ب / يا باشتر و هەژيتر ئەڤە نەهێتەكرن، چونكى رێز و حورمەت ب دورستي ل قورئانێ ناهێتە گرتن، و خودێ مەزن دبێژيت: ((وَإِذَا قُرِئَ الْقُرْآنُ فَاسْتَمِعُوا لَهُ وَأَنصِتُوا لَعَلَّكُمْ تُرْحَمُونَ )) و ئەگەر قورئان هاتە خواندن د نڤێژێدا و ژ دەرڤەى نڤێژێ ژى گوهێ خۆ بدەنێ و بێ دەنگ ببن، دا دلۆڤانى ب هەوە بێتە برن. بەلێ هەكە گوهدان بێتەكرن و رێز و حورمەتێت هەژى لێ بێنەگرتن دبيت دورست بيت نەخاسمە هەكە ئنيەت ئەو بيت دلێت وان ڤەهسيێن و تەنا و رەحەت ببن، و خودێ مەزن دبێژيت: ((الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ)) ئەوێت ب بال خودێڤە زڤرِين و هاتينە راستەرِێكرن ئەون ئەوێت باوەرى ئيناين و دلێ وان ب بيرئينان و زكرێ خودێ ڤەدهەسيت و تەنا دبيت، باش بزانن دل ب بيرئينان و زكرێ خودێ ڤەدهەسن و تەنا دبن. بەلێ هەكە گوهدان نەهێتەكرن ياباشتر ئەوە ئەڤە نەهێتەكرن، و خودێ چێتر دزانيت.
