ب / ب ئانەهيا خودێ ئەو خێر هاتە نڤێسين و ژێ ناچيت، بەلێ ئەو خێر دا يا بەردەوام بيت هەكە ژ بيرا مرۆڤى نەچۆبا و بەردەوام مرۆڤى خواندبا، لەوا پێغەمبەرێ خۆشتڤى (سلاڤێت خودێ لێ بن) ڤێ شيرەتێ ل مە دكەت چاڤێ مە ل قورئانا مە بيت نەخاسمە ئەوا مە ژبەركرى، چونكى ب ساناهى دهێتە ژبيركرن، (سلاڤێت خودێ لێ بن) دبێژيت: ((بەردەوام بن سەر خواندنا قورئانێ، ئەز ب وى كەمە يێ جانێ موحەممەدى د دەستيدا ئەو زويتر ژ حێشترا گرێداى ب كنفا خۆڤە دچيت)). ديسا (سلاڤێت خودێ لێ بن) دبێژيت: ((ب راستى مەتەلا يێ قورئان ژبەر وەكى حێشترا گرێدايە، هەكە چاڤێ خۆ دايێ گرت و هەكە بەردا چۆ)).
و دبيت ئێك بێژيت: بۆ هۆسا ب ساناهى ژ بيرا مرۆڤى دچيت؟ بەرسڤ: خێرا مە يا تێدا، چونكى هەكە تە ژبەركربا و تە زانيبا ژ بيرا تە ناچيت تو لێ نەدزڤرى و دبيت ب هەيڤا ئەڤا تە ژ بەركرى تە نەخواندبا، هۆسا ب هەيڤا دا ژ خێرا خواندنا قورئانێ بێ بار بى، بەلێ هەكە تو ب زانى دێ زوى ژ بيرا تە چيت ئەڤە دآ وەل تە كەت تو ل ژبەركرنا خۆ يێ هشياربى و پشتا خۆ نەدەيێ و بەردەم لێ بزڤرى و جاريكەى و جاريكەى، هۆسا بەردەوام دێ يێ خێرداربى و خودان خێربى. يا خودێ تو مە خودانێت قورئانێ بدانى و قورئانێ بۆ مە بكەيە بەرەڤان، بكەيە بهارا دلێت مە و ئەگەرێ نەمانا خەم و نەخۆشيێت مە، و مە ب قورئانێڤە و ئەحكام و فەرمانێت وێڤە گرێدەى، حەلالێ وێ حەلال كەين و حەرامێ وێ حەرام كەين و ل بەر ئەمر و نەهيێت وێ راوستياي بين ئامين يا رب العالمين، و خودێ چێتر دزانيت.
