ب / بەلێ دورستە، و گەلەك جوانە و تو خودان خێرى، هەر پيتەك بۆ تە ب دەه خێرانە و ئەڤە تە بۆ خۆ رەوان ژى كر، ئانكو تە سێ مفا كرن، ئێك: خێرا خواندنا قورئانێ گەهشتە تە، و پێغەمبەرێ خۆشتڤى (سلاڤێت خودێ لێ بن) د راستا خێرا خواندنا قورئانێدا دبێژيت: يێ پيتەكا قورئانێ بخوينيت خێرەك بۆ وييە، و هەر خێرەك ب دەه خێرانە، و ئەز نابێژمە هەوە: (الم) پيتەكە، بەلێ: ئەليف پيتەكە، و لام پيتەكە، و ميم پيتەكە. مفايێ دووێ: ب ڤى كارى دێ پتر رەوان بى و قورئانا خۆ ژبيرناكەي، مفايێ سيێ: تە نەهێلا وەختێ تە بەلاش ژ تە بچيت، و بەس پێدڤيە ئەم بزانين نابيت د جهێ دەستئاڤێدا بێتە خواندن، و خودێ چێتر دزانيت.
