ب / هەرچەندە زانايێ ناڤدار، بسپۆر و شارەزايێ ئيعجازا زانستى د قورئانێدا، زەغلول نەجار خودێ ژيێ وى درێژكەت و بۆ مە موسلمانان بهێليت، و سەركەفتنان ل سەر دەستى دياركەت، بەلێ ئەز نابينم (و ئەز كيمە د ڤێ دەريايێدا بەرامبەر ڤى زانايێ پەهلەوان و مەلەڤان) رامانەكا گۆمان بر تێدا بيت، دبيت پەيوەنديەك دگەلێك هەبيت و دبيت نە، و رامانا كەوكەبێ رامانا رەمزى بيت و نيشانكرنا برايێت يوسف پێغەمبەرى بن (سلاڤێت خودێ لێ بن) و نيشان نەبيت بۆ هەژمارا كۆما ستێرێت رۆژێ، چونكى كەوكب د قورئانێدا ب رامانا ستێران يا هاتى و نەستێرێت تايبەت وەكى ((إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ)) و ((فَلَمَّا جَنَّ عَلَيْهِ اللَّيْلُ رَأَى كَوْكَبًا قَالَ هَذَا رَبِّي فَلَمَّا أَفَلَ قَالَ لَا أُحِبُّ الْآفِلِينَ)) و كورت و كرمانج ئەز دبێژم: دبيت ئايەتێ و هژمارا مەجموعا شەمسى پەيوەندى دگەلێك هەبيت، و ئەڤ هژمارە نيشانا ئيعجازێ بيت، و دبيت وەسا نەبيت، و نابيت ئەم بێژين: نەخێر چو رامانێت دى نينە ئەڤە نەبيت، چونكى دبيت پاشەرۆژى زانست هندە راستيێت دى د راستا مەجموعا شەمسيدا بۆ مە دياركت، و خودێ چێتر دزانيت.
