ب : قورئان خواندنا دورست و یا به‌رهه‌مدار ئه‌وه، تو قورئانێ مه‌زن مه‌زن بدانی، و بزانی ئاخفتن و گۆتنا خودایێ ته‌یه، خودایێ عه‌رد و عه‌سمانان، و خودایێ هه‌می گه‌ردوونی، و سڤك وه‌رنه‌گره؛ دا ئه‌ڤه هه‌می هزرێت ته كومكه‌ت و باش هزرا خۆ تیدا بكه‌ی، و مژیلی چ تشتێت دی نه‌بی، نه ب هزرا خۆڤه، و نه ب گه‌ھ و بارێت خۆڤه ئه‌ڤه ئێك، و دوو مه‌زن راگرتنا خودانێ ڤێ قورئانێ، سێ به‌رهه‌ڤكرن و ئاماده‌كرنا دلێ خۆ و مژیلی چ تشتان نه‌بیت، و ب قورئانێ تنێڤه یێ گرێدای بیت، و پاشی دڤێت هزرا خۆ باش د وێ خواندنێدا بكه‌ی یا تو دخوینی و بلا خه‌ما ته ئه‌و نه‌بیت كا ته قورئان گه‌هانه كیرێ، به‌لێ بلا خه‌ما ته ئه‌و بیت قورئانێ تۆ گه‌هاندیه كیرێ، و پاشی هه‌ر حوكمه‌ك و فه‌رمانه‌كا دهێت خۆ ل به‌رامبه‌ر بدانه و خۆ ل دویف وی حوكمی و فه‌رمانێ بكێشه، كا تۆ چه‌ند ب وی حوكمی پێگری و پاشی ل گه‌ل هه‌رئایه‌ته‌كێ بژی ب ره‌نگه‌كێ وه‌سا تۆ ئایه‌تێ قودیك بدانی و خۆ تێرا باش ببینی، خه‌له‌تی و كێماسێت ته دیاره ببن، و پاشی دڤێت تۆ هه‌می فه‌رمان و نه‌هیان بۆ خۆ تایبه‌ت بدانی و بزانی تۆ ب وان ئه‌مر و نه‌هیان مه‌به‌ستداری و ئاخفت تایبه‌ت بۆ ته‌یه و پاشی كارتیكرن ل ته ئاشكرا بیت و خودێ چێتر دزانیت.
