ب / يێ سەرڤە بەرێ خۆ بدەتێ و هزرا خۆ كوير تێدا نەكەت دێ هۆسا تێگەهيت پيلانگێرانا ژنێ ژ يا شەيتانى مەزنترە، و ئەو ب خۆ وەسا نينە، پيلانگێرانا شەيتانى بۆچى ل ڤێرێ ب لاوازى هاتيە دانان، چونكى هەمى تشت بەرامبەر هێزا خودێ مەزن يێ لاوازە چەندێ مەزن بيت، ڤيجا گەلەكا گونجيايە ل ڤێرێ خودێ مەزن بێژيت: پيلانگێرانا وى يا لاوازە، خودێ مەزن دبێژيت: ((الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفً)). ئەوێت باوەرى ئيناين، د رێكا خودێدا شەرى دكەن، و ئەوێت گاور بووين د رێكا سەرێ گاوريێدا ئەوێ شوينا خودێ دئێتە پەرستن شەرى دكەن، ڤێجا گەلى خودان باوەران هوين شەرێ دۆست و يارێت شەيتانى بكەن، ب راستى كارێ شەيتانى بەرانبەر يێ خودێ يێ بێ هێز بوو.
و پيلانگێرانا ژنێ ب مەزن هاتيە دانان، چونكى بەرامبەر يا زەلاميە و راستە هەكە تو پيلانگێرانا وێ بينيە بەرامبەر يا زەلامى دێ يا وێ مەزنتر بيت، چونكى نەوەكى زەلاميە، تشتێ بڤێت ب هێزا خۆ ب دەست خۆڤە بينيت، ڤێجا ژ نەچارى دێ رێكا پيلانگريێ كەت و هويركاريێ تێدا كەت دێ دەركەڤيت يا مەزن، و خودێ چێتر دزانيت.
