ب / بەلێ راستە گرێكەك ل ئەزمانێ مووسا پێغەمبەرى (سلاڤێت خودێ لێ بن) هەبوو، ئەو ژى ژبەر هندێ، دەمێ يێ بچويك، جارەكێ فيرعەونى هەلگرت، رهێت فيرعەونى، جەوهەر پێڤە د گرێداى بوون، دەستێ خۆ هاڤێتە رهێت فيرعەونى كێشان، كەربێت فيرعەونى ڤەبوون، و فەرمان دا بێتە كوشتن و گۆت: ئەڤە دژمنێ منە، كابانيا فيرعەونى ڤيا ژ دەستێت وى قورتالكەت، گۆتێ: دژمنێ چ؟!، ئەو بچويكە و چو ژ پەلا و قەسپا و جەواهرا نوزانيت، هەرسێ دانانە بەر سينگى كا دێ چ راكەت پەل راكر ب ئەزانێ خۆ ڤەنا، هۆسا خودێ رزگاركر، بەلێ ژ ئەنجامێ ڤێ چەندێ گرانيەك د ئەزمانێ ويدا پەيدابوو، و فيرعەونى ئەڤە بۆ دكرە كێماسى، لەوا دەمێ هاتى پەياما خودێ بگەهينيتێ، فيرعەونى هۆسا ئاخفتن ئاراستەى گەلێ خۆ كر، خودێ مەزن ل سەر زارێ وى دبێژيت: ((أَمْ أَنَا خَيْرٌ مِنْ هَذَا الَّذِي هُوَ مَهِينٌ وَلَا يَكَادُ يُبِينُ)) ما ئەز ژ ڤى، ئەڤێ بێخێرۆك و ب دورستى نەزانيت باخڤيت، چێتر نينم؟ و ئەو ب خۆ نيشانێ دكەتە ئەزمانگرانيا خۆ دەمێ خودێ فەرمانا وى كرى بچيتە دەف فيرعەونى و ئاگەهداركەت و بترسينيت گۆت: ((اذْهَبْ إِلَى فِرْعَوْنَ إِنَّهُ طَغَى))(( قَالَ رَبِّ اشْرَحْ لِي صَدْرِي))(( وَيَسِّرْ لِي أَمْرِي))(( وَاحْلُلْ عُقْدَةً مِنْ لِسَانِي))(( يَفْقَهُوا قَوْلِي)) هەرە دەف فيرعەونى، ب راستى ئەو زێدە يێ د سەردا چۆيى. گۆت: يا خودێ بێنا من فرەه بكە دا بشێم خۆ ل بەر بارێ پێغەمبەراتيێ بگرم، و سەبرێ ل سەر ئەزيەت و ئاخفتنێت فيرعەونى و دەستەكا وى بكێشم. و كاروبارێ من، بۆ من ب ساناهى بێخە. و يا خودێ گرێيا ئەزمانێ من ڤەكە. دا ئاخفتنا من تێ بگەهن، و خودێ چێتر دزانيت.
