ب : ده‌ستپێكێ دڤیت ئه‌م بزانین سوجدا تیلاوێ سونه‌ته و نه واجبه، به‌لێ ژ وان سونه‌تێت هه‌ژییه ئه‌م خه‌مێ ژێ ب خوین و لێ هشیاربین و ژ خۆ نه‌به‌ین هندی مه شیان هه‌بن، به‌لێ هه‌كه ژ به‌ر هه‌ر ئه‌گه‌را هه‌بیت ئه‌م نه‌چوینه سوجدێ ئه‌م نه یێت گونه‌هكارین، به‌لێ مه خێرا سوجده‌برنێ ژ خۆ بر، و سوجدێ ئه‌گه‌رێ خۆ یێ هه‌ی ئه‌و ژی ئایه‌تا سوجدییه، هه‌ر گاڤا ئه‌م گه‌هشتینه وێرێ باشه ئه‌م بچینه سوجدێ دنڤێژێدا بین یان ده‌رڤه‌ی نڤێژێ، و گێرو نه‌كه‌ین، و هه‌كه ئه‌م چوینه هنده ئایه‌تێت دی و مه سوجده نه بر ئه‌ڤه ئه‌و ئه‌گه‌ر نه‌ما ئه‌م بچینه سوجدێ، و گیروكرن هه‌تا كارێ خۆ بۆ سوجده‌برنێ دكه‌ین دورسته به‌س پشتی وێ ئایه‌تێ به‌رده‌وامیێ ب ده‌ینه خواندنا خۆ، و یان ویردێ خۆ، به‌لێ ممینی پشتی ده‌مه‌كێ ژ خواندنێ ژ نوی بچینه سوجدێ نه دورسته؛ چونگی ئه‌گه‌رێ سوجحده‌برنێ نه‌ما، و هه‌كه ئه‌م دجهه‌كێدا قورئانێ بخوینین چ ئه‌م ل سه‌یارێدا بین یان ل سه‌ر كارێ خۆ بین و نه‌شێین سوجدێ دورستی ببه‌ین ئه‌م دشێین سه‌رخۆ و ل گه‌ل پشتا خۆ و ب ئبیه‌تا سوجده برنێ بچه‌مینین و دوعایا سوجدێدا دهێته گۆتن بخوینین ئه‌ڤه ب ئانه‌هیا خودێ جهێ سوجدێ دگریت و هه‌كه ئه‌م ڤێ ژی نه‌شیاین خودێ ل مه ناگریت و سوجده واجب نینه و من هیڤیه دڤی ره‌وشێدا ئه‌م خودان خێربین چونكی (انما الاعمال بالنیات) و مه دڤیا به‌لێ ئه‌م نه‌شیاین و ده‌رفه‌ت دورست نه‌بوو هنگی من هیڤییه خودێ خێرا سوجده‌برنێ ب ده‌ته مه و خودێ چێتر دزانیت.
