ب / بزانە گەلەك ژ سەحابان ئەوێت قورئان زان نە د خواندەوار بوون، بەلێ فێرى قورئانێ بوون و گەلەكان قورئان ژبەر بوو، و ژ كەرەما خودێ ئەڤ قورئانە بۆ مە يا ساناهيكرى، فێربوون و ژبەركرن و تێگەهشتن و كارپێكرن، خودێ مەزن چار جاران سويند ل سەر ڤێ راستى و رامانێ د سۆرەتا قەمەردا د ئايەتا هەڤدێ و بيست و دووێ و سيه و دووێ و چلێدا دوبارەكريە: ((وَلَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ)) و ب سويند مە قورئان بۆ تێگەهشتن و ژبەركرن و شيرەت وەرگرتنێ يا ب ساناهى ئێخستى، ئەرێ ئێك هەيە شيرەت و چامەيان ژێ وەرگريت؟ ڤێجا خەمێ ژێ بخۆ و ب ئانەهيا خودێ دێ فێربيێ و دورست دێ خوينى، بەلێ ژ دەف خۆ نەخوينە دڤێت تە سەيدايەك هەبيت نيشا تە بدەت، چونكى رێكا فێربوونا قورئانێ ب ڤى رەنگيە دڤێت ئێك ژ ئێكى وەرگريت هەتا دگەهيتە پێغەمبەرى (سلاڤێت خودێ لێ بن)، و يێت خودان باوەرنامەيێت بلند هەكە ل دەف ئێكێ شارەزا و زانا و قورئان زانا نەخوينيت ئەو ب دورستى فێر نابيتێ، و بڤێت و نەڤێت دێ كەڤيتە خەلەتيا، ڤێجا هەكە تو ب تنێ دخوينى و خەلەتيا دكەى، ئەڤە نەيا دورستە، بەلێ د رێكا فيرَبوونێدا و دگەل فێربوونێ و ل دەف سەيدايێ خۆ هندە خەلەتيا دكەى و ئەو بۆ تە دورست دكەت چو نينە و تو نەيێ گونەهكارى، و خودێ چێتر دزانيت.
