بەرسڤێت دۆر پاقژیێ

ب / به‌لێ راسته‌ شوين ده‌ڤێ سه‌ى نه‌وه‌كى شوين ده‌ڤێ هه‌ر جانه‌وه‌ره‌كێ ديه‌، پێغه‌مبه‌رێ خودێ (سلاڤێت خودێ لێ بن) دبێژيت: ((هه‌كه‌ سه‌ى ده‌ڤێ خۆ كره‌ ئامانێ ئێك ژ هه‌وه‌.. حه‌فت جاران بشۆن، يا ئێكێ ب ئاخێ، دێ پاڤژ بيت)). به‌لێ، شوين ده‌ڤێ سه‌ى ب ڤى ره‌نگى پاقژ دبيت، به‌لێ شوين ده‌ڤێ به‌رازى كا وه‌كى يێ سه‌يه‌، دڤێت حه‌فت جاران بێت شويشتن و جارا ئێكێ ب ئاخێ، نه‌لێكى يا هه‌ى د ناڤبه‌را زاناياندا.. ل ده‌ف شافعيان و حه‌نبه‌ليان دڤێت وه‌كى يێ سه‌ى بێته‌ پاقژكرن؛ چونكى به‌راز ژ سه‌ى پيستره‌، به‌لێ غه‌يرى وان دبێژن: راسته‌ شوين ده‌ڤێ به‌رازى يێ پيسه‌ و گۆمان د پيساتيا به‌رازيدا نينه‌، به‌لێ به‌راز ل سه‌ر سه‌ى ناهێته‌ قياسكرن، و حكومێ سه‌ى حوكمه‌كێ تايبه‌ته‌ و به‌س شوينده‌ڤێ سه‌ى ب تنێ ژبه‌ر فه‌رموودێ دێ ب وى ره‌نگێ تايبه‌ت هێته‌ شويشتن و جارا ئێكێ ب ئاخێ، و غه‌يرى سه‌ى هه‌ر گاڤا بۆ ته‌ ديار بوو پاقژ بوو خلاس ڤێجا ب جاره‌كێ يان پتر و خودێ چێتر دزانيت.