ب / پاقژكرنا عه‌ردى ب ڤى ره‌نگيه: ئاڤ لێ بێته‌كرن و هشكك ببيت، چونكى يا د سه‌حيحا بوخارى و موسلميدا هاتي: كۆچه‌ره عه‌ره‌به‌كى ميزته مزگه‌فتا پێغه‌مبه‌رى (سلاڤێت خودێ لێ بن)، خه‌لك لێ رابوون، پێغه‌مبه‌رى (سلاڤێت خودێ لێ بن) گۆت: ((بهێلن، و دۆلكه‌كێ ئاڤێ ب سه‌ر ميزا ويداكه‌ن، ب راستى هوين ساناهيكه‌ر يێت هاتينه هنارتن، نه زه‌حمه‌ت ئێخ هاتينه هنارتن)).
هۆسا ديار دبيت عه‌رد ب ڤى ره‌نگى دهێته پاقژكرن و هه‌وجه نينه ئه‌و عه‌رد بێته ره‌نين، ڤێجا هه‌كه بچويكه‌كى ميزته عه‌رده‌كى، دێ ئه‌و عه‌رد پاقژ بيت هه‌كه ئاڤ پێداكر، ديسا دێ پاقژ بيت هه‌كه ئه‌و عه‌رد هشك بوو، و جهێ پيساتيێ نه‌ما، ڤێجا چ ب باى هشك ببيت يان ب هه‌تاڤێ، يا فه‌ر، پيساتى نه‌مينيت ب چ ره‌نگێ هه‌بيت، هه‌روه‌كى زانايێ ناڤدار ئبن ته‌يمييه(خودێ ژێ رازي بيت) ڤێ دبێژيت و خودێ چێتر دزانيت.
