پهردهپوشی
نڤێسەر:
بسم الله الرحمن الرحیم
حهمد و پهسن ههمی بۆ خودایێ مهزن، ههر وهكی ئهو ههژی و ههروهكی ئهو رازی، سلاڤ صهلهوات ل سهر گیانێ پێغهمبهرێ خوشتڤی، سلاڤێت خودێ ل سهربن، و ههڤال و هوگرێت وی یێت ژێگرتی، وههر كهسێ ب باشی رێك و دهوسا وان بگریت و بچیت ههتا رۆژا قیامهتێ و پاشی:
دڤێت موسلمانان ب گشتى و نهخاسمه ژنا موسلمان كهساتيهكا تايبهت ههبيت، و ب تايبهتمهنديا ئيسلامێ هاتبيته ئاڤاكرن، كهساتيهكا وهسا بهردهوام پاراستنا سهربهخۆييا خۆ بكهت، و ئهڤ كهساتيه ههر بمينيت خالهكا ئاشكرا و بهرز د ناف كهساتيێت جۆره و جۆردا، و د كهساتيێت ديدا نهحهليێت، چونكى يا وهرگرتيه ژ رهسهنهتيا ئيسلامێ، ئهو رهسهناتيا پشتا خۆ نهدهته ههڤچهرخى و نويخوازيێ، و دڤێت كچا موسلمان يا بهرنياس بيت، ب رێز و سهر و بهرێ خۆڤه، و ب جلك و پهردهپوشیا خۆڤه، و ب سنج و رهوشتێ خۆڤه، و خالهك بيت د ناف رهگهزێ كچاندا، و كهسايهتهكا نموونهيى بيت، و لاواز و چاڤلێكهر نهبيت، ههرجهێ بايێ لێدا ب وى رهخيڤه خوارببيت، دڤێت كچا موسلمان ژ هندێ مهزنتر بيت ببيته ئێخسيرا چاڤلێكرنێ و ب كۆرهيي چاڤلێكرنێ بكهت، و بهرێ خۆ بدهته رهگهزا خۆ كا ئهو چ دكهن ئهو ژى بكهت، نه.. ئهڤه يا خهلهته، ئيمان و باوهريا د دليدا پێدڤيه د گهش بن و سهركێش و ئاراستهكرنا وێ بكهن، مودێلا جادێ و گوهۆرينا جادێ كارلێكرنێ ل رهسهناتيا وێ يا موكم ناكهن، دگهل كو رۆژا خۆ دژيت و ئاگهھ ژ زهمان و چهرخێ خۆ و پێشكهفتنا ب خۆڤه دبينيت، ههيه، و دڤێت بزانیت پهرده پوشیا وێ فهرمانهكا خودایییه و فهرمانێت خودێ دبێ نهێنی و حكمهت نینن، و خودایێ مهزن ژ جلكی بهری ههمی تشتان خێرا وێ ڤیایه، و ئهڤ جلكه نه بارگرانیه بهلكی بهری ههمی تشتان پارازتنا وێیه و پارازتنا كهرامهتا وێیه، و پارازتنا وێیه ژ چاڤێت زهغهل و پیس و نهخوش و خراب، و بهرز راگرتنا وێیه.
