ب : خواندنا قورئانێ دڤێت نه‌راوه‌ستیت و یا به‌رده‌وام بیت و هه‌رگه‌ڤا خه‌تمه ب دویماهی هات باشه ده‌ست پێ بكه‌ته‌ڤه و به‌رده‌وام بیت، پێغه‌مبه‌ر سلاڤێت خودێ ل سه‌ربن دبیژیت هه‌روه‌كی دڤه‌گێرا حاكمیدا ژ ئبن عه‌باسی خودێ ژێ رازیبیت هاتی دبێژیت: (عن بن عباس رضي الله عنهما أن رجلا قال يا رسول الله أي الأعمال أفضل قال الحال المرتحل قال يا رسول الله وما الحال المرتحل قال صاحب القرآن يضرب من أوله حتى يبلغ آخره ومن آخره حتى يبلغ أوله كلما حل ارتحل) زه‌لامه‌كێ پسیار ژ پێغه‌مبه‌ری سلاڤێت خودێ ل سه‌ربن كر گۆتێ: یا پێغه‌مبه‌رێ خودێ كیژ ژ كاران ب خێرتره؟ گۆت: یێ دگه‌هیت و دچیت گۆت: یا پێغه‌مبه‌رێ خودێ یێ دگه‌هێت و دچیت چیه؟ گۆت: قورئان خوینه سه‌ری ده‌ستپێدكه‌ت هه‌تا دوماهیێ و ژ دویماهیێ جاره‌كا دی ده‌ست ب ده‌ستپێكا وی دكه‌ته‌ڤه هه‌تا دهێته دویماهیێڤه، و هوسا یی به‌رده‌وامه ل گه‌ل قورئانێ به‌رده‌وام قورئانێ دخوینیت، و ناراستینیت، و چونكی خودایێ مه‌زن فه‌رمانا پێغه‌مبه‌رێ خۆ یێ كری به‌ردوام قورئانێ بخوینیت خودایێ مه‌زن ل سه‌ر زارێ وی دبێژیت: (وَأُمِرْتُ أَنْ أَكُونَ مِنَ الْمُسْلِمِينَ وَأَنْ أَتْلُوَ الْقُرْآنَ) كا چاوا ئه‌ڤه فه‌رمانه بۆ پێغه‌مبه‌ری سلاڤێت خودێ ل سه‌ربن، هوسا فه‌رمانه بۆ مه ئه‌م به‌رده‌وام قورئانێ بخوینین و خواندنا قورئانێ نه هێلین.
و ژ به‌ركرنا قورئانێ دبیته ئه‌گه‌رێ هندێ تێدا شاره‌زا و ره‌وان بیت، و ئه‌ڤان جهه‌كێ تایبه‌ت یێ هه‌ی، پێغه‌مبه‌ر سلاڤێت خودێ ل سه‌ربن دراستا واندا دبێژیت: (الماهر بالقرآن مع السفرة الكرام البررة) شاره‌زا و ره‌وان دقورئانێدا یێ ل گه‌ل ملیاكه‌تێت قه‌در گران، و هه‌كه هه‌ر پیته‌ك ب ده‌ھ خێران بیت كا چه‌ند پیتان ژبه‌ركرنا خۆدا دخوینیت هند خێر بۆ تێنه نڤیسن ژ به‌ر هندێ زانا دبێژن یێ قورئانێ ژ به‌ر دكه‌ت راسته كێمێ دخوینیت به‌لێ گه‌له‌ك دوباردكه‌ت و هژمارا پیتان یێت وی ژ هژمارا پیتێت یێ دخوینیت كێمتر نینن؛ ژبه‌ر هندێ هنده زانا ژ به‌ركرنێ ب خێرتر ددانن به‌لگه‌یێ وان صه‌حابێت قورئان ژ به‌ر قه‌درێ وان ساخ و مری مه‌زنتربوو ژ یێت دی و پێشیا وان بوون و ب ناڤێ هه‌لگرێت قورئانێ دناڤداربوون و دشه‌رێ ئوحودێدا ده‌مێ شه‌هیدێت وێ هاتینه ڤه‌شارتن پێغه‌مبه‌ری سلاڤێت خودێ ل سه‌ربن كێ پتر قورئان ژ به‌ربوو ئه‌و به‌ری هه‌ڤالێت وی دكره دگوریدا.
