ب : دڤێت ئه‌م باش بزانین، و هه‌ده‌م ل بیرا مه بیت، و ژبیرا مه نه‌چیت، و به‌رده‌وام مه ئاگه‌ھ ژ خۆ هه‌بیت، هه‌ر تشتێ ئه‌م دبێژین و دهێته سه‌ر زار و ئه‌زمانێ مه، ئه‌م ژێ به‌رپرسین، و هه‌می دهێته نڤیسین، و چو به‌رزه‌نابیت، هویر بیت گر بیت بچویك بیت مه‌زن بیت، خودایێ مه‌زن دڤێ راستێدا دبێژیت : (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيدٌ) ئانكو: ملیاكه‌ت یێت ئامه‌ده‌باشیێدا و به‌ر ته‌ڤه یێت راوه‌ستیاینه، چ بێژی دێ نڤیسین، ب مژانه بیت، یان ترانه بیت، ل گه‌ل به‌رێ خۆ بده گۆتنا خودێ؛ دا مه‌هه‌میا های ژ خۆ هه‌بیت، و به‌س گونه‌هان ل خۆ زێده‌كه‌ین، (ما) و (من قول) (ما) ل ڤێرێ گشتگیر و گشتخوازه هه‌می گوتن و سوحبه‌تان دگریت، یا ب ترانه و یا مژانه، و (من قول) رامانا هندێ دده‌ت هه‌می گۆتن و بێژه‌یان د چ كراس و رو‌شدا بێنه گۆتن دهێنه نڤیسین، و دڤێت ئه‌م بزانین گونه‌ھ و تشتێ پتر هه‌میان خه‌لكی دبه‌ته جهنه‌مێ ئه‌زمان و ئاخفتنه، و باراپتر خه‌لك ژ ئه‌گه‌ر و ئه‌نجامێ ئه‌زمانێ خۆ سه‌روسه‌ر دچنه جهنه‌مێ، و مخابن ترازیا گه‌له‌كان بۆ هه‌لسه‌نگاندا ئاخفتنێ یا كوره و له‌واز و خه‌له‌ته، ژ به‌رهندێ خۆ ژ چ ئاخفتنا ناده‌نه پاش، و ئه‌و ب خۆ دبیت ئه‌م چ بهایی نه ده‌ینه هنده ئاخفتنان به‌لێ ل ده‌ف خودێ دمه‌زنن، و ب وان ئاخفتنان یان دێ هه‌ژی جهێت كویر یێت ژ جهنه‌مێ یان دێ هه‌ژی خه‌لاتێ به‌حه‌شتێ بیت، دڤێ راستێدا پیغه‌مبه‌ر سلازڤێت خودێ ل سه‌ربن دبێژیت : (إِنَّ الْعَبْدَ لَيَتَكَلَّمُ بِالْكَلِمَةِ من رِضْوَانِ اللَّهِ لَا يُلْقِي لها بَالًا يرفع الله بها دَرَجَاتٍ وَإِنَّ الْعَبْدَ لَيَتَكَلَّمُ بِالْكَلِمَةِ من سَخَطِ اللَّهِ لَا يُلْقِي لها بَالًا يهوى بها في جَهَنَّمَ) ئیمامێ بوخاری ڤه‌گێرایه، به‌رێ خۆ بدێ كا چاوا ئاخفتن خودانێ خۆ سه‌ر دئێخیت یان بن دئێخیت، و هه‌ردوكان خودانێ وێ ب چڤه وه‌رنه‌گرت، و چ بها بۆ نه‌ددانا، و نوكتا كرێت نابیت ب كه‌ڤیته سه‌ر ئه‌زمانێ موسلمانی، موسلمان تشتێ پاك و پاقژ پێڤه‌تر نا وه‌رگریت، و ژ پاك و پاقژی ژی ژ ئه‌زمانێ وی نا ده‌ركه‌ڤیت، ئه‌و یێ وه‌سایه وه‌كی پێغه‌مبه‌ری سلاڤێت خودێ ل سه‌ربن گۆتی : (مَثَلُ الْمُؤْمِنِ مَثَلُ النَّحْلَةِ لا تَأْكُلُ إِلا طَيِّبًا وَلا تَضَعُ إِلا طَيِّبًا) مه‌ته‌لا وی وه‌كی مێشا هنگڤینییه ژ پاك و پاقژی پێڤه‌تر نا راكه‌ت و ه‌رگریت، و هه‌ر ژ پاك و پاقژی پێڤه‌تر نا ده‌ت، و دڤێت قورئان پیرۆزیا وێ یا پارازتی بیت، و ئه‌م ب زانین پیرۆزیێت مه قورئان ئاخفتنا خودێ سه‌رپشكا وان هه‌میان دهێت، و نابیت ب چ ره‌نگا بێته كیمكرن ب ترانه‌ڤه یان نه ب ترانه‌ڤه، و دڤێت ئه‌م بزانین ژبلی كو سه‌رپشكا پیررزیان دهێت ساخله‌تێ خودیێه و گوتنا نو‌كتان ب ساخله‌تێ خودێڤه گه‌له‌ك و گه‌له‌ك مه‌ترسیداره، و ترانه‌كرن ب پیروزیان كاری مونافق و دوورویانه و دبیت مرۆڤی ژ ئیسلامێ ده‌ربێخیت، خودایێ مه‌زن دراستا ڤێ چه‌ندێدا دبێژیت: (ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزؤون لا تعتذروا قد كفرتم بعد إيمانكم) ڤێجا موسلمان نا بیت ب چ ره‌نگا ئایه‌تێت قورئانێ بكه‌ته جهێ نوكته و ترانێت خۆ ترسا هندێ ب كه‌ڤیته به‌ر ڤێ ئایه‌تێ و خودێ نه‌كه‌ت ژێ بگریت و خودێ چێتر دزانیت.
