ب : باش ئه‌وه ئه‌م خه‌مه‌كا مه‌زن ب قورئانێ بخوین ب هه‌می لایانڤه، و به‌ری هه‌می لایان دورست بخوینن؛ دا ئه‌و خێرا ب خاندنێڤه گرێدایی ب گه‌هیته مه، و ل گه‌ل خواندێ خه‌مێ ژ فه‌رمان و تێگه‌هشتنا وێ بخوین، و بزانن ئه‌وا مه خواندی چ ئه‌مر و فه‌رمان تێدانه، و كا چ ژ مه دڤێت، و زانایێت مه خواندنێ دكه‌نه سێ ئاست و سێ پێگه‌ھ، هه‌چیا مرۆڤی پێگری پێكر باشه:
یا ئێكی دبێژنێ: ته‌حقیق ئه‌و ژی ئه‌ڤه‌یه هه‌ر پیته‌ك بێته تێركرن ژ درێژی و ئاشكراكرنا هه‌مزێ و دورستنكرا حه‌ره‌كان و ئینانا غونه‌یان و ژێكڤه‌كرنا پیتان و ده‌رێخستنا وان ژ جهێ وان، ب كۆرتی ته‌حقیق ئه‌ڤه‌یه: خواندنا هێدییه ل گه‌ل به‌رچاڤوه‌رگرتنا هه‌می شه‌نگستێت ته‌جویدێ، خودایێ مه‌زن دبێژیت: (وَقُرْءانًا فَرَقْنَاهُ لِتَقْرَأَهُ عَلَى النَّاسِ عَلَى مُكْثٍ) رامانا (عَلَى مُكْثٍ) دا هێدێ هێدی و نه‌رم بخوینی.
دوو: پێگه‌هێ دوویێ ئه‌لحه‌دره و ئه‌و ژی ڤێداچون و سڤك خواندنه دگه‌ل به‌رچاڤوه‌رگرتنا فه‌رمانێت (ئه‌حكامێت) ته‌جویدێ ب سفكی بۆ هندێ پتر قورئانێ بخوینیت.
سێ: پێگه‌هێ سێیێ ته‌دویره ئه‌وژی ئاسته‌كێ ناڤنجییه دكه‌ڤیته ناڤبه‌را ته‌حقیق و حه‌درێدا.
و هه‌رسێ ره‌نگێت خواندنێ ددورستن و یا ژهه‌میان باشتر ل دویف بوچونا پتریا زانایان ته‌حقیقه چونكی مه‌به‌ستێت قورئانێ تێدا جھبه‌جهـ دبن تێگه‌هشت و هزركرن و دڤێت ئه‌ڤه ل گه‌ل قورئان خواندنێ هه‌بن له‌وا خودایێ مه‌زن دبێژیت: (أَفَلاَ يَتَدَبَّرُونَ الْقُرآنَ أَمْ عَلَى قُلُوبٍ أَقْفَالُهَآ) ما دێ چاوا ئه‌ڤ هزركرنه د خواندنا زیده ب له‌زدا هێته‌كرن.
