ب / ب راستى ئەڤ ئايەتە ئێكە ژ وان ئايەتەێت ڤيابايە ژنێ بەردەوام سەرێ خۆ بۆ خودێ خۆ چەماندبايە هندى هند خودێ وێ، چاڤدێرى و پارستنا بەرژەوەندى و مافێت وێ كريە.
خودێ مەزن گەلەك شيرەت و فەرمانان ل زەلامان دكەت د راستا ژناندا د باش بن، چونكى خودان هێز و شيانن و دشێن ستەم و زۆرداريێ ل ژنێ بكەن، و ژن لەوازترن، ژبەر هندێ شەريعەت پتر پشتەڤانيا لايێ لەواز دكەت، و هەر ژبەر هندێ ژى شەريعەتى پتر ژ جهەكى ئاشكراكريە كو ب چو رەنگان نابيت زولم و ستەم ل ژنێ بێتەكرن، و ئەڤ ئايەتە ئێك ژ وانە دياردكەت نابيت ب چو رەنگان زەلام دلێ خۆ ببەتە مەهرا ژنێ و هێجەتا لێ بهەلێخيت دا دەستێ خۆ دانيتە سەر مەهرا وێ، و دبێژيتە تەڤايا زەلامان: ((وَإِنْ أَرَدتُّمُ اسْتِبْدَالَ زَوْجٍ مَّكَانَ زَوْجٍ)) گەلى زەلامان و ئەگەر هەوە ڤيا ژنەكێ شوينا ژنەكا دى پشتى بەردانێ بينن (ﭗ ﭘ ﭙ ﭼ و ئێك ژ وان هەوە مالەكێ مەزن ب ناڤێ مەهرێ دابيتێ، ((وَآتَيْتُمْ إِحْدَاهُنَّ قِنطَارًا)) هشياربن چو ژ وى مالى ژێ نەستينن، پاشى دبێژيت: ((أَتَأْخُذُونَهُ بُهْتَانًا وَإِثْمًا مُّبِينًا ))هوين وى مالى چاوا دێ ژ بێ بەختى و ب گونەهەكا مەزن ژێ ستينن. ئانكو: هەكە هوين ب هێجەتا چۆنێ هەتا هەوە مالێ وان ژێ ستاندى، بزانن ئەڤە بێبەختى و گونەهەكا مەزنە، پاشى بيرا وان دئينيتە وێ پەيمانا موكم ئەوا وان دايى، پەيمانا مارەكرنێ، گرێبەستا پيرۆز، دبێژيت:(( وَكَيْفَ تَأْخُذُونَهُ وَقَدْ أَفْضَىٰ بَعْضُكُمْ إِلَىٰ بَعْضٍ وَأَخَذْنَ مِنكُم مِّيثَاقًا غَلِيظًا ))ئەرێ چاوا هوين دێ وى مالى ژێ ستينن و هوين چۆينە دەف ئێكدوو، و هوين ب تنێ ماينە دگەلێك و وەختێ مەهركرنێ وان پەيمانا موكوم ژ هەوە ستانديە، و خودێ چێتر دزانيت.
