ب / دەف من گوهدانا قورئانێ دبيت باشتربيت، چونكى هەكە هەر ئێكى د جهێ خۆدا قورئان خواند و دەنگێ خۆ بلندكر ئەڤە دآ بيتە ئەگەرێ هندێ قەرەبالغ پەيدا ببيت و دەنگ تێكەل ببن يان ژى كێم كێم دگەل دەنگێ بلند حەقێ خواندنێ ناهێتە دان ژ هزركرنێ و تێگەهشتنێ و دێ بيتە خواندنەكا وێنەيى و شەكلى و ئەو ب خۆ قورئانێ دڤێت هزركرن و تەدەببور تێدا بيت و دل پێڤە يێ گرێداى بيت و ئەڤە نابيت، و خودێ مەزن فەرمانا مە دكەت دەمێ قورئانێ دخوينين پێڤە د گرێداى بين و هزرا خۆ تێدا بكەين، و دبێژيت: هەر ژبەر هندێ مە قورئانا ئينايە خوارێ((كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ )) ئەڤە كتێبەكا پيرۆزە مەخسەد پێ قورئانە، مە بۆ تە ئينايە خوارێ، دا هزرێت خۆ د ئايەتێت وێدا بكەن و تێ بگەهن و كار پێ بكەن، و دا خودان عەقل بۆ خۆ پێڤە بچن، و شيرەتان ژێ وەرگرن. و دبێژيت:(( َفَلَا يَتَدَبَّرُونَ الْقُرْآنَ وَلَوْ كَانَ مِنْ عِندِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا )) ڤێجا بۆچى هزرا خۆ باش د قورئانێدا ناكەن، و ئەگەر قورئان ژ دەف ئێكى دى هاتبايە ژبلى خودێ، دا گەلەك تشتێت ڤێكنەكەتى و نەوەكهەڤ تێدا بينن و وەكى ڤێ تێدا نەبينن، بلا بزانن بێ گۆمان ژ دەف خودێيە،و موحەممەد پێغەمبەرە. و دبێژيت: ((أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا)) ڤێجا ما ئەو هزرا خۆ د قورئانێدا ناكەن؟ نەخێر.. دلێت وان د گرتينە تێ ناگەهن. ڤێجا هەكە هەر ئێكى ل دەف خۆ د ڤى كراسيدا خواند نەحەقێ خواندنێ ب دورستى دهێتە دان و نە هزر د ئايەتێت وێدا دهێتەكرن و ژبلى ڤێ هەميێ هەڤكاريەكا دى يا هەي پێدڤيە مرۆڤى دگەل قورئانێ هەبيت ئەو ژى گوهدانا قورئانا پيرۆزە، و پێغەمبەرێ خۆشتڤى (سلاڤێت خودێ لێ بن) گەلەك دوپاتى يا ل ڤێ كرى ب رەنگەكێ ب كار گەلەك جاران دگۆتە عەبدوللايێ كورێ مەسعودى (خودێ ژێ رازی بیت)،: ((بۆ من بخوينە)) دا بێژيت: ئەز بخوينم و بۆتە يا هاتيە خوارێ! (سلاڤێت خودێ لێ بن) دا بێژيت: ((بەلێ، من دڤێت ژ غەيرى خۆ گولێ ببم))، و گەلەك جارا ب شەڤ دەردكەفت گوهدانا هەڤالێت خۆ دكر و گوهێ خۆ ددا خواندنا وان بێى وان ئاگەه ژ خۆ هەبت، ژ وان: ئەبو مووسايێ ئەشعەرى (خودێ ژێ رازی بیت)، بەلكى شەڤەكێ ئەو و عائيشا ـ دايكا مە موسلمانان ـ(خودێ ژێ رازی بیت)، هەردوو پێكڤە دەركەفتن دا گوهدانا خواندنا سالمێ ئازاكريێ ئەبى حوزەيفە بكەن (خودێ ژێ رازی بیت)، ڤێجا ب گوهدانێ ئەڤ هەڤكاريە دگەل قورئانێ ب جه دهێت و پتر جهێ هندێيە هزر د قورئانێدا بێتەكرن، و خودێ چێتر دزانيت.
