ب / سەر كچێ واجب نينە هەردەمێ ڤيا قورئانێ بخوينيت دەرسۆك ل سەرى بيت، هەكە كەسێ بيانى ل دەف نەبيت، هەردەمێ بڤێت دشێت قورئانێ بێ دەرسۆك بخوينيت، و مەرجێ قورئان خواندنێ نينە دەرسۆك د سەرى بيت دەمێ قورئانێ دخوينيت، بەلێ رێز و حورمەت و جه و بهايێ قورئانێ دخوازيت مرۆڤ جوانترين رەنگ و وێنە بۆ خواندنا قورئانێ روينيت خوارێ و هندى پێچێبيت بلا پێت خۆ درێژ نەكەت، بەلێ هەكە وەستيا چو نينە و نەيا گونەهكارە نەخاسمە هاتيە زانين دايكا مە موسلمانان (خودێ ژێ رازی بیت) دبێژيت: پێغەمبەرێ خودێ (سلاڤێت خودێ لێ بن) سەرێ خۆ ددانا سەر چۆكێ وێ و قورئان دخواند. ديسا ئەو ژى دبێژيت: من پشكەكا رۆژانە هەبوو ئەز نەدنڤستم هەتا من نەخواندبا و پشتى من خۆ درێژ دكرە سەر جهێ خۆ من دخواند، بەلێ وێ ژ ژبەركرنا خۆ دخواند ديسا پێغەمبەرى ژى (سلاڤێت خودێ لێ بن)، ژبەر هندێ ئەز دبێژم: هەكە ئەم ژبەركرنا خۆ بخوينين تشتەكە و هەكە ئەم ژ قورئانێ بخوينين تشتەكێ ديە، هەكە ئەم ژ قورئانێ بخوينين دخوازيت جوانترين رەنگ و ئاوا روينين، بەلێ هەكە ئەم وەستياين دورستە پێت خۆ درێژكەين و ژبەر خۆ ببەين، و خودێ چێتر دزانيت.
