ب / زانايێت مە يێت تويژاندنكار (محقق) دبێژن: دڤێت ئەم قورئانێ دويرى ئسرائيلياتان بكەين و ناڤێت نەهاتينە دەستنيشانكرن ئەم گەلەك دويف نەچين، چونكى مەخسەدا قورئانێ رويدانە و سەرەدەريا تێدا هاتيەكرن دا بۆ خۆ دەرس و عيبرەتان ژێ وەرگرين و ناڤ نەهند گرنگن، و چو فەرمان و ئەحكام ل سەر ناهێنە ئاڤاكرن، هەكە دا خودێ ب خۆ بۆ مە ئاشكراكەت و بێژيت، پسيارا ئێكێ: نەخێر مەريەم نەخواستيا حەبيب ئەلنەجارە و چو دەقێت دورست بۆ مە د ديرۆكێدا نەهاتينە دياربكەت ئەو خواستيا وى بوو، بەلكى قورئان ب دورستى ئاشكرا دكەت مەريەما پاك و پاقژ خواستيا كەسێ نەبوو، و نەهاتيە خواستن و نەشويكريە، چونكى ئەو يا هاتيە نەزركرن بۆ خزمەتا خودێ، خودێ مەزن دبێژيت: ((إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ ))(( فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَىٰ وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنثَىٰ وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ ))(( فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا ))بيننە بيرا خۆ دەمێ ژنا عيمرانى گۆتى: يا خودێ ب راستى ئەڤێ د زكێ خۆدا، خۆسەر من گۆرى تە كريە بۆ تە كريە نەدر، خزمەتا مالا تە بكەت، يا خودێ ژ من وەرگرە، ب راستى هەر تويى گوهدێر و زانا. ڤێجا دەمێ بووى، گۆت: يا خودێ، ب راستى من كچا بووى (ئانكو يێ من ب خۆ دڤيا كورِ بوو) و خودێ چێتر دزانيت كا چ بوويە، و كورِ نە وەكى كچێيە و وەكى وى ب كێر خزمەتا من ڤيايى نائێت، و ب راستى من ناڤێ وێ كريە مەريەم، و ئەز وێ و دويندەها وێ ب تە دپارێزم ژ شەيتانێ دويرى دلۆڤانيێ. ڤێجا خودايێ وێ ب ئاوايەكێ جوان مەريەم ب نەدر قەبويل كر (وەرگرت)، و لاو پەروەردەكر و جوان راكر، بەرێ خۆ بدێ دبێژيت: ((نَذَرْتُ لَكَ مَا فِي بَطْنِي مُحَرَّرًا)) ئانكو: يێ ئازادكرى ژ هەمى مژويليێت دنيايێ خۆسەر بۆ تە بيت و گۆرى تە ببيت و د خزمەتا مالا تەدا بيت كو (بيت المقدس)ـە، ڤێجا چاوا دێ يا خواستى بيت، و ئەم دزانين خواستى ژى دێ د مژويل بن، چونكى د گرێداينە ب مافێت غەيرى خۆڤە. و ئەڤ گوندێ پێغەمبەر بۆ هاتينە هنارتن تەفسيرزان دبێژن: ئەنتاكيايە، گوندەكێ شامێيە، ڤێگاڤێ دكەڤيتە وەلاتێ توركيا، و ئەو پێغەمبەر كا كي بوون؟ هنارتيێت عيساى بوون (سلاڤێت خودێ لێ بن) يان هندە پێغەمبەرێت تايبەت بوون خودێ بۆ وان هنارتبوون؟ هندەك تەفسيرزان دبێژن: ئەو هنارتيێت عيسا پێغەمبەرى بوون (سلاڤێت خودێ لێ بن) بەلێ رەنگێ ( سياقێ ) ئايەتێ هۆسا ديار ناكەت ))(( إِذْ أَرْسَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُم مُّرْسَلُونَ)) خودێ مەزن دبێژيت: مە دوو پێغەمبەر بۆ هنارتن و مە ب يێ سيێ ب هێز ئێخستن، و وان چ گۆتە وان و بەرسڤا وان چ بۆ گۆتن ((قَالُوا مَا أَنتُمْ إِلَّا بَشَرٌ مِّثْلُنَا وَمَا أَنزَلَ الرَّحْمَٰنُ مِن شَيْءٍ إِنْ أَنتُمْ إِلَّا تَكْذِبُونَ ))(( قَالُوا رَبُّنَا يَعْلَمُ إِنَّا إِلَيْكُمْ لَمُرْسَلُونَ))(( وَمَا عَلَيْنَا إِلَّا الْبَلَاغُ الْمُبِينُ)) گۆتن: ب راستى هوين ژى مرۆڤن وەكى مە، و خودايێ دلۆڤان چو تشتێ وەسا نەهنارتيە، هوين پێ ژ مە چێتر بن، و هوين ژ درەوێ پێڤەتر نابێژن. گۆتن: خودايێ مە دزانيت ئەم بۆ هەوە يێت هاتينە هنارتن، ئەگەر ئەم درەوين باينە خودێ بۆ مە نەدهێلا. و ژ گەهاندنا ڤێ پەياما ئاشكەراكەر پێڤەتر، تشتەكێ دى ل سەر مە نينە و ئەڤە مە گەهاند. و هەكە ئەو قاسدێت عيسا پێغەمبەر بان (سلاڤێت خودێ لێ بن) نەدگۆتن هوين ژى مرۆڤن وەكى مە، دا بێژن ئەوێ هوين هنارتين مرۆڤە وەكى مە، و راستيەكا دي ژى يا ديرۆكى خەلكێ ئەنتاكيا ژبەر نەباوەرى پێئينانا وان ب پێغەمبەران خودێ ئيزا ب سەر واندا ئينا خوارى و هەمى د هيلاك برن، دبێژيت: ((وَمَا أَنزَلْنَا عَلَىٰ قَوْمِهِ مِن بَعْدِهِ مِن جُندٍ مِّنَ السَّمَاءِ وَمَا كُنَّا مُنزِلِينَ))(( إِن كَانَتْ إِلَّا صَيْحَةً وَاحِدَةً فَإِذَا هُمْ خَامِدُونَ))(( يَا حَسْرَةً عَلَى الْعِبَادِ مَا يَأْتِيهِم مِّن رَّسُولٍ إِلَّا كَانُوا بِهِ يَسْتَهْزِئُونَ))(( أَلَمْ يَرَوْا كَمْ أَهْلَكْنَا قَبْلَهُم مِّنَ الْقُرُونِ أَنَّهُمْ إِلَيْهِمْ لَا يَرْجِعُونَ))(( وَإِن كُلٌّ لَّمَّا جَمِيعٌ لَّدَيْنَا مُحْضَرُونَ)) و پشتى كوشتنا وى (شيرەتكەرى ئەوێ شيرەت ل وان كرى گوهێ خۆ بدەن پێغەمبەران و باوەريێ پێ بينن) مە چو لەشكەر ژ عەسمانى بۆ نەهێلانا وان ب سەر ملەتێ ويدا نەئينا خوار و مە نەدئينا خوار ژى، چونكى ئەو ژ هندێ كێمترن. هەما هند بوو تنێ هشكەقێرِيەكێ ئەو هنگاڤتن، ڤێجا ئێكسەر تەمرين (ئانكو مرن و بێ دەنگ بوون، وەكى ئاگرى وەختێ ڤەدمريت). مخابن بۆ وان بەندەيان، چو پێغەمبەر بۆ وان نەدهاتن وان ترِانە بۆ خۆ پێ نەكربان. ما وان نەدديت كا مە چەند ملەت بەرى وان د هيلاك بربوون، و ئەو جارەكا دى نازڤرِنە دنيايێڤە. و ب راستى ئەو هەمى ل دەف مە دێ بەرهەڤ بن. و ديرۆك ديار دكەت خەلكێ ئەنتاكيا ل سەر دەمێ عيسا پێغەمبەرى (سلاڤێت خودێ لێ بن) خودێ ئەو نەبرينە هيلاكێ، چونكي وان باوەرى پێ ئينابوو و هۆسا ديار دبيت ئەو نە ل سەر دەمێ وى بوون ئەو هندێ پێغەمبەرێت تايبەت بوون بەرى وى بوون، و ب دەمەكآ درێژ و خودێ بۆ وان هنارتبوون و ئەڤە بۆچۆنا تەفسيرزان تەبرى و ئبن كەسيريە خودێ ژ هەردووكان رازى بيت، و خودێ چێتر دزانيت.
