ب / راستى دبيت پەيڤا سوجدێ گەلەك جاران د قورئانێدا هاتبيت، بەلێ نەهەرگاڤا مرۆڤى پەيڤا سوجدە ديت دڤێت بچيتە سوجدێ، نەخێر، جهێت سوجدێ د ئاشكرانە و د دەستنيشانكرينە، و جهێ وان يێ د ڤان سۆرەتاندا (ئەعراف، رەعد، نەحل، ئيسراْء ، مەريەم، حەج، نەمل، ص، سەجدە، فوصيلەت، نەجم، ئنشيقاق، عەلەق) ل دويف رەئيا جمهورێ زانايان، حوكمێ سوجدێ سونەتە نەواجبە، و ل دەف ئەبو حەنيفە (خودێ ژێ رازی بیت)، واجبە، نەسونەتە و دبێژيت: هەكە د نڤێژێدا هات دڤێت گيرۆ نەبيت و ئێكسەر سوجدە بۆ هەبيت، بەلێ دەرڤەى نڤێژێ واجبەكێ ب لەز نينە و هەرگاڤا مرۆڤى خواندنا خۆ ب دويماهى ئينا مرۆڤ دشێت هنگى بچيتە سوجدێ، و ل دەف جمهورێ زانايان: حوكمێ ڤێ سوجدێ ئێكە چ د نڤێژێدا بيت چ دەرڤەى نڤێژێ، سونەتە، تە دڤێت هەرە سوجدێ، تە دڤێت نەچە سوجدێ، و هەكە ئيمام چۆ سوجدێ دڤێت يێت پشت وى ژى ژ نڤێژكەران بچنە سوجدێ، و هەكە ئيمام نەچۆ، نابيت ئەو ژى بچن، و خودێ چێتر دزانيت.
