نڤێسینێن کوردی

ئێك: ئه‌رێ وان دل ب زراكێت خۆڤه‌ هه‌نه‌، بهێلن سر و سه‌قه‌ما زڤستان و سر و سه‌رمایا زڤستانێ وان بێخیت، و سر و سه‌قه‌م له‌ش و هه‌ستیكێ وان بسوژینیت، ئه‌رێ ئه‌و یێت دلوڤانن وان ژ سه‌رما چلێ زڤستانێ نه‌پارێزن و فه‌رمانا وان نه‌كه‌ن ئه‌و جلكان ب كه‌نه‌ به‌رخۆ دا ژ سه‌رمایێ بێنه‌ پارازتن ئه‌رێ ئه‌و یێت دلوڤانن و بهێلن زاروكێت وان دشه‌ڤیت ساردا چ ل سه‌رخۆ نه‌داده‌ن هه‌تا سپێدێ ببنه‌ قورمك. دو: ئه‌رێ ئه‌وان دایبابان دل ب زاروكێت خۆڤه‌ هه‌یه‌ بهێلن خارنا پیس بخون و ڤه‌خارنا پیس ڤه‌خون و له‌شێ وان ببیته‌ مه‌خه‌لێ میكروب و ڤایروس و جرسومان بهجه‌تا هندێ ما چلێ بكه‌ین ئه‌و حه‌ژ پیساتیێ دكه‌ن؟؟؟. سێ: ئه‌رێ ئه‌و حه‌ژ زاروكێت خۆ دكه‌ن و كا چ خارنا ب زه‌ره‌ و زیانه‌ و ئێش و نه‌خوشی هه‌لگره‌ ئه‌و وێ بخون ب هجه‌تا هندێ ما چ لێ بكه‌ین ئه‌و حه‌ژ وێ خارنێ دكه‌ن و حه‌زا وان ئه‌ڤه‌یه‌ و ئه‌م نه‌شێن دژی حه‌زا وان رابین؟؟؟؟. چار: ئه‌رێ وان دایبابان دل ب زاروكێت خۆڤه‌ هه‌یه‌ بهێلن چ جلكێ پیس و قرێژییه‌ وی بكه‌نه‌ به‌رخۆ و ژ دویر دویمه‌نكێ كرێت دیاركه‌ن ب هجه‌تا هندێ ئه‌ڤه‌ ئازادیا وانه‌ و ئه‌و یێت مه‌زن بویین و دزانن خرابی و باشی چییه‌؟؟؟. پێنج: ئه‌رێ ئه‌و دایباب یێت باش و ب دلوڤانینن یێت مایێ خۆ ل خاندنا زاروكێت خۆ نه‌كه‌ن، بخوینن یان نه‌خوینن بچنه‌ خاندننگه‌ھ و زانكویێ یان نه‌چنێ ب هجه‌تا هندێ ئه‌ڤه‌ بۆ وانه‌ و ئازادیا وان ئه‌م تێكناده‌یه‌ن؟؟؟؟. یان دایبابێت باش و ب دلوڤان ئه‌ون یێت خه‌ما زاروكێت خۆ دخون، و ژ هه‌می نه‌خوشیان دپارێزن، ژ سه‌رمایێ و گه‌رمایێ وه‌كی ئیك ،و نه‌هێلن خارن و ڤه‌خارنا پیس و نه‌پاك زیانێ ب گه‌هیننه‌ ساخله‌میا وان، و خارن و ڤه‌خارنا ده‌رد و نه‌خوشی هه‌لگر نه‌هێلن نێزیك ببن، بلا دلێ وان ژ سه‌ر ژی بیت، و نه‌هێلن جلك و سه‌رو به‌رو سه‌رچاڤێت وان ییت قرێژی بن و پارێزیی ل سه‌ر خه‌مل و جوانینیا وان بكه‌ن، و خه‌ما پاشه‌ رۆژا وان یا خاندنێ بخوون دا ب گه‌هنه‌ باوه‌رنامه‌كا باش و پشتبه‌ستیێ دژیانا خۆدا ل سه‌ربكه‌ن ئه‌ز بێژم ئه‌و دایبابێت ڤان خه‌ما بخون ئه‌و یێت: ( دلوڤان و باشن و دلێ وان ب زاروكێت وانڤه‌ دلسوز بۆ زاروكان و دلێ وان ب زاروكان دسوژیت) به‌لێ دایبابێت ب دلوڤان ئه‌ون ‌ یێت زاروكێت خۆ ژ زیانێ د پاریزن، خۆ وان ئه‌و زیان