چێروكه‌كا دڤان رۆژاندا
نڤێسەر:
دكتور: اسماعیل سگێری
ئه‌ڤ چێروكه مه‌لایه‌كێ ل سه‌ر خوتبێ گۆت و ئاشكراكر ئه‌ڤه سه‌رهاتیه‌كا راست و دورسته و د ڤان ده‌ماندا یا چێبووی.
دایكه‌ك دبێژت: كورێ من بسپور و گه‌نج بوو ده‌مێ چویه به‌ردلوڤانیا خودێ، پشتی كورێ من مری من خه‌ونێت نه‌خوش پێڤه د دیتن، و ڤان خه‌ونا دلێ من دئێشاند، و ئه‌ز خه‌مگین دكرم، و من خه‌ونه‌كا دوباره ب كورێ خۆڤه د دیت، و وێ خه‌ونێ به‌لا خۆ ژ من ڤه‌نه‌‌دكر، و ئه‌ز دترسیام بنڤم و ئه‌ز وێ خه‌ونێ ببینم، هه‌تا وه‌لێ هاتی خه‌و ل به‌ر من ره‌ش بووی، ژ به‌ر وێ خه‌ونێ، چه‌ند جاران من ره‌ڤده‌كا صا یان یا گورگا د دیت دهاتنه سه‌ر گۆرێ كورێ من و د میزتنه ب گۆرێ ویڤه، و من ئه‌ڤ خه‌ونه دوباره چه‌ند جاران دیت، و ڤێ خه‌ونێ ئه‌ز گه‌له‌ك ترساندم ژ چاره‌نڤیسێ كورێ من.
ـ پشتی ئه‌ڤ خه‌ونه زێده دوباره‌بوی، ئه‌ز چومه ده‌ف سه‌یدایه‌كێ من سه‌رهاتیا خه‌ونا خۆ بۆ گۆت.
ـ گۆته من هه‌ره پسیاركه كا نێزكتیرین هه‌ڤالێ كورێ ته كی بوو و كییه؟ ل گه‌ل خۆ بینه ده‌ف من.
ـ ئه‌ڤ دایكه دبێژیت: ئه‌ز زڤریم و من پسیاركر كا نێزكترین هه‌ڤالێ كوێ من كییه پشتی من زانی ئه‌ز چومه ده‌ف و من هیڤی لێكرن بێته ده‌ف سه‌یدای، دا هنده پسیارا ل سه‌ر كورێ من هه‌ڤالێ وی لێ بكه‌ت.
ـ وه‌لا داخازا من وه‌رگرت و ل گه‌ل من هاته ده‌ف سه‌یدا،
ـ ئینا سه‌یدای گۆتێ: ئه‌م دێ پسیاره‌كێ ژ ته‌كه‌ین به‌س هیڤیه تو دورستی جابا من بده‌ی، ئه‌رێ هه‌ڤالێ ته چ كار دكر دایبابێت وی نه‌زانن پشت وانرا دكر؟.
ـ ده‌ستپێكێ هه‌ڤالێ كورێ من خۆ بێده‌نكر و چ نه‌گۆت.
ـ ئینا سه‌یدای دویف درێژكر و هیڤی لێ كرن.
ـ هه‌ڤالێ كورێ من گۆت: هه‌تا هوین نه‌بێژن ژ به‌ر چ هوین ڤێ پسیارێ دكه‌ن ئه‌ز نابێژم.
ـ ئینا سه‌یدای چێروكا خه‌ونا من و كورێ من بۆ گۆت.
ـ ئینا وی كوری گۆت: یا ئه‌ز دزانم هه‌ڤالێ من ئه‌ڤێ مری په‌یجه‌كێ خراب هه‌بوو و كارێت خراب و وینه و ڤیدیوییت خراب تێدا دئینانه‌خوارێ، مرۆڤێت خراب دگه‌ل وی دڤی په‌یجیدا هه‌ڤالبوون.
ـ ئینا سه‌یدای گۆت ئها ئه‌و صه و گۆرگ ئه‌ڤ هه‌ڤاله‌نه ئه‌ڤێت هه‌تا پشتی مرنا وی ژی سه‌ره‌دانا په‌یجێ وی دكه‌ن و گۆنه‌هان ل وی زێده‌دكه‌ن.
ـ ئینا سه‌یدای گۆت هه‌كه هوین بشێن وی په‌یجی پیچكه‌ن و نه‌هێلن به‌لێ مخابن نه‌شیان چونكی هه‌تا نه‌هێلن دڤێت ژمارا نهێنی بزانن و كه‌س ژ بلی وی یێ مری وێ ژمارێ نزانیت ڤێجا نزا هه‌تا كه‌نگی دێ عه‌دادێ گو‌نه‌هێت وی یێ به‌رده‌وام بیت.
ڤێجا گه‌لی گه‌نجا و خودانێت فێسبوك و په‌یجان بۆ خۆ چامه و عیبره‌ت و وانه و ده‌رسان ژڤی وه‌رگرن و هه‌ر ئیكێ ژ هه‌وه نڤیسانه‌ك یان وێنه‌ك یان ڤیدیویه‌كا خراب ئینابیته خوارێ ژێ ببه‌ن و توبه‌بكه‌ن به‌ری یا ب سه‌رێ ڤی هاتی ب سه‌رێ هه‌وه بهێت خودایێ مه‌زن مه‌زن مه ژ هاتنا رۆژا قیامه‌تێ د درسینیت و رۆژا گۆر ئه‌وێت دزكێ خۆدا سه‌ردئیخن رۆژا كریارێت مه پاشخۆ هێلاین وه‌كی سترانێت خراب، نڤیسانێت خراب، رێكێت خراب، فێسبوك و په‌یجێت خراب دئێنه بیرا مرۆڤی و ل دور ڤێ چه‌ندێ خودایێ مه‌زن دبێژیت: (وَإِذَا الْقُبُورُ بُعْثِرَتْ عَلِمَتْ نَفْسٌ مَّا قَدَّمَتْ وَأَخَّرَتْ) و دەمێ گۆڕ سەرێک و بنێک دبن، و مرۆڤ ب سەردکەڤن و ژێ دەردکەڤن. ھنگی ھەر ئێک دێ زانیت کا چ ل پێشییا خۆ کرییە، و چ ڕێکا باش یان یا خراب ب پاش خۆڤە ھێلایە. هیڤیا من ئه‌وه ئه‌م له‌زێ ل ته‌وبێ بكه‌ین و هه‌ڤالێت خراب بهێلین و ڤان كاران پاشخۆڤه نه‌هێلین.
