ب / مخابن مرۆڤى دەليڤە و دەم و وەخت بۆ هەمى تشتان هەبن بەلێ مرۆڤى بۆ فێركرنا قورئانێ نەبيت، دڤێت تو دەليڤێ بۆ خۆ چێكەى و پەيداكەى، چونكى رێك بۆ فێربوونا قورئانێ ئەڤرۆ يێت ب ساناهى بووين و يێت هاتينە د مالێت مەڤە و هەمى هێجەت يێت ژ مە هاتينە برِين و كەسێ ژ مە هێجەت نينە بێژيت: من چو رێك نينن فێرى قورئانێ ببم، ژ وان رێكان: سەتەلايتە و ڤيديۆ سيديە و مسەجلە و راديۆيە و قەلەمێ ئوتماتيكيە و ئەنترنێتە و گەلەك رێكێت دى، ڤێجا ئەڤرۆ پێشكەفتنا هەڤچەرخ بۆ فێربوونا قورئانا پيرۆز چو هێجەت بۆ مە نەهێلان و د شيانادايە ب هەر رێكەكا هەبيت ئەڤێت بۆرى مرۆڤ فێرى قورئانێ ببيت و مەرج نينە مرۆڤ بچيتە دەف ئێكى، بەلێ هەكە ئەڤ رێكە هەمى بۆ مرۆڤى دەست نەدان هنگى پێدڤيە مرۆڤ بچيتە دەف سەيدايەكێ قورئانێ سەر دەستى بخوينيت، و خودێ چێتر دزانيت.
