بەرسڤێت ل دۆر قورئانا پيرۆز

ب : قورئان ئاخفتنا خودێیه‌، و رێز و حورمه‌تا خۆ هه‌یه‌، و دڤێت ئه‌ڤ رێز و حورمه‌‌ته‌ بێته‌ پارازتن، و نابیت چ كتێبان یان هه‌ر تشته‌كێ دی ب دانینه‌ سه‌ر قورئانێ، و زانایێت ئه‌ڤه‌ ب ئاشكرا گۆتی، ئبن حه‌جه‌رێ هه‌یته‌می د (الفتاوی الحدیثه‌)دا و حه‌كیمێ ترمزی د (نوادر الاصول)دا و به‌یهقی د (شعب الایمان)دا، به‌لێ هه‌كه‌ ژ بێ ئاگه‌هی بیت یان ب خه‌له‌تیڤه‌ بیت یان ژ بیركرن بیت هیڤیه‌ نه‌ یێ گونه‌هكاربیت، به‌لێ ژ ئاگه‌هی و ژ مه‌به‌ست وه‌بكه‌ت حه‌رامه‌، و یێ گونه‌هكاره‌، و كتێبێت دینی ژی ئه‌وێت ئایه‌ت و حه‌دیس تێدا نابیت جلكان یان هه‌ر تشته‌كێ دی ب داننه‌ سه‌رڤه‌ نه‌خاسمه‌ هه‌كه‌ ژ قه‌ستا وه‌ بكه‌ت ئه‌ڤه‌ خه‌له‌ته‌ و حه‌رامه‌ به‌لێ هه‌كه‌ ژ خه‌له‌تیڤه‌ و بێ مه‌به‌ست ئه‌ڤه‌ رویدا هیڤیه‌ گونه‌ھ نه‌بیت و خودێ چێتر دزانیت.