ب : باوشكێ ئه‌گه‌رێت خۆ یێت هه‌ین و نیشانا له‌ش گرانێیه، ژ به‌ر هندێ فه‌ره ئه‌م وان ئه‌گه‌ران چاره سه‌ركه‌ین ژ وان ئه‌گه‌ران ئه‌ڤه‌یه زك وعویر پریه، و شه‌یتانی كه‌یف ب باوه‌شكێ دهێت و ب باوه‌شكاری د كه‌ته كه‌نی، و دڤێ رامانێدا پێغه‌مبه‌رێ خوشتڤی سلاڤێت خودێ ل سه‌ربن د ڤه‌گێرا بوخاریدا دبێژیت: (التَّثَاؤُبُ من الشَّيْطَانِ فإذا تَثَاءَبَ أحدكم فَلْيَرُدَّهُ ما اسْتَطَاعَ فإن أَحَدَكُمْ إذا قال هَا ضَحِكَ الشَّيْطَانُ) باوشك ب راستی ئه‌و ژ شه‌یتانییه ئانكو شه‌یتانی پێ خوشه و نه ئه‌و وه‌دكه‌ت، هه‌روه‌كی ئبن عه‌ره‌بی خودێ ژێ رازی ڤێ دبێژیت، ڤێجا هه‌كه باوه‌شكا ئێك ژ هه‌وه هات بلا نه‌هێلیت هندی بشێت، ب راستی هه‌كه باوه‌شكا ئێك ژ هه‌وه هات گۆت ههها (ده‌ڤێ خۆ ڤه‌كر) شه‌یتان پێ دكه‌نیت، ڤێجا هه‌ر گاڤا باوه‌شكا ته هات نه هێله، تایبه‌ت دنڤێژێدا، دڤه‌گێره‌كا موسلمی و ترمزیدا هاتیه پێغه‌مبه‌ر سلاڤێت خودێ ل سه‌ربن دبیژیت: (التثاؤب في الصلاة من الشيطان فإذا تثاءب أحدكم فليكظم ما استطاع) باوه‌شك دنڤێژێدا ژ شه‌یتانیه، ئانكو پێ خۆشه، ڤێجا هه‌كه باوه‌شكا ئێك ژ هوه هات بلا داعویریت و ده‌ڤێ خۆ بدانیته سه‌رێك هندی بشێت، و دڤگێره‌كا دیدا یا تورمزی پێغه‌مبه‌ر سلاڤێت خودێ ل سه‌ربن دبیژیت: (إذا تثاءب أحدكم فليضع يده على فيه ولا يعوى فإن الشيطان يضحك منه) هه‌كه ئێك ژ هه‌وه باوه‌شك هاتێ بلا ده‌ستێ خۆ ب دانیته سه‌ر ده‌ڤێ خۆ و ده‌ڤێ خۆ ڤه‌نه‌كه‌ت و هه‌كه ده‌ڤێ خۆڤه‌كر شه‌یتان پێ دكه‌نیت، ڤێجا هندێ ته شیان هه‌بن ل سه‌ر نڤێژی و سه‌ر قورئانێ باوه‌شكا خۆ بگره، و ده‌ڤێ خۆ ڤه‌نه‌كه، و هه‌كه هه‌ر دێ ڤه‌بیت ده‌ستێ خۆ ب دانه سه‌ر ده‌ڤێ خۆ و نه هێله ڤه‌كری، و تو ب ده‌ستێ خۆ باوه‌شكا بینیه خۆ گونه‌هه، به‌لێ هه‌كه ئه‌و هاتنه ته نه هێله و چ نینه و نه گونه‌هه، هه‌كه ته كاركر نه‌هێلی بهێن، و خودێ چێتر دزانیت.
