ب / بسميلاهي، ئانكو خواندنا (بسم الله الرحمن الرحيم) باشە و موستەحەبە ل دەف هەمى زانايان ل دەستپێكا هەمى سۆرەتان بێتە خواندن، چونكى د بنياتدا (بسم الله الرحمن الرحيم) يا هاتى دا د ناڤبەرا سۆرەتاندا جوداكەت، ژبلى دوو سۆرەتان، ئێك سۆرەتا تەوبە، هەمى زانا دگەل هندێنە نەدورستە (بسم الله الرحمن الرحيم) ل دەستپێكا وێ بێتە خواندن، هەلبەت سەرێ سۆرەتێ نابيت بسميلاهي (بسم الله الرحمن الرحيم) بخوينيت، چونكى پێغەمبەرێ خۆشتڤى(سلاڤێت خودێ لێ بن) هۆسا يا خواندى، و زانايێت مە ژى دبێژن: بسميلاهى ناهێتە خواندن، چونكى سۆرەتا تەوبە خۆبەريكرنە ژ گاوران و بسميلاهى رەحمەت و دلۆڤانيە و نەلائيقە بسميلاهى دگەل خۆبەريكرنێ بهێت، بەلێ هەكە مرۆڤى ژ نيڤا وێ يان پشتى سەرێ وێ خواند دورستە بسميلاهى بێتە خواندن و دورستە ئستيعازە بێتەكرن بەلكى سونەتە ژبەر گۆتنا خودێ مەزن: ((فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ)) و هەرجهێ هەبيت دەستپێكێ و سەرێ وێ بيت يان هەرجهێ دى بيت. و ديسا زانا د خواندنا بسميلاهيێدا د فاتحێدا ژى د ژێك جودانە، ل دەف ئيمامێ شافعى بسميلاهى ئايەتەكە ژ فاتحێ و يێ نەخواند وى فاتحە ب دورستى نەخواند و هنگى نڤێژا وى نەيا دورستە و زانايێت دى هەمى دگەل هندێنە بسميلاهى نەپارچەك و ئايەتەكە ژ فاتحێ، و فاتحە ژى وەكى هەمى سۆرەتێت دى سۆرەتا تەوبە تێ نەبيت باشە و موستەحەبە ئەم سەرى بخوينين و نەواجبە، و يێ ل خێرا دگەريت، خێرا خواندنا بسميلاهيێ ژ خۆ نابەت، و دەستپێكا هەمى سۆرەتان دێ خوينيت دەسپێكا تەوبێ ب تنێ نەبيت، و خودێ چێتر دزانيت.
