ب / ب دوو رەنگان مرۆڤ دبێژيت: (صدق الله العظيم) ئێك ئەڤا رۆتينيە ئەوا پشتى خواندنا هەر سۆرەتەكێ يان ئايەتەكێ دهێت، دبيت ئەڤە گەلەكا پێدڤى نەبيت، دگەل هندێ ژى ئەم نەشێين بێژين بيدعەيە.
هندە زانايان هەتا دورستكريە نڤێژكەر پشت ئيمامێ خۆ دەمێ گولێ دبيت قورئانێ دخوينيت يان قورئانا خۆ ب دويماهي بينيت بێژيت: (صدق الله العظيم) ژ وان: رەملى و ئبن عيراقى خودێ ژ هەردوويان رازى بيت و هندەكێت دى. رەنگێ دووێ ئەڤەيە: دەمێ قورئان خوين ب خواندنا خۆڤە دهێتە گرێدان و كار لێ دهێتەكرن و دگەل قورئانێ دژيت و روحا وى ب قورئانێڤە دهێتە گرێدان هنگى دبيت نەهەما بەس دورست بيت بەلكى دبيت يا پێدڤى بيت، و ئەم ژبير نەكەين خودێ مەزن ئەمرێ مە دكەت د بێژيت: ((قل صدق الله)) ڤێجا چاوا گۆتنا: (صدق الله العظيم) چو بۆ نينە، و چاوا دێ بيتە بيدعە، گەلەك جاران دەمێ تو گوهدانا ئێكى دكەي هەكە ئاخفتنەكا ب دلێ تە بيت دێ بێژى: تو راست دبێژى، تو راست دبێژى، و سەرێ خۆ ژى دگەل هندێ دێ هەژينى، ڤێجا چاوا دگەل ئاخفتن و كەلامێ خودێ ئەم وەناكەين، و خودێ چێتر دزانيت.
