ب / گه‌له‌ك زانا سونه‌تكرنێ ب واجب ددانن، وه‌كى مه‌زهه‌بێ شافعى و مه‌زهه‌بێ ئيمام ئه‌حمه‌د، و ل ده‌ف ئه‌بو حه‌نيفه(خودێ ژێ رازي بيت) و هه‌ڤالێت وى و ئيمام مالك(خودێ ژێ رازي بيت) و هه‌ڤالێت وى سونه‌ته، به‌لێ سونه‌ته‌كا ته‌ئكيدكريه، وسونه‌تكرن ئێك ژ نيشانانه، موسلمان ژ غه‌يرى خۆ بێته نياسين، به‌لێ بۆچى دبێژنێ سونه‌تكرن؟ چونكى دويفچۆنه‌كه بۆ سونه‌ت و رێكا پێغه‌مبه‌رێ خۆشتڤى (سلاڤێت خودێ لێ بن)، دبێژيت: ((سونه‌تا پێغه‌مبه‌ران پێنجن يان پێنج تشت ژ سونه‌تا پێغه‌مبه‌رانه: سونه‌تكرن و تراشينا رێڤا و برِينا نينۆكا و هلكێشانا بنكه‌فشا و كورتكرنا سمبێلا)). له‌وا دبێژنێ سونه‌تكرن و خودێ چێتر دزانيت.
