ب / دەستپێكێ دڤێت ئەم بزانين ئەڤ پسيارە ژ ملياكەتان نەپسيارا نەرازيبوونێيە، چونكى ئەو بێ ئەمريا خودێ ناكەن، و نادەنە سەر ئەمرێ خودێ و چو پسياران ژ بابەتێ نەرازيبوونێ ژ خودێ ناكەن، خودێ مەزن د راستا واندا دبێژيت: ((لَا يَسْبِقُونَهُ بِالْقَوْلِ وَهُم بِأَمْرِهِ يَعْمَلُونَ)) و ئەو چو ئاخفتنان ناكەن بەرى ئاخفتنا خودێ، هەتا خودێ نەبێژيت و فەرمانێ نەدەت، نائاخڤن، و ئەو ب خۆ ل بەر ئەمرێ وى د راوەستياينە و بێ ئەمريا وى ناكەن. ((يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ)) گەلى خودان باوەران، خۆ و مالێت خۆ، ژ ئاگرەكى بپارێزن، داردوويێ وى مرۆڤ و بەرن، هندەك ملياكەتێت دلرِەق و دژوار و ب هێز يێت ل سەر، و ئەو ملياكەت نەگوهداريا خودێ ناكەن ل سەر وى تشتێ ئەمرێ وان پێ هاتيەكرن، و وێ دكەن يا ئەمرێ وان پێ دئێتەكرن. ژ ڤان هەردوو ئايەتان دزانيت د بنيرِا نەرازيبوون ژ وان نادەركەڤيت هەتا ژ ڤى بابەتى پسيارێ بكەن، پا پسيارا وان ژ چ بابەتيە؟! پسيارا وان ژ بابەتێ نهێني و زانين خوازيێيە، چونكى وەكى ئبن عەباس و ئبن جورەيج و قەتادە خودێ ژ هەميان رازى بيت دبێژن: ملياكەتان ئەڤ پسيارەكر، چونكى خودێ ئەو ئاگەهداركرن ل سەر دورستكرنا چێكريەكێ نوى پێكهاتيا وان نەوەكى يا ملياكەتانە، خرابى و باشى د واندا يا چانديە، و دبيت باشيێ بكەن و دبيت خرابيێ بكەن و خوينێ برێژن و نەوەكى وانن ((لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ )) ئەرێ تو دێ وى ئێخيە سەر عەردى يێ خرابيێ تێدا بكەت، و خوينێ برِێژيت، و ئەم ب حەمدا تە تەسبيح و تەقديسا تە دكەين، ئانكو: تە ژ هەر كێماسيەكێ پاك و پاقژ دكەين، ئانكو: وان پسيارا حيكمەت و نهێنيا چێكرنا وان كر پشتى وان ژ خودێ خۆ زانى ئەوان خرابى و باشى هەردوو يا د ناڤدا دورستكريە، خودێ گۆتە وان: ﭽ ﭪ ﭫ ﭬ ﭭ ﭮ ﭼ ب راستي ئەز دزانم هوين نوزانن. و دا بۆ وان باش ئاشكرا ببيت زانينا وان يا كێمە و وەل وان بكەت ل سەر خۆ ئاشكراكەت نەچاريا خۆ و كێم زانينا خۆ، خودێ گۆتە وان: ناڤێت تشتان بۆ مە بێژن يێت ئەز دێ دەم هەكە هوين د زانابان، هەروەكى د ئايەتا پيرۆزدا هاتى ((وَعَلَّمَ آدَمَ الْأَسْمَاءَ كُلَّهَا ثُمَّ عَرَضَهُمْ عَلَى الْمَلَائِكَةِ فَقَالَ أَنبِئُونِي بِأَسْمَاءِ هَٰؤُلَاءِ إِن كُنتُمْ صَادِقِينَ))(( قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنتَ الْعَلِيمُ الْحَكِيمُ))(( قَالَ يَا آدَمُ أَنبِئْهُم بِأَسْمَائِهِمْ فَلَمَّا أَنبَأَهُم بِأَسْمَائِهِمْ قَالَ أَلَمْ أَقُل لَّكُمْ إِنِّي أَعْلَمُ غَيْبَ السَّمَاوَاتِ وَالْأَرْضِ وَأَعْلَمُ مَا تُبْدُونَ وَمَا كُنتُمْ تَكْتُمُونَ)) و خودێ هەمى ناڤ نيشا ئادەم دان، و پاشى خودێ ئەو ناڤ ئێخستنە بەرۆكا ملياكەتان، و گۆت: ئەگەر هوين راست دبێژن، ناڤێ ڤان بۆ من بێژن. ملياكەتان گۆت: هەر تويى ژ هەمى كێماسيان پاك و پاقژ، مە ژ وێ زانينێ پێڤەتر نينە يا تە نيشا مە دايى، ب راستى هەر تويى زانا و كار بنەجه. خودێ گۆت: هەى ئادەم: كا ناڤێت وان بۆ وان بێژە دا بزانن كێم زانينن، دەمێ ئادەم ناڤێت وان گۆتين ئينا خودێ گۆت: ما من نەگۆتە هەوە ئەز نەپەنيێت عەرد و عەسمانان دزانم، و هەروەسا ئەز ئاشكرا و نەئاشكرا يا هوين دكەن ژى ئەز دزانم، و خودێ چێتر دزانيت.
