ب / قورئان كتێبا خودێيە، و يا پرى موعجيزەيە، و ئێك ژ موعجيزێت قورئانێ، خودێ يا ساناهيكرى بۆ خواندن و ژبەركرنێ، چەند جاران د قورئانێدا هاتيە ((وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ)) ئانكو: مە قورئان بۆ تێگەهشتن و ژبەركرن و شيرەت وەرگرتنێ يا ب ساناهى ئێخستى.. ئەرێ ئێك هەيە دەرس و چامەيان وەرگريت، هەر ژبەر هندێ ژى ئەم گەلەك كورێت ملەتێ مە دبينين شڤان و جۆتيار و گاڤان و رێنجبەر بووينە، و فێرى قورئانێ بووينە و تێدا شارەزا بووينە؛ چونكى خودێ يا ب ساناهيكرى و ب زەحمەت نەئێخستيە، و ئەو كەسێ فێربوونا قورئانێ بۆ خۆ بكەتە خەم، خودێ ژى دێ دەرگەهان بۆ ڤەكەت، و ئەز دبێژمە ڤێ خويشكێ بلا تە ئەڤ مەرەقە هەر هەبيت، بەلكى خودێ دەرگەهان بۆ تە ڤەكەت و فێر ببى، و هەكە تو فێر نەبووى هاريكاربە غەيرى تە فێر ببيتێ ب رێكەكێ ژ رێكان؛ دا عەينى خێرا خواندنا قورئانێ ئەوا بۆ تە بوويە مەرەق بۆ تە بێتە نڤێسين. قورئانان بۆ قورئان خوينان پەيداكە، و هەكە تو يا شويكرى بى خەما عەيالێ خۆ بخۆ، دانە بەر خواندنێ؛ دا ئەو خواندنا ئەو دخوينن بۆ تە بێتە نڤێسين، دەرگەهێ مالا خۆ بۆ دەرسێت قورئان خواندنێ ڤەكە، بەرێ خەلكى بدە قورئان خواندنێ، ئەوێت تو دبيە ئەگەرێ فێربوونا وان ئەو چەند قورئانێ دخوينن و چەند خێر دگەهيتە وان هند دگەهيتە تە ژى.
پێغەمبەرێ خۆشتڤى (سلاڤێت خودێ لێ بن) دڤەگێرا موسلميدا دبێژيت: (من دَلَّ على خَيْرٍ فَلَهُ مِثلُ أَجْرِ فَاعِلِهِ) هەركەسێ باشيەكێ نيشا ئێكى بدەت، هندى خێرا يێ كرى بۆ ويە. ديسا (سلاڤێت خودێ لێ بن) دڤەگێرەكا ديدا يا موسلميدا دبێژيت: (من دَعَا إلى هُدًى كان له من الْأَجْرِ مِثلُ أُجُورِ من تَبِعَهُ لَا ێنْقُصُ ذلك من أُجُورِهِمْ شيئا) هەركەسێ داخوازيا راستەرێكرنەكێ بكەت، ژ خێرێ هند بۆ ويە وەكى يا وان يێت دويف وى هاتين و گوهێ خۆ داينێ، و ئەڤ چەندە تشتەكى ژ خێرێت وان ژى كێم ناكەت. ئەڤێت مە گۆتين چارەنە هەكە هەر تو فێرنەبوويێ، و خودێ چێتر دزانيت.