ب راستی ڤێ پهردهپوشیێ جلكێت شهرعي یێت ژنێ ناڤێ خۆ یێ تایبهت نینه، بهلێ مهرجێت خۆ يێت تایبهت یێت ههين، و ههر گاڤا ئهڤ مهرجه د جلكيدا ههبوون، هنگى ئهو جلك حيجابه و يێ دورسته و يێ شهرعيه، ڤێجا ناڤێ وى چ بيت، كراس و فیستان بن چ بیت و چهند پارچه بيت، بهلێ ئهڤ جلكێ ئێك پارچه پتر دگهل قورئانا پيرۆز دهێت، خودێ مهزن دبێژيت:(يَا أَيُّهَا النَّبِيُّ قُل لأزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَٰلِكَ أَدْنَىٰ أَن يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَّحِيمًا) ئانكو: ههى پێغهمبهر بێژه ههڤسهرێت خۆ و كچێت خۆ و ژنێت موسلمانان بلا جلبابێت (كراسێ ئێك پارچه يێ لهشى ههميێ دگريت) خۆ ب سهر خۆدا بهردهنه خوارێ، ئهڤه باشتره پێ بێنه نياسين (كو ژنێت ئازانه) و ئهزيهت بۆ وان چێ نهبيت، و خودێ يێ گونهھ ژێبهر و دلۆڤانه (ل وان ناگريت ئهگهر ههتا نوكه جلبابێت خۆ ب سهر خۆدا نهبهردابنه خوارێ). و جلباب ئهو جلكه يێ ئێك پارچه و ههمى لهشێ ژنێ دگريت و دويماهيێ مهرجێت جلكێت ژنێ ب كورتى ئهڤهنه:
دڤێت لهشێ ژنێ ههميێ ـ ژبلى دهست و سهر وچاڤ و پيان ـ بگريت، و دڤێت زێده يێ چاڤكێش نهبيت و ژ وان جلكان بيت يێت تايبهت ب ژنێ و ژن بكهنه بهر خۆ، و نهوهكى جلكێت زهلامان بيت ئهوێت تايبهت ب زهلامانڤه و نه وهكى جلكێت ژنێت بێ سنج بيت، و يێ تهنگ نهبيت و يێ تهنك نهبيت لهشێ وێ تێرا بهێته ديتن.
ژنا ههی دبێژیت ئهڤ مهرجێت جلكێت ژنان، سهپاندن و ستاندنا ئازاديا وێيه، و ما ژن نهیا ئازاده وێ چ بڤێت وی بكهته بهرخۆ، بۆچى ئيسلام رهنگهكێ جلكى ل سهر ددانيت بكهته بهر خۆ؟.
بۆ ڤێ ئاخفتنێ ئهم دبێژین دڤێت ئهم د ئازاديێ بگههين، و ئازاديا ڤهكرى و بێ تخويب د دنيايێدا نينه، ئازادى هند مافێ مرۆڤيه هندى نهدهته سهر ئازاديا كهسهكێ، بۆ نموونه: ئهرێ خودانێ ترومبێلێ يێ ئازاده ههر جهێ ههبيت لێ راوهستينيت! ئهرێ يێ ئازاده سايدێ دڤێت لێ بچيت! ئهرێ يێ ئازاده لهزا بڤێت بكهت! ئهرێ يێ چۆ د جههكيڤه و ديت سرا و رێز يا راوهستيايه يێ ئازاده گوهێ خۆ نهدهته سهر و سهرێ رێزێ راوهستيت! ئهرێ مرۆڤێ ئازاده ل نيڤا سويكێ دهنگێ ژ ههميان بلندتر بدهته راديۆيا خۆ و پويته ب كهسێ نهكهت! ئهرێ نيڤا شهڤێ تو يێ ئازادى دهنگێ سهماعان بلندكهى و سترانا ته دڤێت گوهێ خۆ بدهيێ! و ئهم دشێين هزارهها پسيارێت ژ ڤى رهنگى بينين، دێ بێژيه من: نهخێر ئهو نهيێ ئازاده، و چو ملهت ڤى رهنگێ ئازاديا بێ تخويب قهبويل ناكهن، و ئازادى يا رێژهكريه، و ئيسلام هۆسا نيشا مه ددهت: ههكه ژنێ ئهڤ جلكێ شهرعى نهكره بهر خۆ دێ زيان چێبيت، دێ بيته ئهگهرێ خرابيێ، دا ئهڤه دورست نهبيت دڤێت ئهو جلكێ شهرعى بكهته بهرخۆ، و يا موسلمان بيت نابيت ئهو جلكان دژى ئازاديا كهسايهتى بدانيت ههكه وهسا بيت ههمى ئهحكامێت ئيسلامێ وهسانن، و ئهڤه گهلهك و گهلهك و گهلهك يا خهلهته و نهيا دورسته، جلك فهرمانهكه ژ فهرمانێت ئيسلامێ، و كا چاوا دڤێت ئهم خۆ تهسليمى خودێ و پێغهمبهرى (سلاڤێت خودێ ل سهربن) بكهين و ههمى فهرمانان وهرگرين هۆسا جلكى ژى دڤێت وهرگرين كو فهرمانهكه وهكى نڤێژێ و رۆژيێ و حهجێ و زهكاتێ و ههمى فهرمانێت دى. و خودێ مهزن د ڤێ ئايهتێدا بۆ ژنان ديار دكهت بهرامبهر فهرمانا خودێ د راستا جلكاندا دهمێ ئهمرێ وان دهێتهكرن ئهو جلكێت شهرعى بكهنه بهر خۆ دڤێت د چاوابن، خودایێ مهزن دبێژيت: (إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا وَأُولَئِكَ هُمُ الْمُفْلِحُونَ) وهختێ خودان باوهر بۆ حوكمێ خودێ و پێغهمبهرى دئێنه داخوازكرن، دا پێغهمبهر حوكمى د ناڤبهرا واندا بكهت، ئاخفتنا وان بهس ئهڤهيه، دبێژن: مه گولێ بوو، و مه ب جهـ ئينا، و ئهڤهنه يێت سهرفهراز.