بڤێن و هه‌لبژێرن ژی، به‌لێ پسیار ئه‌ڤه‌ یه‌: تۆ چ دبێژی بۆ دلوڤانیا دایبابان ئه‌وێت: ـ نه‌هێلن بایه‌كێ سار ب سه‌ر سه‌رێ زاروكێت وانرا بچیت. ـ خۆ گوری وان دكه‌ن و شه‌ڤ رۆژ دخزمه‌تا واندا. ـ خۆ رویسدكه‌ن، دا ئه‌و یێت ب جلك بن. ـ خۆ برسیدكه‌ن، دا ئه‌و یێت تێر بن. ـ خۆ تێنی دكه‌ن دا ئه‌و تێنی نه‌بن. ـ خۆ دئێخنه‌ به‌رخه‌ما ندا ئه‌و ب خه‌م نه‌كه‌ڤن دا خه‌م بۆ زاروكێت وان چێنه‌بن. ـ دلێت وان خوینه‌لوك بیت به‌لێ ب گرنژن دا زاروكێت وان ب خه‌م نه‌كه‌ڤن. ـ پاریێ نه‌خۆش ئه‌و بخون داپاریێ خوش بۆ زاروكێت وان بن. ـ جلكێ بێ بها ب كه‌نه‌ به‌رخۆ دا جلكێ ب بها ب كه‌نه‌ به‌ر زاروكێت خۆ. ئه‌ڤێ هه‌می بۆ دنیا زاروكێت خۆ بكه‌ن، به‌لێ چ خه‌ما گور و مرن و ئاخره‌ت وقیامه‌ت زاروكێت خۆ نه‌خون و هه‌كه‌ خه‌مه‌كێ ژێ بخون ژی نه‌گه‌هیته‌ ده‌هیك یان بیستێك یان سه‌دێكا خه‌ما دده‌نه‌ دنیا وان ئه‌رێ ئه‌ڤه‌ دیبابه‌: (د دلوڤان و باشن. و دلێ وان ب زاروكێت وانڤه‌یه‌‌ و بۆ زاروكان د دلسوزن و دلێ وان ب زاروكان وان دسوژیت)؟؟؟؟؟؟ دێ یبنی دایباب حه‌جه‌ینه‌ به‌لێ كورێت وان كچێت وان نڤێژا ناكه‌ن، سپێده‌ییان هه‌ردوو دچنه‌ نڤێژا ب جه‌ماعه‌ت، به‌لێ كور كچ یێت نڤستینه‌ و دبیت ده‌هی رۆژێ ژی ژ خه‌و نه‌ رابن، و دایك ده‌رسوكا خۆ ل سه‌رێ خۆ دپێچیت و كچا وێ یا سه‌ر كول و سه‌ر به‌ردایه‌، و تبله‌ك ژ له‌شێ دایكێ نا ده‌ركه‌ڤیت، به‌لێ له‌شێ كچێ باراپتر یێ ده‌ركه‌فتیه‌ لنگێت ریسن سینگێ ریسه‌ و زه‌ندێت ریسن و كراسێ ته‌نكه‌ و له‌شێ تێدا دیاره‌ و دیباب هند خه‌مێ ژێ ناخون ب هجه‌تا هندێ ئه‌ڤه‌ ئازادیا كه‌سایه‌تییه‌ ما چ لێ بكه‌م. باشه‌ بۆچی بۆ ئه‌زمونا دیباب ب به‌رڤه‌ یێت راستییبوون و دئاماده‌باشییدابوون و نه‌ ‌دهێلان و یێت هشیاربوون ترسا هندێ ئه‌زمون ل وان بچیت، باشه‌ ئه‌ڤ دایبابیێت هوسا ئه‌وێت خه‌مێ ژ دنیایا زاروكێت خۆ دخون و ئه‌م دزانین ب هه‌ر ره‌نگه‌كێ هه‌بیت دێ دنیا دێ قه‌تێێت به‌لێ پا خودێ نه‌كه‌ت هه‌كه‌ چ بۆ ئاخره‌تا خۆ نه‌كربیت دێ چاوا قه‌تیێت پسار ل ڤێرێ ئه‌ڤه‌یه‌ ئه‌رێ ئه‌و دایبابێت خه‌ما دنیایا زاروكێت تنێ دخون و ئاخره‌تێ پشتگوهێت خۆڤه‌ دهاڤێن ئه‌ویێت ب دلوڤانن؟؟؟؟؟ ئه‌رێ ئه‌و یێت دلوڤانن ئه‌وێت خه‌ما ژ یانا كورت و نه‌یا حه‌قیقی دخون و خه‌مساریێ دژیانا راستقینه‌دا یا ئاخره‌تێ دكه‌ن؟؟؟؟؟؟.