ب / گۆمان تێدا نينە و زانايان، ئيجماعا زانايان ل سەر ڤەگوهاستيە رێزبەنديا ئايەتان ژ وەحيێيە و نەكارەكێ ئجتيهاديە و پێغەمبەرى (سلاڤێت خودێ لێ بن) يا بۆ وان دياركرى هەر ئايەتەكێ داننە كيرێ، چونكى هەردەمێ تشتەكێ نوى ژ وەحيێ هاتبا خوارێ پێغەمبەرى(سلاڤێت خودێ لێ بن) فەرمان ددا نڤێسەرى و ئاراستە دكر، دانيتە د كێژ سۆرەتێدا و كيرا سۆرەتێ، ئەڤە نەجهێ گۆمانێيە و نەجهێ نەلێكيێيە و هەمى موسلمان ل سەر ڤێ چەندێ ئێك دەنگن، بەلێ د راستا رێزبەنديا سۆرەتاندا جهێ نەلێكيێيە، هندە زانا دبێژن: ب فەرمانا پێغەمبەرى (سلاڤێت خودێ لێ بن) يێت هاتينە رێزكرن، و هندەك دبێژن: ئجتيهادا سەحابانە، و ئبن حەجەر يا ئێكێ دورستتر ددانيت، چونكى هەمى سالان جبريل (سلاڤ ل سەر بن) قورئان ب رێز دگەل پێغەمبەرى (سلاڤێت خودێ لێ بن) جارى دكر و سالا تێدا چۆيە بەر دلۆڤانيا خودێ دوو جارا ب رێز دگەل پێغەمبەرى (سلاڤێت خودێ لێ بن) جارى كر، ئەڤە هندێ دگەهينيت ل سەر دەمێ پێغەمبەرى (سلاڤێت خودێ لێ بن) يا رێزكرى بوو، و سەحابان وەسا رێز كر وەكى ژ پێغەمبەرى (سلاڤێت خودێ لێ بن) هاتيە رێزكرن، و هەر كراسەكێ هەبيت خۆ هەكە ئجتيهادا سەحابان ژي بيت پشتى هەمى ل سەر ڤێ رێزبەنديێ بووينە ئێك و كەسێ سەرپێچى و موخالەفە نەكرى ئەڤە بۆ حوكمێ گۆمانبر و نابيت سەرپێچيا وى بێتەكرن و نابيت كەس ئەڤرۆ رێزبەنديا سۆرەتێت قورئانێ بگوهۆريت، و خودێ چێتر دزانيت.
