ب : یا ئاشكرا ئه‌ڤه گۆتنا ئیمامێ مالكیه خودێ ژێ رازی بیت، به‌لێ به‌ری وی یا هاتیه گۆتن به‌ری وی ئبن عه‌باس خودێ ژێ رازی بیت دبێژیت: (ليس أحد إلا يؤخذ من قوله ، ويدع ، غير النبي - صلى الله عليه وسلم ) و موجاهد دبێژیت: (ليس أحد إلا يؤخذ من قوله ويترك إلا النبي صلى الله عليه وسلم) و سه‌بوكی دبێژیت: موجاهد و حه‌كه‌م بن عوته‌یبه و شه‌عبی ئه‌ڤ گۆتنه ژ ئبن عه‌باسی خودێ ژێ رازی بیت وه‌رگرتیه و مالك ژ وان وه‌رگرتیه و ب وی ئاشكرابوویه. و ئه‌ڤ ئاخفتنه مه‌به‌ست ژێ ئه‌وه كه‌س پشتی پێغه‌مبه‌ری سلاڤێت خودێ ل سه‌ربن یێ مه‌عصوم نینه، و هه‌ر كه‌سێ هه‌بیت چه‌ند دزانینیدا یێ به‌ژن بلندبیت، دبیت خه‌له‌ت ببیت، پێغه‌مبه‌ر سلاڤێت خودێ ل سه‌ربن نه‌بیت؛ ژ به‌رهندێ دڤێت ئه‌م هه‌می فه‌رمان گۆتنێت پێغه‌مبه‌ری سلاڤێت خودێ ل سه‌ربن بێ دوودلی و راوه‌ستیان وه‌رگرین، وكارپێ بكه‌ین، غه‌یری وی دێ ئاخفتنا وان دانینیه به‌ر حه‌قیێ یا ل گه‌ل هات دێ وه‌رگرین و یا ل لگه‌ل نه‌هات و هه‌ڤرك بیت نا وه‌رگرین، بلا یا كێ بیت، به‌س كی دێ شێت ڤی كاری كه‌ت شاگردوكێت زانینێ یان یێ هێشتا ل به‌ر لێڤا ده‌ریایا زانینێ و پێلێت ده‌ریایا زانینێ نه‌برین، نه‌خیر ئه‌و دێ شێت ڤێ ئاخفتنێ بێژیت یێ پشك وبارێت مه‌زن دزانینیدا هه‌بن، بزانه كا خودانێت وان ئاخفتنا كینه پاشی تۆ ژێ وه‌بێژه، ده‌ستپێكێ ئبن عه‌باسه خودێ ژێ رازی بیت زانایێ ڤێ ئوممه‌تێ و پاشی ئیمام موجاهد و ئیمام شه‌عبی و حه‌كه‌م و پاشی ئیمام مالك ئیمامێ دونیایێ و مه‌دینێ و خودێ چێتر دزانیت.
