ب : هه‌كه ل سه‌ر حسێبا كاری بیت نه دورسته، و دڤێت ئه‌و بزانیت دكاریدا وه‌ختێ نه یێ وییه و نابیت ئه‌و وی وه‌ختی ب تشته‌كێ هه‌ڤركڤه ببورینیت وكارتێكرنێ دشولێ ویدا بكه‌ت خۆ ئه‌و قورئان خواندنبیت و ئه‌و ل دویف گرێبه‌سته‌كێ د وی شولیدا یێ هاتیه دامه‌زراندن و وێ گریبه‌ستێ مه‌رجێت خۆ یێت هه‌ین و گرنگترین مه‌رج كارێ خۆ بكه‌ت و مژویلی چ تشتان نه‌بیت كارلێكرنێ دكارێ ویدا بكه‌ت، به‌رامبه‌ر ڤێ مافدارێ موچه‌یه و دڤێت هه‌ردوو لا پێگریێ ب وان مه‌رجان بكه‌ن خودایێ مه‌زن دبێژیت: (يَا أَيُّهَا الَّذِينَ آمَنُواْ أَوْفُواْ بِالْعُقُودِ) و پێغه‌مبه‌ر سلاڤێت خهودێ ل سه‌ر بن هه‌ر دڤێ رامانێدا دبیژیت: (المسلمون عند شروطهم ما وافق الحق من ذلك) به‌لێ ئه‌گه‌ر چ شولێ فه‌رامانبه‌ریا ئه‌و لێ دده‌ستیدا نه‌بیت و خواندنا وی بۆ قورئانێ یان هه‌ر كتێبه‌كا هه‌بیت رۆژنامه‌بیت گوڤاربیت دورسته و چو تێدا نینه ب وی مه‌رجێ مه گۆتێ كار لێكرنێ ل كارێ وی یێ سه‌ره‌كی نه‌كه‌ت و خودێ چێتر دزانیت.
