاشكه‌راكه‌ر بۆ گونه‌هێت خۆ، ئه‌ز داخوازێ ژ ته دكه‌م داخوازا قه‌له‌نده‌ران، و هه‌وار دكه‌مه ته هه‌وارا گونه‌هكارێ شكه‌ستى، و ئه‌ز دوعا ژ ته دكه‌م دوعايا ترسنوكێ كۆره، دوعايا وى يێ ستوى يێ وى بۆ ته خواربوويى وله‌شێ وى بۆ ته شكه‌ستى و دفنا وى بۆ ته چه‌ميايى، تو گونه‌هێت من ژێ ببه‌ى، و خواندنا من ژ من قه‌بوول بكه‌ى و دوعايێت بۆرى هه‌مى يان ژ من قه‌بوول بكه‌ى، و من و ده‌يبابێت من و هه‌مى موسلمانان نه‌خاسمه ئه‌وێت خزمه‌تا دينێ ته دكه‌ن و ئه‌وێ ئه‌ڤ دوعايه به‌رهوڤكرين ئازا بكه‌ى و بپارێزى، هه‌روه‌كى تو به‌نده‌يێت خۆ يێت باش دپارێزى.
و سلاڤ و سه‌له‌وات ل سه‌ر پێغه‌مبه‌رێ ته يێ خۆشتڤى بن و دويماهيك دوعايامه هه‌ر هه‌مى حه‌مد و په‌سن بۆ خودايێ هه‌مى جيهانان بن.
