ب / ب راستى دڤێت ئەم ل سەر رەوانيا قورئانێ د رژد بين، و دەمێ قورئانێ دخوينين و خۆ فێردكەينێ ئەم خەمێ گەلەك ژ خواندنا دورست بخوين و وەسا بخوينين هەروەكى ژ پێغەمبەرى (سلاڤێت خودێ لێ بن) بۆ مە هاتيە وەرگرتن و هەتا ئەڤە ژى ب جه دهێت پێدڤى گوهدانەكا دورستە و دويفرا جاريكرنا چەند جاركى ب ئنيەتا شارەزابوون و رەوانيێ، و يێ د قورئانێدا شارەزا و خەلەت نەبيت و رەوان تێدا بلا بزانيت ئەو يێ دگەل كێ، بوخارى و موسلم هەردوو ژ عائيشايێ دايكا مە موسلمانان (خودێ ژێ رازی بیت)، ڤەدگێرن، دبێژيت: پێغەمبەرى (سلاڤێت خودێ لێ بن) گۆت: ( الَّذي يقرَأُ القُرْآنَ وَهُو ماهِرٌ بِهِ معَ السَّفَرە الكرَامِ البررَة، والذي يقرَأُ القُرْآنَ ويتَتَعْتَعُ فِيهِ وَهُو عليهِ شَاقٌّ له أجْران ) يێ قورئانێ دخوينيت و ئەو تێدا يێ شارەزا، يێ دگەل ملياكەتێت قەدرگران و گوهدارە، و يێ قورئانێ دخوينيت تێدا ئاسێ دبيت و خواندن ل سەر وى ياگران بيت، دوو خێر بۆ وينە. و ئەوێ د فێربوونێدا چەند جاران دەرسا خۆ جارى دكەت ئەو دوو ئارمانجان ب جه دئينيت، ئێك: شارەزايى د قورئانێدا، و ئەڤە دێ وى كەتە هەڤالێ ملياكەتان و ئيمامێ نەوەوى (خودێ ژێ رازی بیت) دبێژيت: مەخسەد پێ دێ دگەل ملياكەتان بيت يان دێ رۆژا قيامەتێ د بەحەشتێدا جهەكێ تايبەت دگەل وان هەبيت، يا مەخسەد پێ كارێ ملياكەتان دكەت، و ئارمانجا دووێ: خێرا خواندنێ كا چەند پيت خواندينە هند دەه خێر دێ بۆ هێنە نڤێسين، و كا چەند ختم كرينە خێرا هند ختمان دێ بۆ هێتە نڤێسين، و خودێ چێتر دزانيت.
