ب / ئەڤە ئايەتا بيست و پێنجێيە ژ سۆرەتا موتەففين، و راڤەكرنا وێ ژى ب كورتى ئەڤەيە:
ئايەت د راستا مرۆڤێت چاك و پارێزكار و كێرهاتى و خودێ ناس دئاخڤيت، و خەلاتێ وان رۆژا قيامەتێ ديار دكەت، و ئەو خەلات ژى ئەڤەيە: خودێ دێ مەي و عەرەقەكا نەسەر پێ دئێشيت و نە هۆشەبر و سەردەركرى، و سەردەرێ وێ بێهنا مسكێ ژێ دهێت، و بەرى ڤێ ئايەتێ خودێ مەزن دبێژيت: ((إِنَّ الْأَبْرَارَ لَفِي نَعِيمٍ))(( عَلَى الْأَرَائِكِ يَنْظُرُونَ))(( تَعْرِفُ فِي وُجُوهِهِمْ نَضْرَةَ النَّعِيمِ)) ((يُسْقَوْنَ مِنْ رَحِيقٍ مَخْتُومٍ))(( خِتَامُهُ مِسْكٌ وَفِي ذَلِكَ فَلْيَتَنَافَسِ الْمُتَنَافِسُونَ))(( وَمِزَاجُهُ مِنْ تَسْنِيمٍ))(( عَيْنًا يَشْرَبُ بِهَا الْمُقَرَّبُونَ))هندى خۆشمرۆڤ و خودێ ناسن، دێ د بەحەشتێدا بن. دێ ل سەر تەختێت چارچەڤكرى، بەرێ خۆ دەنە وێ خێرا خودێ بۆ وان بەرهەڤكرى. دێ نيشانێت خۆشيێ د ناڤ چاڤێت وانرا بينى. دێ ژ مەيەكا سەرمۆر ڤەخۆن. دويماهيا وێ ڤەخوارنێ تاما مسكێ ددەت، بلا هەڤرك هەڤركيێ ئها بۆ ڤێ بكەن. تێكەلێ وێ ژ كانيەكا زێدە ب قەدرە د بەحەشتێدا. كانيەكە خودێ ناس و خۆش مرۆڤ ژێ ڤەدخۆن، و خودێ چێتر دزانيت.
