ب/ هه‌كه بچويكێ ب شير، كورِ بيت و بميزته ب مرۆڤي ڤه، بۆ پاقژكرنێ به‌س دێ ئاڤێ ل جهێ ميزا وى ره‌شينين، و ئه‌ڤه پاقژكرنا ميزا بچويكێ ب شيره، هه‌كه كورِ بيت، و هه‌كه كچ بيت، دڤێت بێته شويشتن. ژبه‌ر چ ئه‌ڤ جوداهيه هه‌يه؟ چونكى ژ پێغه‌مبه‌رى (سلاڤێت خودێ لێ بن) هاتيه زانين هه‌روه‌كى ئيمام عه‌لى (خودێ ژێ رازی بيت) ژێ ڤه‌گوهاستى: ميزا كوركى دهێته ره‌شاندن و يا كچێ دهێته شويشتن، ئه‌ڤه هه‌كه ب شير بن و خوارنێ نه‌خۆن، و هه‌كه خوارن خوار.. يا هه‌ردووكان وه‌كى ئێكه، و دڤێت بێته شويشتن. نهێنى و حيكمه‌ت ژ ڤێ جوداهيێ ئه‌ڤه‌يه هه‌روه‌كى زانا دبێژن: ژن و زه‌لام بچويكێ كور هه‌لدگرن، و پتر ژ كچێ، دبيت كچا ب شير گه‌له‌ك نه‌هه‌لينن، و هۆسا دا زه‌حمه‌ت بۆ گه‌له‌كان چێ نه‌بيت ئه‌ڤ جوداهيه د پاقژكرنا هه‌ردووكاندا هات. ديسا ميزا كورى به‌لاڤ دبيت و د جهه‌كى بتنێ دا ناچيته خوارێ، و ب زه‌حمه‌ته هه‌مى بێته شويشتن، و به‌روڤاژى ميزا كچێ د جهه‌كێ بتنێ دا دچيت و ساناهيه بێته شويشتن، و ئه‌ڤرۆ زانستێ ئه‌گه‌ره‌كێ دی ژى دا ل گه‌ل ئه‌وژى ئه‌ڤه‌يه ميزا كچى چل جاران پتر به‌كتريا دناڤدا ژ يا كورى و خودێ چێتر دزانيت.
