ب / باراپتر زانا دگەل هندێنە رێنڤيسا قورئانێ نەهێتە گوهۆرين و وەكى خۆ بێتە نڤێسين؛ دا دويركەڤيت ژ هەر دەستكاريەكا هەبيت، نەخاسمە هندە پەيڤ يێت ب ئاوايەكێ وەسا هاتينە نڤێسين بگونجيت بۆ خاندنێت جودا جودا ئەوێت موتەواتر، و هەكە ل سەر شەنگستێت رێنڤيسا ئەڤرۆ هاتە نڤێسين ئەو مفا نامينيت، و بۆ فێربوونێ دورستە د پەروازآ قورئانێدا هندە پەيڤ دويف رێنڤيسا ئەڤرۆ بێنە نڤێسين بۆ فێربوونێ و دا قوتابى و شاگردە بزانن ل دويف رێنڤيسا ئەڤرۆ بخوينن، و زانايێت ئەڤە دورستكري: عز بن عەبدولسەلام و زومەخشەرى و ئبن خەلدون و موستەفا سوباعي خودێ ژ هەميان رازى بيت، و خودێ چێتر دزانيت.