و ژنا ههی دبێژیت ما حيجاب و پهردهپۆشى بۆ چيه ههكه دلێ مرۆڤى يێ پاقژبيت و پهردهپۆشى خولكه و وێنه و شكله و خودێ رۆژا قيامهتێ بهرێ خۆ نادهته خولكان، بهلكى بهرێ خۆ ددهته دلان ههروهكى د حهديسێدا هاتى؟.
بێ گۆمان خودێ مهزن دێ بهرێ خۆ دهته دلان ههروهكى د حهديسا دورستدا ل دهف موسلمى ژ ئهبى هورهيره (خودێ ژێ رازی بیت)، هاتى: (إِنَّ الله لا ينْظرُ إِلى أَجْسامِكْم، وَلا إِلى صُوَركُمْ، وَلَكِنْ ينْظرُ إِلَى قُلُوبِكُمْ وَأَعمالِكُمْ) ب راستى خودايێ مهزن، بهرێ خۆ نه ددهته لهشێت ههوه و نه ددهته وێنهيێت ههوه ، بهلێ دێ بهرێ خۆ دهته دلێت ههوه.
مه باوهريا ههى رۆژا قيامهتێ چو وهج و مفايێ مرۆڤى نادهت ژ مال و كهس و كاران ئهو نهبيت يێ ب دلهكێ ساخلهم بێته دهف خودێ (يَوْمَ لا يَنْفَعُ مَالٌ وَلا بَنُون إِلا مَنْ أَتَى اللَّهَ بِقَلْبٍ سَلِيمٍ) رۆژا كور و كچ و چو تشتێ دى فايدهى نهگههينيته مرۆڤى، ژبلى كو مرۆڤ ب دلهكێ ساخلهم و دورست و ب باوهر بچيته دهف خودێ. راسته بهس ئهڤ دله دێ مفاى گههينيته مه و خودێ دێ بهرێ خۆ دهته ڤى دلى، دلێ پاك و پاقژ و ساخلهم و سپههى و باوهريدار، بهلێ ئهڤ ئاخفتنه دلێ پاقژ، و دلێ من يێ پاقژه پهيڤهكه و شههدهييهكه، گهلهك جاران مه گوھ لێ دبيت ل ڤێرێ و وێراهه، و ژ ڤى و يێ دى، ژبهر هندێ فهره ئهم بزانين دلێ پاقژ و ساخلهم كيژكه، ئهو دلێ رۆژا قيامهتێ سهرفهراز دبيت، ئهو دلێ لهشێ خۆ دبهته بهحهشتێ، ئهڤه ژى ل سهر مه پێدڤى دكهت، زڤرينهكێ د قورئانا پيرۆزدا بكهين، دا بزانين دلێ پاقژ كيژكه و كا كى د شادهيى و گۆتنا خۆدا يێ راسته دهمێ دبێژيت: دلێ من يێ پاقژه، چونكى رۆژا قيامهتێ رۆژا ههمى ژ ئێك و دوو درهڤن، رۆژا باب و كور و كچ و دهيك ههمى ژ ئێك درهڤن، و كهس مايێ خۆ د كهسێ نهكهت، و ههر ئێك بهس خهما خۆ ههلدگريت، وێ رۆژا ههمى، چ ژن، چ زهلام، رويس و پێخاس و سهركۆل ـ كا چهوا خودێ داينه ـ پێكڤه ل مهحشهرێ رادوهستن، و دگهل هندێ ژى كهسێ ئاگهھ ژ كهسێ نينه، و ههر ئێك يێ ب خۆڤه مژويله، و سهرێ ههميان يێ سهر ئهڤرازه، كانێ حسێبا وى دێ بيته چ؟ ئها وێ رۆژێ چو مفايى نادهته مرۆڤى دلهكێ پاقژ و ساخلهم نهبيت. ئهو رۆژا گونههكار دبێژيت ـ پشتى دهفتهرا كار و كريارێت خۆ دبينيت و ب دهستێ چهپێ وهردگريت ـ وهى ههوار خۆزى من چو ژ حسێبا خۆ نهزانيبا، خۆزى مرنا من يا ئێكجارى با، خۆزى ئهز ژ گۆرێ خۆ نهراببامهڤه، خۆزى من چو ژ خۆ نهزانيبا، خۆزى ئهڤرۆ من كتێبا خۆ نهديتبا، وهى خۆلى ب سهرێ من وهره، ئهڤه چ ب سهرێ من هات، كانێ قهسر و قوسيرێت من، كانێ پارێت من، پانێ ئهڤرۆ ئهز يێ ههوجهمه، پانێ ئهڤرۆ رۆژا تهنگاڤيێيه، مالێ من، كورسيكا من، دهستههلاتا من، دهوروبهرێت من مفا نهگههانده من، ئها وێ رۆژێ چو فايدێ مرۆڤى نادهت دلهكێ پاقژ نهبيت. ئهو رۆژا مرۆڤ ژ كهرباندا ههردوو دهستان پێكڤه دكهته د دهڤێ خۆدا و دبێژيت: وهى ههوار خۆزى من تێكهلى و ههڤالينيا بێڤانى نهكربا، خۆزى ئهز دگهل بێڤانى نهگهريابام، خۆزى من رێكا پێغهمبهرى گرتبا و ئهز دويف چۆبام، خۆزى من تێكهليا وان كهسان كربا، ئهوێت رێكا پێغهمبهرى گرتين و دويف چۆين، ئها هنگى چو فايدێ مرۆڤى ناكهت دلهكێ پاقژ نهبيت.
ژبهر گرنگى و فهراتيا ڤێ پسيارێ.. ئهم دێ پيچهكێ ب درێژى ل سهر ئاخڤين دا ديار ببيت كا ئهو ژنا خۆ پهردهپۆش نهكهت دلێ وێ يێ پاقژ و ساخلهمه ههتا خۆ پشتراست ببينيت و خۆ ل پشت ڤێ ئاخفتنێ ـ شهرت دله و دلێ پاك و پاقژه ـ ڤهشێريت و خۆ پهردهپۆش نهكهت. و كا دل يێ چاوايه و چ تێدايه تشتهكێ نهيێ دياره، و خودێ دزانيت كا چ تێدايه، و يێ چاوايه، راسته ئهم چو ژ يا د دلاندا نوزانين، و يا د دلاندا بهس خودايێ مهزن ب تنێ دزانيت، و ئهم بهس يا سهرڤه و بهرچاڤ ژ كار و كريارێت دلى دزانين، ڤێجا يا دلان بهس خودێ دزانيت بهلێ پاكى و پاقژى و ساخلهميا دلى د كار و كرياراندا ئاشكرا دبيت، و ئهڤ كار و كرياره ل سهر پاقژى و نهپاقژيا دلى دبنه شاهد، و دڤێت ئهو دياركهت، كا دل يێ پاقژه ئان نه، دڤێت دهستێت وێ بێژن راسته ئان نه؟ ههروهسا چاڤ و گوھ و پێ و ئهزمان و هاتن و چۆن و ههلويست. بێ گۆمانه دلى رهنگڤهدانا خۆ و كارلێكرنا خۆ ل سهر ههمى ئهندام و كار و كريارێت مرۆڤى يا ههى، و گهلهك نيشان بۆ دلێ پاقژ يێت ههين، دهستێ ته دڤێت ل دويف وێ بيت يا خودێ دڤێت، ههروهسا ئهزمانێ ته، دڤێت ل دويف هندێ بيت ئهڤا خودێ پێ خۆش، ههروهسا چاڤ و گوھ و جلكێت ته، و ههكه ئهڤه د هۆسا نهبن ئهڤه ڤێ رادگههينيت دلێ ته نهيێ پاقژه، و دلێ ته، نهيێ دورسته وهكى تو بۆ خۆ دبێژى.. ئهڤرۆ مخابن ئهم گهلهكان بهروڤاژى دبينين، رێكا خودێ ناگرن، و يێت ژ رێكا خودێ دهركهفتين، و وێ ناكهن يا خودێ ئهمرێ وان دكهت و خودێ پێ خۆش، نه د خوارن و ڤهخوارنا خۆدا، و نه د جلكێت خۆدا، و نه د كار و كريارێت خۆدا، و دگهل هندێ ژى دبێژن مانێ مهرج دله و دلێ من يێ پاقژه، و ههكه تو بهرێ خۆ بدهيێ دێ بينى ههمى كار و كريارێت وى، ههتا هاتن و چۆنا وى ژى ههمى خهلهتن، و ههتا دبيت نڤێژان ژى نهكهت، و گهلهك شۆلێت خراب ژى دكهت، بهلێ دگهل هندێ ژى دبێژيت: دلێ من يێ پاقژه!!! كى دبێژيت دلێ ته يێ پاقژه؟ تو دبێژى؟ ئهزمانێ ته، دهستێت ته، پێت ته، جلكێت ته، كار و كريارێت ته، ههلويستێت ته، هاتن و چۆنا ته، ههمى دبێژنه ته درهوه وهنينه. و ههتا دلێ ته يێ پاقژ بيت، دڤێت دهستێ ته يێ پاقژ بيت درێژ نهبيته خرابى و حهراميێ، و گوهێت ته د پاقژ بن حهرامى و نهكامى و ئاخفتن و سترانێت پويچ نهچنه تێدا، و چاڤێت ته د پاقژ بن و بهرێ خۆدانا حهرام نهكهن، و سنج و ئهخلاق و رهوشتێت ته د پاقژ بن، و جلكێ ته جلكێ ئيسلامى بيت، و رێڤهچۆنا ته و خوارن و ڤهخوارنا ته، ئهڤه ههمى دڤێت ب وى رهنگى بن يێ خودێ پێ خۆش و ئهمر پێ كرى، ڤێجا ههكه ئهڤه ههمى وهسا بن، بۆ خۆ بێژه؛ دلێ من يێ پاقژه، و ههكه تو يێ هۆسا نهبى نهخێر چو دل ژ دلێ ته رهشتر نينن، و ههر ژبهر هندێ زانايێ ناڤدار (حهسهن ئهلبهسرى) دبێژيت: گهلى موسلمانان.. ئيسلام و ئيمان نهئهڤهيه: مرۆڤ بێژيت من ئيمان و باوهرى يا ههى (ليس الايمان بالتمني ولا بالتحلي) باوهرى نه ب خۆزيايه يان ب ئاخفتنێ، بهلێ باوهرى ئهڤهيه: (ما وقر في القلب وصدقة العمل) باوهرى جهێ خۆ د دليدا بكهت و تێدا بنهجهـ ببيت و كار و كريارێت وى دويف وێ باوهريێ بهێن ئێك ژ نیشانێت زێده ئاشكرا و دیارهكهر كا دلێ ته یێ پاقژه یان نه وهكی تو دبێژی، جلكێ ته ل دویف فهرمانا خودێ بیت و دهمێ تو جلكێ نه شهرعی دكهیێ تو دزانی رۆژێ چهند سهعهت و خولهكان و چركان تو د گونههێدایی و چهند سهعهت و خولهكان و چركان تو دبێ ئهمریا خودێ دایی، شهڤ رۆژ بیست و چوار دهمژمێرن ( 24 بسیت چوار دهمژمێر * 60 خولهك = 1440 خولهك) دڤی دهمێ كورتدا و د بیست و چار دهمژمێراندا تو (1440) خولهكاندا یا دگونههێدا چونكی نهكرنهبهرخۆیا جلكێ شهرعی و یێ خودێ گۆتی، بهردهوامی بوونه و مانه دگونههێدا، ههكه ئهم ژیێ ژنا نه پێگر ب جلكێ شهرعی ههمی روژێت وێ هوسا ب ههژمێرن، بێژه بهس گونهها جلكان تنێ دێ چهند ل سهر ستویر بیت، ڤێجا كیرێ دلێ هوسا یێ پاقژه؟؟؟؟؟؟؟؟؟؟ دلێ پاقژ ئهوه یێ نهدهته سهرگۆتن و فهرمانا خودایێ مهزن و پێغهمبهرێ وی، ئهوه یێ بهرب فهرمانێت خودێڤه بهێت و ب جهبینیت چ گرێدای ئاخفتنێ بن یان خوارنێ یان جلكان یان ههر كارهكێ ههبیت دبێژت: (سمعنا واطعنا) مه گولێ بو و مه گوهداری كر.
