ب / بێ گۆمان يائاشكەرايە بۆ مە هەميان رێز و حورمەت و جه و بهايێ قورئانێ دخوازيت مرۆڤ جوانترين رەنگ و وێنە بۆ خواندنا قورئانێ روينيتە خوارێ، و هندى پێچێببيت بلا پێت خۆ درێژ نەكەت، بەلێ هەكە وەستيا چو نينە و نەيێ گونەهكارە نەخاسمە هاتيە زانين دايكا مە موسلمانان (خودێ ژێ رازی بیت) دبێژيت: پێغەمبەرێ خودێ (سلاڤێت خودێ لێ بن) سەرێ خۆ ددانا سەر چۆكێ وێ و قورئان دخواند، ديسا ئەو ژى دبێژيت: من پشكەكا رۆژانە هەبوو ئەز نەدنڤستم هەتا من نەخواندبا و پشتى من خۆ درێژدكرە سەر جهێ خۆ من دخواند، بەلێ وێ ژ ژبەركرنا خۆ دخواند، ديسا پێغەمبەرى ژى (سلاڤێت خودێ لێ بن)، ژبەر هندێ ئەز دبێژم: هەكە ئەم ژبەركرنا خۆ بخوينين تشتەكە و هەكە ئەم ژ قورئانێ بخوينين تشتەكێ ديە، هەكە ئەم ژ قورئانێ بخوينين دخوازيت جوانترين رەنگ و ئاوا روينين، بەلێ هەكە ئەم وەستياين دورستە پێت خۆ درێژكەين و ژبەر خۆ ببەين. و ديسا دورستە ئەز خواندنا خۆ ببرم دا دەرگەهى ڤەكەم هەكە كەس نەبيت بچيت دەرگەهى ڤەكەت، ديسا دورستە ئەز خواندنا خۆ ببرم دا بچويكەكى ژ شويماتيەكێ بدەمە پاش يان ببرم دا سلاڤێ ڤەگێرم يان بەرسڤا ئێكى بدەم، و هەكە دەمەكێ باش كەفتە د ناڤدا تەعەوزێ بكەى باشترە و هەكە نە، چو نينە، و خودێ چێتر دزانيت.
