ب / به‌لێ، ئه‌م دزانين شوين ده‌ڤێ سه‌ى نه‌وه‌كى شوين ده‌ڤێ هه‌ر جانه‌وه‌ره‌كێ ديه. پێغه‌مبه‌رێ خودێ (سلاڤێت خودێ لێ بن) دبێژيت: ((هه‌كه سه‌ى ده‌ڤێ خۆ كره ئامانێ ئێك ژ هه‌وه.. حه‌فت جاران بشۆن، يا ئێكێ ب ئاخێ، دێ پاڤژ بيت)). به‌لێ، شوين ده‌ڤێ سه‌ى ب ڤى ره‌نگى پاقژ دبيت. به‌لێ.. ئه‌رێ له‌شێ سه‌ى هه‌مى وه‌كى ئه‌زمانێ ويه؟ جمهورێ زانا دبێژيت: به‌لێ هه‌مى وه‌كى ئێك يێ پيسه، و وه‌كى ئێك پاقژ دبيت، به‌لێ ئيمام داوود و ئيمام مالك و ئيمام زوهرى خودێ ژ وان رازى بيت دبێژن: نه‌خێر به‌س گليزێ وى ب تنێ يێ پيسه، و هه‌كه ده‌ستێ ته ب سه‌ى كه‌فت، ده‌ستێ ته بێ نڤێژ نه‌بوو، و بۆ پاكى بشۆى باشه، و هه‌وجه‌نينه حه‌فت جاران بێته شويشتن هه‌روه‌كى شوين ده‌ڤێ وى دهێته شويشتن، و ئه‌ز ڤێ بۆچۆنێ ب هێزتر ددانم، چونكى هه‌كه سه، هه‌مى ب ڤى ره‌نگى يێ پيس با، پێغه‌مبه‌رێ خودێ (سلاڤێت خودێ لێ بن) سه بۆ مه دورست نه‌دكر ئه‌م بۆ نێچيرێ و زێره‌ڤانيێ بگرين و خودێ چێتر دزانيت.
