ب / پێغه‌مبه‌رێ خۆشتڤى (سلاڤێت خودێ لێ بن) نوينۆك برِينێ ژ سونه‌تێت پێغه‌مبه‌ران ددانيت. پێغه‌مبه‌رێ خودێ (سلاڤێت خودێ لێ بن) دبێژيت: ((ده‌هـ تشت ژ سونه‌تا پێغه‌مبه‌رانه: سمبێل كورتكرن و ريه به‌ردان و سيواك و ئاڤ هه‌لكێشان ب دفنێ و نوينۆك برِين و شويشتنا ناڤ تلان و بن كه‌فش چێكرن و رێڤ چێكرن، و خۆپاقژكرن ب ئاڤێ)). ڤه‌گێرى گۆت: و ياده‌هێ من ژبيركر ژبلى كو ئه‌و ئاڤ د ده‌ڤى تێوه‌ردان بيت. و فه‌ره ئه‌م ل سونه‌ت و رێكا پێغه‌مبه‌ران د هشياربين، به‌لێ زانا دبێژن: حوكمێ نوينۆك برِينێ سونه‌ته نه‌واجبه، به‌لێ نابيت مرۆڤ سونه‌تا پێغه‌مبه‌رى (سلاڤێت خودێ لێ بن) پشت گوهێت خۆڤه باڤێت؛ چونكى هه‌ر ئه‌و (سلاڤێت خودێ لێ بن) دبێژيت: ((و هه‌ركه‌سێ رێكا من بهێليت نه ژ منه)). و نه‌برِينا نوينۆيكا، دبيت دێ قرِێژ كه‌ڤيته بن، و ئاڤ ناگه‌هيته له‌شێ وى، هنگى نڤێژێت وى نه‌دورستن و دبيت هه‌تا جه‌نابه‌تا وى ژ سه‌ر نه‌رابيت، چونكى قرِێژا كه‌تيه د بنرِا و ناهێليت ئاڤ بگه‌هيته هه‌مى له‌شێ وى، و دبيت ژ ڤێ مه‌زنتر ده‌مێ خۆ دشۆت پيساتيا ده‌ستنڤێژا وى يا ستوير بمينيته د بن نوينۆكێت ويرِا، هنگى ديسا نڤێژێت وى دورست نابن، له‌وا ياباشه ئه‌م نه‌هێلين نوينۆكێت مه درێژ ببن، و يا سونه‌ت هه‌مى حه‌فتيا جاره‌كێ بتراشين و خودێ چێتر دزانيت.
