ب / فەرە خەلكێ ديوانێ دەمێ قورئان دئێتە خواندن گوهداريا وێ بكەن و خۆ بێ دەنگ بكەن، و ل بەر قورئانێرا نەئاخڤن، و نەكەنە كەنى و سوحبەتێ نەكەن. ئيمامێ نەوەوى (خودێ ژێ رازی بیت) دبێژيت: نە ژ سنج و ئادابانە د بەر قورئانێرا باخڤن و بكەنە كەنى، و هەرگاڤا ئێكى رەوشەكا هۆسا ديت بۆ هەيە چارەسەركەت، ئێك: ب شيرەتكرنێ، و بێژيتێ قورئانا دهێتە خواندن و خودێ مەزن ئەمرێ مە دكەت:(( وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُونَ)) هەكە قورئان هاتە خواندن خۆ بێ دەنگ بكەن و گوهداريا قورئانێ بكەن، و هەكە خۆ بێ دەنگ كرن، ئەڤ تە دوو خێر ب دەست خۆڤە ئينان، ئێك: تە ئەو بێ دەنگ كرن و خواندنا قورئانێ ژى نەهاتە گرتن، و هەكە بێ دەنگ نەبوون بۆ تە هەيە تو بێ دەنگ بكەى، يان ژ سەر قورئانێ ببەى يان هێتفۆنێ بێخيێ تو ب تنێ گوهداريا قورئانێ بكەى، و خودێ چێتر دزانيت.
