ب / نەخێر، گونەه تێدا نينە، بەلێ نەيا بەرئاقلە مرۆڤ ژيێ خۆ هەميێ قورئانێ بخوينيت و تێنەگەهيت و ل بەر نەگەريت رێكێت تێگەهشتنێ بگريتە بەر خۆ، دڤێت مرۆڤ رێكەكێ بگريت د قورئانێ بگەهيت، چونكى خودێ مەزن ئەڤ قورئانە يا بۆ مە هنارتى دا تێبگەهين و كار بكەين و بكەينە بەرنامێ ژيانا خۆ د هەمى بواراندا، و ئەڤ ئارمانجە چاوا دێ هێتە جيه؛ هەكە ئەم تێنەگەهين. و سوپاس بۆ خودێ ئەڤرۆ تەفسير و راڤەكرن ب ئەزمانێ مە يێت هاتينە چاپكرن و يێت كەفتينە سەر سيديان دەنگ و رەنگ، و هەكە هەر ئێك هەولەكا كێم ژي بدەت بێ زەحمەت دێ شێت تێبگەهيت، بەلێ هەكە ئەم خەما تێگەهشتنا قورئانا پيرۆز نەخۆين ئەڤە تشتەكێ ديە، ل ڤێرێ ئەز قورئان خوينان شيرەت دكەم د وێ قورئانێدا بخوينن يا تەفسير دگەل چاپكرى دا هەر ئايەتا تێنەگەهشت بزڤريتە تەفسيرا پەروازا قورئانێ و تێبگەهيت، و خودێ چێتر دزانيت.
