ب / دڤێت ئەم بزانين خودێ ئەم يێت داين، و ئەو چێكەرێ مە و عەرد و عەسمانان و گەردوونيە، و ئەڤە دخوازيت حوكمێ وى د مەدا و د گەردوونيدا بێتە ب جهئينان، و ئەم حوكمێ غەيرى وى ل سەر خۆ قەبويل نەكەين، ئەو حوكم چ ناڤ هەلگرتبيت، چونكى بێ گۆمان چەندێ ب رێك و پێك بيت يێ بێ كێماسى نابيت، بەلێ حوكمێ خودێ ئەوێ زانينا وى عەرد و عەسمانان و هەمى تشتان و هەمى دەمان ـ يێ بۆرى و نها و ئايندە ـ دگريت يێ پاك و پاقژە ژ كێماسى، و حوكمێ غەيرى خودێ ب جاهليەت و نەزانينێ هاتيە زانين، خودێ مەزن د راستا جوهياندا و هەركەسێ وەكى وان حوكمێ غەيرى خودێ دخوازن دبێژيت: ((أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ)) ئەرێ وان حوكمێ غەيرى خودێ دڤێت؟! ما حوكمێ كێ ژ يێ خودێ چێترە، و ئەوێت موكوم باوەرى ئيناين باش ڤێ دزانن. كى دزانيت حوكمێ كەسێ ناگەهيتە يێ خودێ و حوكمێ كەسێ ژ يێ خودێ چێتر نينە و ب سەر ناكەڤيت؟ ئەو يێ باوەريەكا موكم و بنەجه هەى و هۆسا ديار دبيت هەر حوكمەكێ هەبيت ژبلى يێ خودێ حوكمێ جاهليەتێيە و ئەو حوكمێ غەيرى خودێ دخوازيت يێ باوەرى نەى يان باوەرى سست و لەواز، چونكى يێ باوەرى موكم و بنەجه موستەحيلە ئەو حوكمێ غەيرى خودێ بخوازيت، چونكى ب باوەريا خۆ دزانيت حوكمێ كەسێ ب سەر يێ خودێ ناكەڤيت و چو حوكم ژ يێ خودێ چێتر نينن و حوكمێ خودێ ژ هەمى حوكمان چێترە، و خودێ چێتر دزانيت.