و زمانحالێ ژنا جلكێ شهرعی نه كهته بهرخۆ دهمێ فهرمانا خودایێ مهزن (وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُن ّولا يبدين زينتهن إلا ما ظهر منها وليَضْربنَ بِخُمرهُن على جيوبهن ....... هتد) و (يأَيُّهَا النَّبِىُّ قُل لاِزْواجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ) و (وَلاَ تَبَرَّجْنَ تَبَرُّجَ الْجَاهِلِيَّةِ الاٍّ ولَى) گولێ دبیت، وێ دبێژێت یا جویان گۆتیه خودایێ خۆ و پێغهمبهرێ وی (سَمِعْنَا وَعَصَيْنَا) مه گولێ بوو بهلێ مه نه گوهداری كر، ئهرێ ما دلێ پاقژ ئهڤهیه؟!! دبیت تو بێژی من وهنه گۆتیه، بهلێ راسته دبیت ته ب دهڤی وهنهگۆتبیت، بهلێ دهمێ تو ئهمرێ خودێ پشت گوهێ خۆڤه دهاڤێژێ و ب جھـ نهئینی و كار پێ نهكهی، ههمی لهشێ ته ڤێ ئاخفتنێ دبێژیت، پرچا بهردایی و سینگێ ته یێ بهردای و جلكێت ته یێت تهنگ وجلكێت ته یێت تهنك زهند وپێت ته یێت ئاشكرا و نه ڤهشارتێ و سوراڤ و سپیاڤا سهرۆچاڤێت ته ههمی ژ ئهزمانێ ته ئاشكرا و رۆنتر و ب ئاوهیهكێ ب كریار دبێژن (سَمِعْنَا وَعَصَيْنَا) ڤێجا كێرێ دلێ ته یێ پاقژه؟.
هیڤیا من ئهوه ژنا موسلمان راستی و دورستیا پهردهپوشیێ بزانیت و تێ بگههیت و پێگریێ پێ بكهت، و گوهێ خۆ نهدهته وان ئهویت دڤێن ب ناڤێ ههڤچهرخیێ و ئازادیێ ب خاپینن و سهرداببهن، و دڤێت كچا موسلمان یا ب ساناهي نهبيت با وێ بۆ ههر لايێ ههبيت بچهمينيت، دڤێت ل سهر دينێ خۆ قورمهكێ ب هێز و خۆراگرتى و بنهجهـ بيت، ههكه خهلك ههمى د خراببن و ب ههمى شيانێت خۆ كاربكهن وێ ب بهر خرابيێرا ببهن نهشێن، و نابیت بن قورسیا دربێ شهرمێ ئهو دهست ژ پهردهپوشیا خۆ بهردهت چونكی ب راستی شهرما مهزن ئهوه مرۆڤ بكهڤيته د گونهھ و بێ ئهمريا خودێدا، و دڤێت ئهم شهرمێ بهس ژ خودێ ب تنێ بكهين، نابيت خويشك دهست ژ پێگرى و دهرسۆكا خۆ بهردهت ل بن ههر كاودانهكێ ههبيت، كا چاوا يا پێگره ب دهرسۆكا خۆ ل خواندنگههێ و سويكێ هۆسا يا پێگره بهلكى هێژ پتر ل سهيران و دهركهفتن و دهواتان، چونكى ل وان جهان دبيت پتر خرابى بێتهكرن و دهرگهھ پتر بۆ ڤهكرى بن، دڤێت ئهم خودانێت بيروباوهرێت خۆ بين ههر جهێ ئهم لێ بين و بزانين: (إِنَّ رَبَّكَ لَبِالْمِرْصَاد) خودايێ ته ل بهر وان يێ راوهستيايه، و ههمى كار و كريارێت وان ل بهر د ئاشكهرانه و ههر ئێكى جزايێ وى دێ دهتێ، و دویماهیك ئاخفتنا مه ههمی حهمد و پهسن و سوپاسی بۆ خودایێ جیهانان بن.
دكتور اسماعیل سگێری.
