ب / به‌لێ، ياباشه هه‌ركه‌سێ بچيته تاره‌تێ ڤان ره‌وشتان به‌رچاڤ وه‌رگريت دا هه‌تا چۆنا وى بۆ تاره‌تێ ژى بۆ ب عيباده‌ت بێته نڤێسين:
1 ـ چو دگه‌ل خۆ هه‌لنه‌گريت ناڤێ خودێ ل سه‌ر بيت، ژبلى هندێ كو بترسيت، ئه‌گه‌ر هه‌لنه‌گريت دێ ئه‌و تشت به‌رزه‌بيت.
2 ـ دويركه‌فتن و خۆ نه‌په‌نيكرن ژ مرۆڤان، نه‌خاسمه دگه‌ل ده‌ستاڤا ستوير.
3 ـ به‌رى ب ژۆر بكه‌ڤيت بۆ جهێ ده‌ستئاڤێ ب ده‌نگه‌كى گوه لێ ببت بێژيت: (بسم الله، اللهم اني اعوذ بك من الخبث والخبائث)، ئانكو: ب ناڤێ خودێ، يا خودێ ب راستى ئه‌ز خۆ ب ته دپارێزم ژ شه‌يتانێت مێ و پيساتيان.
4 ـ خۆ بێ ده‌نگكرن ل سه‌ر تاره‌تێ.
5 ـ خۆ پاراستن ژ پيساتيێ، چه‌ندا كێم بيت.
6 ـ به‌رێ خۆ و پشتا خۆ هه‌كه ل چۆلى بيت نه‌ده‌ته قيبلێ.
7 ـ ئه‌گه‌ر ژ ده‌رڤه بيت دڤێت:
أ ـ جهه‌كێ نه‌رم هه‌لبژێريت دا چپك نه‌ئێنێ.
ب ـ ل سه‌ر كونه‌به‌ر و كه‌ندێت عه‌ردى نه‌بيت، دا زيان نه‌گه‌هيته جانه‌وه‌رێت تێدا.
ج ـ ل بن دارێت ب سيبه‌ر نه‌بيت، كو جهێ بێنڤه‌دانا خه‌لكى بن، و ل بن دارێت فێقيى ژى نه‌بيت وه‌كى (هه‌ژيرا و تويا و مژمژا و... هتد).
د ـ ل سه‌ر رِێكان نه‌بيت.
8 ـ ده‌ستاڤا خۆ د سه‌رشۆيێدا و د ئاڤا راوه‌ستيايى و رێژدا خۆش نه‌كه‌ت.
9 ـ ژ پێرڤه ده‌ستاڤا خۆ خۆش نه‌كه‌ت، ژبلى هندێ كو بترسيت روينشتى دێ پتر پيس بيت.
10 ـ جهێ پيساتيێ ب ئاڤێ پاقژ بكه‌ت، و ئه‌گه‌ر ئاڤ ب ده‌ست نه‌كه‌فت ب به‌رى يان ب هه‌ر تشتێ جهێ به‌رى دگريت.
11 ـ ب ده‌ستێ راستێ خۆ پاقژ نه‌كه‌ت، و ده‌ستێ چه‌پێ بۆ ڤێ چه‌ندێ بێته ب كارئينان.
12 ـ ئه‌گه‌ر وه‌سواس هه‌بيت كو چپك ژێ دئێن، پێسيرا خۆ بره‌شينيت دا وه‌سواسێ راكه‌ت و نه‌هێليت، هه‌رگاڤا ب ته‌راتيه‌كێ حه‌سيا، بێژته خۆ: ئه‌ڤه ئه‌و ئاڤه يا من هاڤێتيێ.
13 ـ پشتى ب دويماهيك دئێت ده‌ستێت خۆ ب سابوينێ يان ب تشته‌كێ دى بشۆت، دا پاقژ ببن و چو شوينمايى پێڤه نه‌مينن.
14 ـ وه‌ختێ ب ژۆر دكه‌ڤيت به‌ري پێ چه‌پێ پاڤێژيت، و وه‌ختێ ده‌ردكه‌ڤيت پێ راستێ.. وبێژيت: (غفرانك)، ئانكو: ئه‌ز داخوازا گونه‌ه ژێبرن و لێنه‌گرتنێ ژ ته دكه‌م.
