ب / دەستپێكێ ئەم دبێژينە ڤێ خويشكێ خودێ بۆ تە بەدەلڤەكەت و رۆژا قيامەتێ تە رازيكەت، كۆرە نەبەس ئەوە يێ چاڤێت وى تارى، كۆرە ئەوە يێ دلێ وى كۆرە و تارى و نەرۆن و (الحمد لله) دلێ تە يێ رۆنە و ئەڤە جهێ سوپاسيێيە، چەند مرۆڤێت ب چاڤ رۆژا قيامەتێ دێ هێن د كۆرە و حوتم، و حوتم و كۆرەيى هەر ئەوە خودێ مەزن د راستا چاڤ رۆنێت دلتارى دبێژيت: ((وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ))((قَالَ رَبِّ لِمَ حَشَرْتَنِي أَعْمَىٰ وَقَدْ كُنتُ بَصِيرًا ))(( قَالَ كَذَٰلِكَ أَتَتْكَ آيَاتُنَا فَنَسِيتَهَا وَكَذَٰلِكَ الْيَوْمَ تُنسَىٰ)) ئانكو: هەركەسێ رويێ خۆ ژ من و كتێبا من ـ قورئانێ ـ وەرگێرِيت و باوەريێ پێ نەئينيت، ب راستى د ڤێ دنيايێدا بارا وى ژيانەكا تەنگ و تاريە، و رۆژا قيامەتێ ئەم دێ وى كۆرە كۆم كەين. دێ بێژيت: خودێ وۆ بۆچى تە ئەز كۆرە ئينايمە مەيدانا حەشرێ؟ و ئەز ب خۆ د دنيايێدا يێ ب چاڤ بووم. خودێ گۆت: هۆسا نيشان و ئايەتێت مە بۆ تە هاتن، و تە خۆ لێ كۆرە دكر، و تە ددانە پشت خۆ، و ئەڤرۆ تو ژى وەسا دێ د ئاگريدا ئێيە هێلان و ژبيركرن. ڤێجا ئەز وى دلێ رۆن يێ حەژ قورئانێ دكەت و ب قورئانێڤە گرێدايى ل تە پيرۆز دكەم.
ديسا بيرا تە دئينمە مزگينيا پێغەمبەرێ خۆشتڤى (سلاڤێت خودێ لێ بن) بۆ تە و يێت وەكى تە د حەديسا قودسيدا دبێژيت: ( إنَّ اللَّه عَزَّ وجَلَّ قَالَ: إِذا ابْتَلَيْتُ عَبدِي بحبيبتَيْهِ فَصبَرَ عَوَّضتُهُ مِنْهُمَا الْجنَّە) ئانكو: خودايێ مەزن گۆت: هەكە من بەندەيێ خۆ ب برنا هەردوو چاڤێت وى جەرباند و ئمتيحانەكر، و سەبر كێشا، ئەز دێ بەحەشتێ شوينا وان دەمێ. ڤێجا بلا دلێ هەوە ب بەحەشتێ خۆش بيت ب ئانەهيا خودێ، و ئەز دبێژم: دبيت گەلەكێت خودان چاڤ رۆژا قيامەتێ دەمێ هەوە دبينن بێژن: خۆزى د دنيايێدا ئەم ژى د بێ چاڤ باين دا ب خەلاتێ بەحەشتێ شاد بباين، و كا تە چەند قورئان ژبەرە وێ تنێ بخوينە و كا تو چەند دخوينى هند دەه جاركى دويف حەرفێت تە خواندين خێر دێ بۆ تە هێتە نڤێسين و خودێ ل تە ناگريت تو هەر وێ تنێ بخوينى يا تە ژبەر، چونكى خودێ دبێژيت:(( لَا نُكَلِّفُ نَفْسًا إِلَّا وُسْعَهَا)) خودێ هەركەسەكى ژ بارێ وى زێدەتر لێ ناكەت، و ئەو حەز و ئنيەتا تە هەى د راستا قورئانێدا رۆژا قيامەتێ دێ پێ دل خۆش بى ب ئانەهيا خودێ، و خودێ چێتر دزانيت.
