ب : ئیمامێ ترمزی ئه‌ڤ حه‌دیسه ڤه‌گێرایه و ئه‌و ب خۆ دبێژیت ئه‌ڤه حه‌دیسه‌كا غه‌ریبه، و ئه‌م ب چو رێكان نزانین ب ڤێ رێكێ نه‌بیت، و ب راستی ئه‌و رێكا پێ هاتی یا له‌وازه و گه‌له‌ك؛ چونكی ئبن سه‌عدێ عه‌وفی یێ قه‌یسی تیدایه و یێ له‌وازه نه‌سائی و ئه‌بو حاته‌می و ژبلی روان ژی له‌واز دانایه، و عه‌بده‌للاهێ كورێ وه‌لیدی ژی تێدایه ئه‌و ژی یی له‌وازه ئبن مه‌عین و ئه‌بو زه‌رعه و ئه‌بو حاته‌می له‌واز دانایه، و ئه‌لبانی ئه‌ڤ حه‌دیسه د له‌وا‌زیا ترمزیدا ئینایه و دبێژیت گه‌له‌كا له‌وازه و مه حه‌دیسێت دو‌رست ل جهێ ڤێ یێت هه‌ین مه هه‌وجه‌یی ب یێت له‌واز نه‌بیت، وه‌كی حه‌دیسا عوثمانێ كورێ عه‌فانی خودێ ژێ رازی بیت، هه‌ر ده‌مێ گوره‌ك دیتبا ل سه‌ر دراوه‌ستیا و دكره گری، گوتنێ ئه‌ڤه ته خێره؟! به‌حسێ جهنه‌مێ و به‌حه‌شتێ بۆ ته دئێته‌كرن و تو ناكه‌یه گری، و تۆ گۆری دبینی و دكه‌یه گری گۆت: من یێ گول پێغه‌مبه‌ری بوی سلاڤێت خودێ ل سه‌ربن دگۆت: گۆر پێنگاڤا ئێكێیه به‌رڤ قیامه‌تێڤه، هه‌كه ژێ رزگاربوو پشتی وێ ب ساناهیتره و هه‌كه ژێ رزگار نه‌بوو، یا پشتی وێ ب زحمه‌تتره، و من چو دیمه‌ن نه‌دیتینه هه‌كه گۆر ژێ كرێتتر نه‌بیت،(إِنَّ الْقَبْرَ أَوَّلُ مَنَازِلِ الْآخِرَةِ فَإِنْ نَجَا منه فما بَعْدَهُ أَيْسَرُ منه وَإِنْ لم يَنْجُ منه فما بَعْدَهُ أَشَدُّ منه قال وقال رسول اللَّهِ ما رأيت مَنْظَرًا قَطُّ إلا وَالْقَبْرُ أَفْظَعُ منه) خودێ مه ژێ بپارێزیت و ئه‌م ژ وان بین یێت ژێ رزگاردبن و خودێ چێتر دزانیت.
